റൊണാൾഡോയുടെ ജേഴ്സിയിട്ട് മെസ്സിയുടെ കളി കണ്ടു,പ്രശസ്ത യൂട്യൂബർക്ക് പിന്നീട് സംഭവിച്ചത്

അർജന്റീന സൂപ്പർതാരം ലിയോ മെസ്സിയുടെ ഇന്റർമിയാമി ജേഴ്സിയിലുള്ള അരങ്ങേറ്റം മത്സരം ആയിരുന്നു ഇന്ന് രാവിലെ അരങ്ങേറിയത്. അമേരിക്കൻ ക്ലബ്ബിന് വേണ്ടിയുള്ള ലിയോ മെസ്സിയുടെ ആദ്യ മത്സരം കാണാൻ ഒഴുകിയെത്തിയത് പ്രമുഖ സെലിബ്രിറ്റീസ് ഉൾപ്പെടെ നിരവധി ആരാധകരാണ്.

ലിയോ മെസ്സിയുടെ മത്സരം കാണാൻ എത്തിയ വിശിഷ്ട അതിഥികളിൽ ഒരാൾ ക്രിസ്റ്റ്യാനോ റൊണാൾഡോയുടെ കടുത്ത ആരാധകനായ അമേരിക്കൻ യൂട്യൂബർ ഐ ഷോ സ്പീഡ് ആയിരുന്നു. ക്രിസ്ത്യാനോ റൊണാൾഡോയോട് ഇഷ്ടം കൂടുതലുള്ള ഐ ഷോ സ്പീഡ് ലിയോ മെസ്സിയുടെ കടുത്ത വിരോധിയാണെന്ന് പലരും അഭിപ്രായപ്പെടുന്നുണ്ട്, ഐഷോ സ്പീഡിന്റെ ലൈവ് സ്ട്രീമിലെയും വീഡിയോകളിലെയും തമാശരൂപേയാണയുള്ള പ്രവർത്തികളും വാക്കുകളും ഏകദേശം അതുപോലെ തന്നെയാണ്.

ഇന്റർമിയാമി ജേഴ്സിയിൽ അരങ്ങേറ്റം കുറിച്ച ലിയോ മെസ്സിയെ കാണാൻ എത്തിയ ഐ ഷോ സ്പീഡ് മത്സരത്തിന്റെ അവസാനനിമിഷം മെസ്സി നേടുന്ന ഫ്രീകിക്ക് ഗോൾ കണ്ട് അത്ഭുതപ്പെട്ടിരിക്കുകയാണ്. മത്സരം ഒരു ഗോളിന് സമനിലയിൽ മുന്നോട്ടുപോകവേ കളികഴിയാൻ നിമിഷങ്ങൾ മാത്രം ബാക്കി നിൽക്കെ ഇന്റർമിയാമിക് ലഭിച്ച ഫ്രീകിക്ക് മെസ്സി ഗോളാക്കി മാറ്റുകയാണെങ്കിൽ മെസ്സിയുടെ ഫാനായി താൻ മാറുമെന്ന് ഐ ഷോ സ്പീഡ് തമാശരൂപേണ പറയുകയുണ്ടായി.

ലിയോ മെസ്സി വളരെ മനോഹരമായി ഫ്രീകിക്ക് ഗോൾ നേടിയതിനാൽ ഐഷോ സ്പീഡ് താൻ അണിഞ്ഞിരുന്ന ക്രിസ്ത്യാനോ റൊണാൾഡോയുടെ പോർച്ചുഗൽ ജേഴ്സി ഊരി ലിയോ മെസ്സിയുടെ ഇന്റർമിയാമി ജഴ്സിയിൽ ആഘോഷവും നടത്തി. നിലവിൽ ക്രിസ്ത്യാനോ റൊണാൾഡോയുടെ കടുത്ത ആരാധകനായ ഐ ഷോ സ്പീഡിന്റെ ഈ വീഡിയോയും സെലിബ്രേഷനും സോഷ്യൽ മീഡിയയിൽ വൈറൽ ആവുകയാണ്.

ക്രിസ്ത്യാനോ റൊണാൾഡോയെ ഏറെ കാണാൻ ആഗ്രഹിച്ച ഐഷോ സ്പീഡ് പോർച്ചുഗലിന്റെ അവസാനം നടന്ന മത്സരത്തിനുശേഷം തന്റെ സൂപ്പർതാരത്തിന് നേരിട്ട് കാണുകയും സമയം ചെലവഴിക്കുകയും ചെയ്തിരുന്നു. ലിയോ മെസ്സിയെക്കാൾ ഏറ്റവും മികച്ച താരം ക്രിസ്ത്യാനോ റൊണാൾഡോ എന്നാണ് ഐഷോ സ്പീഡിന്റെ അഭിപ്രായം. അമേരിക്കൻ യുട്യൂബറായ ഐഷോ സ്പീഡിന്റെ നാട്ടിലേക്കാണ് ലിയോ മെസ്സി തന്റെ ഫുട്ബോൾ കരിയറിലെ അടുത്ത ഘട്ടം തുടങ്ങുവാൻ എത്തിയിരിക്കുന്നത്.