ഇന്ത്യന്‍ സൂപ്പര്‍ ലീഗിന്റെ 2022-23 സീസണില്‍ കേരള ബ്ലാസ്റ്റേഴ്‌സിന്റെ മൂന്നമത്തെ വിദേശ സൈനിങ്ങും പ്രഖ്യാപിച്ചിരിക്കുകയാണ്. ഉക്രേനിയൻ താരം ഇവാൻ കലിയൂസ്‌നിയെയാണ് കേരള ബ്ലാസ്റ്റേഴ്സ് സ്വന്തമാക്കിയത്. എഫ്കെ ഒലക്‌സാണ്ട്രിയയിൽനിന്ന്‌ വായ്‌പാടിസ്ഥാനത്തിലാണ്‌ യുവ മധ്യനിര താരം കേരള ബ്ലാസ്റ്റേഴ്സിൽ ചേരുന്നത്‌.
24 കാരനായ സെൻട്രൽ മിഡ്ഫീൽഡർ ഈ സീസണിൽ ഒരു മികച്ച ഏറ്റെടുക്കൽ ആണെന്ന് തോന്നുന്നു.വരും ദിവസങ്ങളിൽ കുറച്ച് കളിക്കാരെ കൂടി ക്ലബ് സൈൻ ചെയ്യും. ഉക്രെയ്നിൽ നിന്നുള്ള ഇവാൻ കലിയുസ്‌നി രാജ്യത്തിന്റെ അണ്ടർ 18 ടീമിനായി കളിച്ചിട്ടുണ്ട്. അദ്ദേഹം മുമ്പ് എഫ്കെ ഒലെക്സന്ദ്രിയയുടെ ഭാഗമായിരുന്നു. അതുകൂടാതെ കെഫ്‌ലാവിക്, ഡൈനാമോ കീവിന്റെ രണ്ടാമത്തെ ടീം, റുഖ് ലിവ്, മെറ്റലിസ്റ്റ് 1925 തുടങ്ങിയ ക്ലബ്ബുകൾക്കും കളിച്ചിട്ടുണ്ട്.
മെറ്റലിസ്റ്റിലാണ് 24-കാരന്റെ ഫുട്ബോൾ യാത്ര ആരംഭിച്ചത്.തുടർന്ന്‌ ഉക്രയ്‌ൻ ഭീമൻമാരായ ഡൈനാമോ കീവിനുവേണ്ടിയും കളിച്ചു. ടീമിനായി യുവേഫ യൂത്ത്‌ ലീഗിൽ പ്രതിനിധീകരിക്കുകയും ചെയ്തു. മെറ്റലിസ്റ്റ് 1925 ഖർകിവുമായി വായ്‌പാടിസ്ഥാനത്തിൽ തന്റെ സീനിയർ കരിയർ ആരംഭിച്ച അദ്ദേഹം ആദ്യ സീസണിൽ അവർക്കായി 27 മത്സരങ്ങളിലാണ് കളിച്ചത്. അടുത്ത സീസണിൽ ഉക്രയ്‌ൻ സംഘമായ റൂഖ്‌ ലിവിനൊവിൽ വായ്‌പാടിസ്ഥാനത്തിൽ കളിച്ച്‌ അദ്ദേഹം കൂടുതൽ അനുഭവ സമ്പത്ത്‌ നേടി. 32 കളിയിൽ രണ്ട്‌ ഗോളുകളടിക്കുകയും ചെയ്തു.
A tale of 2 Ivans 😁👌
— Kerala Blasters FC (@KeralaBlasters) July 18, 2022
Let's welcome Ukrainian midfielder, Ivan Kaliuzhnyi, as he joins us on loan till the end of the season! 💛
The transfer is subject to a medical which will be completed in due course. #SwagathamIvan #YennumYellow #KBFC #കേരളബ്ലാസ്റ്റേഴ്സ് pic.twitter.com/FxzbXqd9rU
ഊർജസ്വലനും ഓൾറൗണ്ട് മിഡ്ഫീൽഡറുമായി ഉക്രെയ്നിന്റെ ഒന്നാം ഡിവിഷനിലെ സ്ഥിരതയാർന്ന പ്രകടനത്തെത്തുടർന്ന്, 2021 ഫെബ്രുവരിയിൽ എഫ്കെ ഒലെക്സന്ദ്രിയ സൈൻ ചെയ്തു.23 മത്സരങ്ങളിൽ നിന്ന് 4 അസിസ്റ്റുകളും 2 ഗോളുകളും സംഭാവന ചെയ്ത അദ്ദേഹം ക്ലബ്ബിനൊപ്പം തന്റെ മികച്ച ഫോം തുടർന്നു. ബ്ലാസ്റ്റേഴ്സിൽ ചേരുന്നതിന് മുമ്പ്, ഉക്രേനിയൻ ലീഗ് താൽക്കാലികമായി നിർത്തിവച്ചതിനാൽ, ഐസ്‌ലാൻഡിന്റെ ടോപ്പ് ഡിവിഷൻ സൈഡ് കെഫ്‌ലാവിക് ഐഎഫിൽ കലിയുഷ്‌നിക്ക് വേണ്ടിയാണു കളിച്ചത്.
കഴിഞ്ഞ ആഴ്ച മുന്നേറ്റ താരം അപ്പോസ്‌തൊലോസ് ജിയാനുവിനെയും, പ്രതിരോധ താരം വിക്ടർ മോംഗിലിനെയും പ്രഖ്യാപിച്ചതിന് ശേഷം ബ്ലാസ്റ്റേഴ്സ് കരാർ ഒപ്പുവെക്കുന്ന മൂന്നാമത്തെ വിദേശ താരമാണ്‌ ഇവാൻ കലിയൂഷ്‌നി. വരാനിരിക്കുന്ന ഐ‌എസ്‌എൽ 2022‐23 സീസണിനായി തയ്യാറെടുക്കുന്ന ബ്ലാസ്റ്റേഴ്സ് മധ്യനിരയ്‌ക്ക്‌ ഇവാൻ കലിയുഷ്‌നിയുടെ സാന്നിധ്യം മറ്റൊരു മാനം നൽകും.