പരിക്കുകൾ കൊണ്ട് വലഞ്ഞ് സ്പാനിഷ് ടീം ,ഒരു പ്രതിരോധ താരം കൂടി പുറത്ത് |Qatar 2022

ഖത്തർ ലോകകപ്പിന് തയ്യാറെടുക്കുന്ന സ്പാനിഷ് ടീമിന് വലിയ തിരിച്ചടി.വലൻസിയ ഡിഫൻഡർ ഹ്യൂഗോ ഗില്ലമോണിന് പരിക്ക് മൂലം സ്പെയിനിന്റെ 2022 ലോകകപ്പ് ഗ്രൂപ്പ് മത്സരങ്ങളിൽ മൂന്നും നഷ്ടമായേക്കും. നവംബർ 23 ന് കോസ്റ്റാറിക്കയ്‌ക്കെതിരെയുള്ള പോരാട്ടത്തോടെയാണ് ലാ റോജ ഖത്തറിലെ അവരുടെ കാമ്പെയ്‌ൻ ആരംഭിക്കുന്നത്.

അടുത്ത മത്സരങ്ങളിൽ അവർ ജര്മനിയെയും ജപ്പാനെയും നേരിടും. പരിക്ക് മൂലം ജോസ് ലൂയിസ് ഗയ ഇതിനകം സ്പെയിനിലേക്ക് മടങ്ങി.Diario AS-ൽ നിന്നുള്ള റിപ്പോർട്ടുകൾ പ്രകാരം ദോഹയിലേക്ക് പറക്കുന്നതിന് മുമ്പ് 22-കാരൻ കാൽമുട്ടിന് പ്രശ്‌നമുണ്ടായിരുന്നിട്ടും ഗില്ലമോനെ ടീമിൽ എൻറിക്ക് തീരുമാനിക്കുകയായിരുന്നു. മിഡിൽ ഈസ്റ്റിൽ എത്തിയതിന് ശേഷം ഗില്ലമോൻ സ്ക്വാഡിനൊപ്പം പരിശീലനം നടത്തിയിട്ടില്ല.

പരിക്ക് കാരണം സ്‌ട്രൈക്കർ അൽവാരോ മൊറാട്ടയും ഹതാരങ്ങൾക്കൊപ്പം പരിശീലനം നടത്തില്ല.രണ്ട് തവണ മാത്രമേ പരിശീലനം നടത്താൻ കഴിഞ്ഞിട്ടുള്ളൂ എന്നതിനാൽ അത്ലറ്റിക്കോ താരത്തെ ചുറ്റിപ്പറ്റിയുള്ള ആശങ്കകൾ ഏറെയാണ്. തന്റെ ടീമിലെ 26 കളിക്കാരിൽ നിന്നും ഒരു ഇലവനെ തെരഞ്ഞെടുക്കാൻ ലൂയിസ് എൻറിക്വെ പാടുപെടുകയാണ്.

2021 ജൂണിൽ ലിത്വാനിയയ്‌ക്കെതിരായ സൗഹൃദ മത്സരത്തിൽ സീനിയർ സ്പാനിഷ് ദേശീയ ടീമിനായി അരങ്ങേറ്റം കുറിച്ച ഗില്ലമോൺ സ്പാനിഷ് ടീമിനായി നിന്നും ഒരു ഗോൾ നേടിയിട്ടുണ്ട്. വലൻസിയ പോളിടെക്‌നിക് യൂണിവേഴ്‌സിറ്റിയിൽ പരീക്ഷയുള്ള ദിവസമായിരുന്നു താരത്തിന്റെ സ്പെയിൻ ടീമിനായുള്ള അരങ്ങേറ്റം. ബയോമെഡിക്കൽ എഞ്ചിനീയറിംഗിൽ വിദ്യാർത്ഥിയായായ 22 കാരൻ പാഠപുസ്തകങ്ങളും ലാപ്‌ടോപ്പും കൊണ്ടാണ് ഖത്തറിൽ എത്തിയത്.

ബാസ്‌ക് രാജ്യത്ത് ജനിച്ചെങ്കിലും സ്‌പെയിനിന്റെ കിഴക്കൻ തീരത്തുള്ള വലൻസിയൻ കമ്മ്യൂണിറ്റിയിൽ വളർന്ന കളിക്കാരൻ തന്റെ പ്രവർത്തന നൈതികതയ്‌ക്ക് വേണ്ടി എപ്പോഴും വേറിട്ടുനിൽക്കുന്നു.ഗില്ലമോൺ ഒരു കഠിനാധ്വാനിയാണ് ,അദ്ദേഹം ഒരു സെന്റർ ബാക്ക് അല്ലെങ്കിൽ ഡിഫൻസീവ് മിഡ്ഫീൽഡറായി കളിക്കുന്നത്.എപ്പോൾ വേണമെങ്കിലും കളിക്കാനും ഠിക്കാനുമുള്ള ഗില്ലമോണിന്റെ സന്നദ്ധത അദ്ദേഹത്തെ വലൻസിയ സിഎഫ് സ്ക്വാഡിലെ ഏറ്റവും ഇഷ്ടപ്പെട്ട കളിക്കാരിലൊരാളും വലൻസിയ പോളിടെക്‌നിക് സർവകലാശാലയിലെ ഏറ്റവും ബഹുമാനിക്കപ്പെടുന്ന വിദ്യാർത്ഥികളിൽ ഒരാളുമാക്കി.

പിച്ചിലും ലെക്ചർ ഹാളിലും തന്റെ കഴിവും ബുദ്ധിയും പ്രകടിപ്പിക്കുന്ന, കഠിനാധ്വാനം ചെയ്യുന്ന ഈ കളിക്കാരന്റെ ഭാവി വളരെ ശോഭനമാണ്.വലൻസിയക്ക് വേണ്ടി ലാലിഗ സാന്റാൻഡറിലെ അദ്ദേഹത്തിന്റെ പ്രകടനങ്ങൾ ഡിസംബർ മാസങ്ങളിൽ ലോകകപ്പ് സ്റ്റേജിൽ അവതരിപ്പിക്കാനുള്ള അവസരം അദ്ദേഹത്തിന് നേടിക്കൊടുത്തു. പക്ഷെ പരിക്ക് വില്ലനായി എത്തിയതോടെ അദ്ദേഹത്തിന്റെ സ്വപ്‌നങ്ങൾ തകർന്നിരിക്കുകയാണ്