ചരിത്രത്തിലെ ഏറ്റവും മികച്ച താരത്തോടൊപ്പമാണ് കളിച്ചതെന്ന് വിരമിക്കുന്ന സമയത്ത് ഞാനെന്റെ കുട്ടികളോട് പറയും : ക്രിസ്റ്റ്യൻ റൊമേറോ

അർജന്റീനയുടെ ഡിഫൻസിലെ വളരെ നിർണായകമായ സാന്നിധ്യമാണ് ക്രിസ്റ്റ്യൻ റൊമേറോ.താരം അർജന്റീനക്ക് വേണ്ടി അരങ്ങേറിയതിനു ശേഷം വളരെ കുറഞ്ഞ ഗോളുകൾ മാത്രമാണ് ഇതുവരെ അർജന്റീന വഴങ്ങിയിട്ടുള്ളത്. അത്രയേറെ മികച്ച പ്രകടനം നടത്താൻ താരത്തിന് കഴിയുന്നുണ്ട്.

കഴിഞ്ഞ കോപ്പ അമേരിക്കയിൽ വളരെ മികച്ച പ്രകടനമാണ് താരം നടത്തിയത്.വരുന്ന വേൾഡ് കപ്പിലും ഒരുപാട് പ്രതീക്ഷകൾ അർജന്റീന ഈ സെന്റർ ബാക്കിൽ വെച്ച് പുലർത്തുന്നുണ്ട്. പ്രീമിയർ ലീഗ് ക്ലബ്ബായ ടോട്ടൻഹാമിന് വേണ്ടിയാണ് റൊമേറോ ഇപ്പോൾ കളിക്കുന്നത്.

ഏതായാലും റൊമേറോ ഒരിക്കൽ കൂടി തന്റെ സഹതാരമായ ലയണൽ മെസ്സിയെ കുറിച്ച് മനസ്സ് തുറന്ന് ചില കാര്യങ്ങൾ പങ്കുവെച്ചിട്ടുണ്ട്. ഫുട്ബോൾ ചരിത്രത്തിലെ എക്കാലത്തെയും മികച്ച താരത്തോടൊപ്പമാണ് താൻ കളിച്ചത് എന്നുള്ള കാര്യം വിരമിക്കുന്ന സമയത്ത് എന്റെ കുട്ടികളോട് പറയാൻ തനിക്ക് സാധിക്കുമെന്നാണ് റൊമേറോ പറഞ്ഞിട്ടുള്ളത്.പോള്ളോ വിഗ്നോളോയോട് സംസാരിക്കുകയായിരുന്നു ഇദ്ദേഹം.

‘ ഞാൻ വിരമിക്കുന്ന സമയത്ത് എന്റെ കുട്ടികളുടെ എനിക്ക് പറയാൻ സാധിക്കും,ഫുട്ബോൾ ചരിത്രത്തിലെ എക്കാലത്തെയും മികച്ച താരത്തോടൊപ്പം ആണ് ഞാൻ കളിച്ചിട്ടുള്ളത് എന്ന്. വളരെയധികം വിനയമുള്ള ഒരു താരമാണ് ലയണൽ മെസ്സി. അത് അദ്ദേഹത്തിന്റെ സ്റ്റാറ്റസ് വർദ്ധിപ്പിക്കുന്നു. ഒരുപാട് കാലമായി എന്നെ അറിയുന്നതുപോലെയാണ് അദ്ദേഹം എന്നെ അർജന്റൈൻ ടീമിൽ എത്തിയിരുന്ന സമയത്ത് സ്വീകരിച്ചിരുന്നത് ‘ ക്രിസ്റ്റ്യൻ റൊമേറോ പറഞ്ഞു.

തീർച്ചയായും ലയണൽ മെസ്സിയുടെ വിനയത്തെക്കുറിച്ചും ലാളിത്യത്തെ കുറിച്ചും ഒരുപാട് പേർ സംസാരിക്കാറുണ്ട്.തന്റെ സഹതാരങ്ങളോടൊക്കെ വളരെ നല്ല രൂപത്തിൽ ഇടപഴകുന്ന ലയണൽ മെസ്സി ഓരോ യുവതാരത്തിനും മാതൃകയാക്കാവുന്ന വ്യക്തിത്വമാണ്.