ഡിസംബർ മൂന്നിന് ഫിഫ ലോകകപ്പ് റൗണ്ട് ഓഫ് 16 ൽ അർജന്റീന ഓസ്‌ട്രേലിയയെ നേരിടും. ഖത്തറിലെ അർ-റയ്യാനിലെ അഹമ്മദ് ബിൻ അലി സ്റ്റേഡിയത്തിലാണ് ഏറ്റുമുട്ടൽ.മത്സരത്തിന് മുന്നോടിയായി മാധ്യമങ്ങളോട് സംസാരിക്കവെ ലോകകപ്പിൽ മെസ്സിക്കെതിരെ കളിക്കാൻ താൻ കാത്തിരിക്കുകയാണെന്ന് ഓസ്ട്രിയലിൻ താരം ഡിജെനെക് പറഞ്ഞു.
എക്കാലത്തെയും മികച്ച കളിക്കാരനെ നേരിടാൻ അദ്ദേഹത്തിന് ആത്മവിശ്വാസമുണ്ട്. “ഞാൻ മെസ്സിയെ എപ്പോഴും സ്നേഹിക്കുന്നുണ്ടെന്ന് നിങ്ങൾക്കറിയാം, ഞാൻ കണ്ടതിൽ വെച്ച് ഏറ്റവും മികച്ച കളിക്കാരൻ തന്നെയാണ് മെസ്സി. മെസിക്കെതിരെ കളിക്കുന്നത് ഒരു ബഹുമതിയല്ല, കാരണം അദ്ദേഹം നമ്മളെല്ലാവരും പോലെ ഒരു മനുഷ്യനാണ്.അർജന്റീനയോ പോളണ്ടോ കളിച്ചാലും ലോകകപ്പിന്റെ 16-ാം റൗണ്ടിൽ ഓസ്‌ട്രേലിയയെ പ്രതിനിധീകരിക്കുക എന്നത് ഒരു ബഹുമതിയാണ്.” ഓസ്‌ട്രേലിയൻ താരം പറഞ്ഞു.
“എല്ലാ ആക്രമണങ്ങളും തടയാനുള്ള നമ്മുടെ കഴിവുകളിൽ ഞങ്ങൾ വിശ്വസിക്കുകയും ആത്മവിശ്വാസം പുലർത്തുകയും വേണം. അത് സാധ്യമാകുമോ ഇല്ലയോ എന്ന് എനിക്ക് ഉറപ്പില്ല, പക്ഷേ തടയാൻ ഞങ്ങൾ 110% നൽകുമെന്ന് എനിക്കറിയാം” അദ്ദേഹം കൂട്ടിച്ചേർത്തു.പ്രീ ക്വാർട്ടറിൽ അർജന്റീനയെ പരാജയപ്പെടുത്തുമെന്നാണ് ഓസ്ട്രേലിയയുടെ പരിശീലകനായ ഗ്രഹാം അർണോൾഡ് അഭിപ്രായപ്പെടുകയും ചെയ്തു . കഴിഞ്ഞവർഷം ഒളിമ്പിക്സിൽ അർജന്റീനയെ തോൽപ്പിച്ചിട്ടുണ്ടെന്നും പരിശീലകൻ കൂട്ടിച്ചേർത്തു.ഇത് മഞ്ഞ ജേഴ്സിയും നീലയും വെള്ളയും ജേഴ്സിയും തമ്മിലുള്ള പോരാട്ടമാണ്.11 പേർ തമ്മിലുള്ള പോരാട്ടമാണ്. ഞങ്ങൾക്ക് വിജയിക്കാനാവും എന്നും പറഞ്ഞു .
‘Unfortunately,’ says Milos Degenek, ‘I am a big fan of his. But I’d love to win the World Cup probably more than him to win the World Cup.’
— Guardian sport (@guardian_sport) December 2, 2022
Socceroos put fandom to one side in bid to foil Lionel Messi and Argentina. By @emmavkemp https://t.co/aTr3juftti
“ഓസ്‌ട്രേലിയക്കെതിരായ മത്സരം വളരെ ബുദ്ധിമുട്ടുള്ളതായിരിക്കും, ആരും ആരെ വേണമെങ്കിലും തോൽപ്പിക്കാൻ. എല്ലാം വളരെ തുല്യമാണ്. ഞങ്ങൾ എല്ലായിപ്പോഴും ചെയ്യുന്നതു പോലെ ഏറ്റവും മികച്ച രീതിയിൽ മത്സരത്തിനായി തയ്യാറെടുക്കുക എന്നതാണ് ഇനി ചെയ്യാനുള്ളത്.”പോളണ്ടിനെതിരെയുള്ള മെസി മത്സരത്തിന് ശേഷം മാധ്യമങ്ങളോട് പറഞ്ഞു.ഉദ്ഘാടന മത്സരത്തിൽ സൗദി അറേബ്യയ്‌ക്കെതിരെ 2-1 ന് പരാജയപ്പെട്ട അര്ജന്റീന അടുത്ത രണ്ടു മത്സരങ്ങളിൽ തകർപ്പൻ ജയം നേടിയാണ് പ്രീ ക്വാർട്ടറിൽ സ്ഥാനം പിടിച്ചത്.