ലയണൽ മെസ്സിയും ക്രിസ്റ്റ്യാനോ റൊണാൾഡോയും തലമുറയിലെ ഏറ്റവും മികച്ച കളിക്കാർ ആണെന്ന കാര്യത്തിൽ ആർക്കും ഒരു സംശയവും ഉണ്ടാവില്ല. ഇരു താരങ്ങളുടെയും റെക്കോർഡുകൾ അവരുടെ നേട്ടത്തെക്കുറിച്ച് നമ്മോട് സംസാരിക്കും. ഒരു വലിയ ആരാധകവൃന്ദത്തെ ഇരു ചേരികളിലായി നിർത്താന് ഇവരുടെ കളിക്കളത്തിലെയും പുറത്തെയും താരതമ്യം ഒരു കാരണമായി തീർന്നു.
ഇരു താരങ്ങളും കരിയറിന്റെ സായാഹ്നത്തിൽ ആയിരിക്കുമ്പോഴും ആരാധകരുടെ മത്സരം അവസാനിക്കുന്നില്ല. അടുത്തിടെ റൊണാൾഡോയുടെ റെക്കോർഡ് തകർക്കുന്നതിനെക്കുറിച്ച് ചിന്തിക്കുന്നുണ്ടോ എന്ന് മെസിയോട് ചോദിച്ചിരുന്നു.“ഇല്ല, കുറച്ച് മാത്രം. ഞാൻ മുമ്പ് പറഞ്ഞതുപോലെ, എന്റെ കരിയറിന്റെ ഈ ഘട്ടത്തിൽ, ഞാൻ ഇനി അതിൽ ശ്രദ്ധ കേന്ദ്രീകരിക്കുന്നില്ല” മെസ്സി മറുപടി പറഞ്ഞു.
“അർജന്റീനയ്‌ക്കൊപ്പം എനിക്ക് നേടാൻ കഴിഞ്ഞതും യു‌സി‌എൽ അല്ലെങ്കിൽ ക്ലബ് വേൾഡ് കപ്പ്, ലീഗുകൾ, കപ്പുകൾ എന്നിവ പോലുള്ള പ്രധാനപ്പെട്ട കിരീടങ്ങൾ നേടാൻ ഭാഗ്യം ലഭിച്ച ക്ലബ് ലെവലിലുമാണ് ഞാൻ ശ്രദ്ധ കേന്ദ്രീകരിക്കുന്നത്,” അദ്ദേഹം പറഞ്ഞു. “എല്ലാം നേടാനുള്ള ഭാഗ്യം എനിക്കുണ്ടായിരുന്നു, അതാണ് എന്റെ കരിയറിന്റെ അവസാനത്തിൽ അവശേഷിക്കുന്നത്.തീർച്ചയായും ഗോളുകളും റെക്കോർഡുകളും ഉണ്ട് പക്ഷെ അവ നല്ല അംഗീകാരങ്ങൾ ആണെങ്കിലും അതിനെല്ലാം രണ്ടാം സ്ഥാനമാണ് ഉള്ളത്” അദ്ദേഹം കൂട്ടിച്ചേർത്തു.
മെസ്സിയും റൊണാൾഡോയും തമ്മിലുള്ള മത്സരം ലോകമെമ്പാടുമുള്ള ആരാധകർക്ക് അവിസ്മരണീയമായ യാത്രയും ഫുട്ബോളിന്റെ ആഗോള ജനപ്രീതിയുടെ പ്രധാന ഘടകവുമാണ്.മെസ്സിയും റൊണാൾഡോയും ചേർന്ന് 12 ബാലൺ ഡി ഓർ നേടിയിട്ടുണ്ട്.