ബംഗ്ലാദേശിലെ വമ്പൻ ആരാധകക്കൂട്ടം,താൻ കണ്ടിരുന്നുവെന്ന് തുറന്നു പറഞ്ഞു ലിയോ മെസ്സി.

കഴിഞ്ഞ ഖത്തർ വേൾഡ് കപ്പിൽ അർജന്റീന കിരീടം നേടിയപ്പോൾ അവരുടെ ആരാധക പിന്തുണയും ലോക ശ്രദ്ധ നേടിയിരുന്നു.അർജന്റീനയിൽ നിന്നുള്ള നിരവധി ആരാധകരായിരുന്നു ഖത്തറിൽ തങ്ങളുടെ ടീമിനുവേണ്ടി ആർപ്പുവിളിക്കാൻ എത്തിയിരുന്നത്.അർജന്റീനക്കാർ അല്ലാതെയും ഒരുപാട് ആരാധകർ അർജന്റീനയെ സപ്പോർട്ട് ചെയ്യാൻ വേണ്ടി സ്റ്റേഡിയങ്ങളിൽ ഉണ്ടായിരുന്നു.അതിനുള്ള പ്രധാനകാരണം ലിയോ മെസ്സി തന്നെയായിരുന്നു.

ലയണൽ മെസ്സിയോടുള്ള ഇഷ്ടം കാരണം നിരവധി ആരാധകരായിരുന്നു അർജന്റീന പിന്തുണച്ചിരുന്നത്.കടുത്ത അർജന്റീന ആരാധകരാൽ ശ്രദ്ധ നേടിയ രാജ്യമാണ് ബംഗ്ലാദേശ്.അവിടെ നിന്ന് അർജന്റീനക്ക് ലഭിക്കുന്ന പിന്തുണ കണ്ടുകൊണ്ട് അർജന്റീനയുടെ പരിശീലകനായ ലയണൽ സ്കലോണി പോലും അത്ഭുതം രേഖപ്പെടുത്തിയിരുന്നു.ബംഗ്ലാദേശിലെ അർജന്റീന ആരാധകർ ലോകം മുഴുവനും ശ്രദ്ധ പിടിച്ചു പറ്റുകയും ചെയ്തിരുന്നു.കേരളത്തിലെ ആരാധകരും അതുപോലെ ലോകശ്രദ്ധ നേടിയവരാണ്.

ലയണൽ മെസ്സി അർജന്റീന മീഡിയയായ ഡയാരിയോ ഒലെക്ക് ഒരു ഇന്റർവ്യൂ നൽകിയിരുന്നു.ആ ഇന്റർവ്യൂവിൽ ബംഗ്ലാദേശിലെ അർജന്റീന ആരാധകരുടെ ആവേശത്തെക്കുറിച്ചും പിന്തുണയെ കുറിച്ചും മെസ്സിയോട് ചോദിക്കപ്പെട്ടിരുന്നു. ബംഗ്ലാദേശിലെ ആരാധകരുടെ വീഡിയോ ദൃശ്യങ്ങൾ താൻ കണ്ടിരുന്നു എന്നാണ് ലയണൽ മെസ്സി ഇപ്പോൾ പറഞ്ഞിട്ടുള്ളത്.വളരെയധികം മനോഹരമായ ഒരു കാഴ്ചയായിരുന്നുവെന്നും മെസ്സി പറഞ്ഞു.

‘തീർച്ചയായും ഞാൻ എല്ലാം കണ്ടിരുന്നു.അർജന്റീനയുടെ ജേഴ്സിയായിരുന്നു എല്ലായിടത്തും.മാധ്യമപ്രവർത്തകയായ സോഫി മാർട്ടിനസ് വേൾഡ് കപ്പ് ഫൈനലിനു മുന്നേ ഇതേക്കുറിച്ച് എന്നോട് പറയുകയും ചെയ്തിരുന്നു.ലോകമെമ്പാടുമുള്ള ആരാധകരുടെ ആവേശത്തെക്കുറിച്ചും സ്നേഹത്തെക്കുറിച്ചും ആയിരുന്നു അവർ സംസാരിച്ചിരുന്നത്.ലോകത്തിന്റെ പല ഭാഗങ്ങളിലും അർജന്റീനയുടെ പത്താം നമ്പർ ജേഴ്സി അണിഞ്ഞുള്ള ആരാധകരുടെ ഒരുപാട് വീഡിയോകൾ കണ്ടിരുന്നു.വളരെ മനോഹരമായ കാഴ്ചയായിരുന്നു അത് ‘ ലിയോ മെസ്സി പറഞ്ഞു.

ലിയോ മെസ്സിയുടെയുടെയും അർജന്റീനയുടെയും ലോകമെമ്പാടുമുള്ള ആരാധകപിന്തുണ വളരെയധികം അത്ഭുതപ്പെടുത്തുന്നത് തന്നെയായിരുന്നു.ലയണൽ മെസ്സിയുടെ സാമൂഹിക മാധ്യമങ്ങളിൽ ലഭിച്ച പിന്തുണ അതിന്റെ തെളിവ് തന്നെയാണ്.വേൾഡ് കപ്പ് നേടിയതോടുകൂടി മെസ്സിക്ക് ലഭിക്കുന്ന പിന്തുണ ഇരട്ടിയായി വർധിക്കുകയും ചെയ്തിട്ടുണ്ട്.