പാരീസ് സെന്റ് ജെർമെയ്‌നിലെ അർജന്റീന സൂപ്പർതാരം ലയണൽ മെസ്സിയാണ് ലോക ഫുട്‌ബോളിലെ ഏറ്റവും മികച്ച കളിക്കാരനെന്ന് വിശ്വസിക്കുന്ന വലിയൊരു കൂട്ടം ആരാധകരുണ്ട്. ലയണൽ മെസ്സിയെ വ്യത്യസ്ത വീക്ഷണങ്ങളിലൂടെ വിലയിരുത്തുന്നവരുമുണ്ട്.ലയണൽ മെസ്സിയെ ഏറ്റവും മികച്ച കളിക്കാരൻ എന്ന് വിളിക്കുന്നത് എന്തുകൊണ്ടാണെന്നതിന് എല്ലാവർക്കും വ്യത്യസ്തമായ ഉത്തരങ്ങളും കാഴ്ചപ്പാടുകളുമുണ്ടാകും.
ലയണൽ മെസിയുടെ കഴിവും ഡ്രിബ്ലിംഗും കളിക്കളത്തിലെ പ്രകടനവും കണ്ട് നിരവധി പേരാണ് മെസ്സിയുടെ ആരാധകരായി മാറിയത്. ലയണൽ മെസ്സിയുടെ ഗോൾ സ്കോറിങ് മികവിൽ മറ്റുള്ളവർ ആകൃഷ്ടരായിരിക്കാം. ഇങ്ങനെ, ഫുട്ബോളിൽ മെസ്സിയുടെ എതിരാളികളായി കളിച്ചവർ പോലും മെസ്സിയുടെ ഗുണങ്ങൾ കണ്ടെത്തുന്നു. ചില മത്സരങ്ങൾക്ക് ശേഷം അദ്ദേഹത്തിന്റെ എതിർ ടീമിലെ അംഗങ്ങൾ മെസ്സിയുടെ ജേഴ്സിയും ഓട്ടോഗ്രാഫും ആവശ്യപ്പെടുന്നത് കളിക്കാരൻ എത്രമാത്രം ജനപ്രിയനാണെന്ന് തെളിയിക്കുന്നു.
കൊളംബിയൻ സ്‌ട്രൈക്കർ റഡാമെൽ ഫാൽക്കാവോ ഫുട്‌ബോളിലെ ഏറ്റവും മികച്ച സ്‌ട്രൈക്കർമാരിൽ ഒരാളാണ്. 36 കാരനായ ഫാൽക്കാവോ നിലവിൽ ലാലിഗ ക്ലബ് റായോ വല്ലക്കാനോയ്ക്ക് വേണ്ടിയാണ് കളിക്കുന്നത്. റിവർ പ്ലേറ്റ്, പോർട്ടോ, അത്‌ലറ്റിക്കോ മാഡ്രിഡ്, മൊണാക്കോ, മാഞ്ചസ്റ്റർ യുണൈറ്റഡ്, ചെൽസി തുടങ്ങി നിരവധി വലിയ ക്ലബ്ബുകൾക്കായി ഫാൽക്കാവോ കളിച്ചിട്ടുണ്ട്. ലോകത്തിലെ ഏറ്റവും മികച്ച കളിക്കാരനായ ലയണൽ മെസ്സിയുടെ മഹത്വത്തെക്കുറിച്ച് ഫാൽക്കാവോ പറഞ്ഞു.
Radamel Falcao: "If Messi scores a goal, people ask for two. If he scores a free-kick, they'll say the wall wasn't set up properly. If they lose, it will be talked about like it was his fault."
— SPORTbible (@sportbible) November 1, 2022
"That's the price you pay for being the best player in the world.” pic.twitter.com/GXzIFpOQmu
“മെസ്സി ഒരു ഗോൾ നേടിയാൽ ആളുകൾ രണ്ടെണ്ണം ചോദിക്കും. അവൻ ഒരു ഫ്രീകിക്ക് നേടിയാൽ, അവർ പറയും മതിൽ ശരിയായില്ലെന്ന് ,തോറ്റാൽ അത് തന്റെ തെറ്റാണെന്ന് പറയും. ലോകത്തിലെ ഏറ്റവും മികച്ച കളിക്കാരനെന്ന നിലയിൽ നിങ്ങൾ നൽകുന്ന വിലയാണിത്, ”ഫാൽക്കാവോ പറഞ്ഞു.ലയണൽ മെസ്സിയെ കുറിച്ച് ആരാധകർക്കിടയിൽ നടക്കുന്ന ചർച്ചകളെക്കുറിച്ചും മെസ്സിയിൽ നിന്ന് ആരാധകർ എത്രമാത്രം പ്രതീക്ഷിക്കുന്നുവെന്നും കൊളംബിയൻ സ്‌ട്രൈക്കർ സൂചിപ്പിച്ചു.