ലയണൽ മെസ്സി അടുത്ത സീസണിൽ ഏത് ക്ലബ്ബിൽ കളിക്കും എന്നുള്ളത് ആരാധകർ ആവേശത്തോടുകൂടി ഉറ്റുനോക്കുന്ന കാര്യമാണ്.മെസ്സി പിഎസ്ജി വിട്ട് ബാഴ്സയിലേക്ക് പോവണം എന്ന് തന്നെയാണ് ഭൂരിഭാഗം ആരാധകരും ആഗ്രഹിക്കുന്നത്.കാരണം ലയണൽ മെസ്സി അർഹിക്കുന്ന രീതിയിലല്ല പാരീസിലെ ആരാധകർ അദ്ദേഹത്തെ ട്രീറ്റ് ചെയ്യുന്നത്.
മെസ്സിയെ തിരികെ എത്തിക്കാനുള്ള എല്ലാവിധ ശ്രമങ്ങളും ബാഴ്സ നടത്തുന്നുണ്ട്. സാമ്പത്തികപരമായ പ്രതിസന്ധികൾ ഉള്ളതിനാൽ പുറത്തുനിന്ന് സ്പോൺസേഴ്സിനെ ബാഴ്സ ഇപ്പോൾ അന്വേഷിക്കുന്നുണ്ട്.കുറഞ്ഞ സാലറി നൽകിക്കൊണ്ട്,ക്ലബ്ബിന്റെ വരുമാനത്തിന്റെ ഒരു ഭാഗം മെസ്സിക്ക് ഷെയർ ആയിക്കൊണ്ട് നൽകാനും ക്ലബ്ബിനെ പദ്ധതികളുണ്ട് എന്നാണ് മാധ്യമങ്ങൾ ചൂണ്ടിക്കാണിക്കുന്നത്.
കഴിഞ്ഞ ട്രാൻസ്ഫർ വിൻഡോയിലായിരുന്നു സൂപ്പർ താരം റോബർട്ട് ലെവന്റോസ്ക്കി ബാഴ്സയിൽ എത്തിയത്.ഈ സീസണിൽ മികച്ച പ്രകടനം നടത്താൻ അദ്ദേഹത്തിന് സാധിക്കുന്നുണ്ട്.ലയണൽ മെസ്സിക്കൊപ്പം ഒരുമിച്ച് കളിക്കാനുള്ള തന്റെ ആഗ്രഹം അദ്ദേഹം ഇപ്പോൾ പങ്കുവെച്ചിട്ടുണ്ട്.അടുത്ത സീസണിൽ മെസ്സിക്കൊപ്പം കളിക്കാൻ കഴിയുമെന്നുള്ള ശുഭാപ്തി വിശ്വാസത്തിലാണ് അദ്ദേഹം.
‘മെസ്സി എപ്പോഴും ബാഴ്സയുമായി ബന്ധപ്പെട്ട് കിടക്കുന്ന ഒരു താരമാണ്.അദ്ദേഹം ബാഴ്സയിലേക്ക് തിരിച്ചുവന്നാൽ അത് ഇൻക്രെഡിബിൾ ആയ ഒരു കാര്യം തന്നെയായിരിക്കും.ബാഴ്സലോണയിലാണ് മെസ്സിയുടെ സ്ഥാനം എന്നുള്ളത് നമുക്കെല്ലാവർക്കും അറിയാം.എന്താണ് സംഭവിക്കുക എന്നറിയില്ല.പക്ഷേ അടുത്ത സീസണൽ മെസ്സിക്കൊപ്പം കളിക്കാൻ കഴിയും എന്നുള്ള പ്രതീക്ഷയിലാണ് ഞാൻ ‘ റോബർട്ട് ലെവന്റോസ്ക്കി പറഞ്ഞു.
Robert Lewandowski: “Messi belongs to Barça and if he comes back it will be something incredible. We know that his place is here in Barcelona. I don't know what will happen, but I hope that next season we can play together.” @Barca_Buzz 🗣️🇵🇱 pic.twitter.com/TAmDyua59J
— All About Argentina 🛎🇦🇷 (@AlbicelesteTalk) April 11, 2023
17 ഗോളുകളും ആറ് അസിസ്റ്റുകളും ഈ ലാലിഗയിൽ നേടാൻ ലെവന്റോസ്ക്കിക്ക് കഴിഞ്ഞിട്ടുണ്ട്.അതേസമയം മെസ്സിയും പാരീസിൽ മികച്ച പ്രകടനമാണ് നടത്തുന്നത്.മെസ്സി ബാഴ്സയിലേക്ക് തിരിച്ചെത്തിയാൽ അത് ലെവന്റോസ്ക്കിയെ സംബന്ധിച്ചിടത്തോളം വളരെയധികം ഗുണകരമായ ഒരു കാര്യമായിരിക്കും.