ഇന്ത്യൻ സൂപ്പർ ലീഗിലെ കേരള ബ്ലാസ്റ്റേഴ്‌സ് മത്സരത്തിനായി കൊച്ചിയിലെ നെഹ്‌റു സ്റ്റേഡിയത്തിൽ ഒരു ‘എവേ-ടീം’ ആരാധകനായി എത്തുകയാണെങ്കിൽ അത് ശരിക്കും ബുദ്ധിമുട്ടായിരിക്കും.കൊച്ചിയിലെ ഒരു എവേ ആരാധകന്റെ മനസ്സിൽ എന്താണ് ഓടിയെത്തുന്നതെന്ന് ബ്ലാസ്റ്റേഴ്‌സ് മുഖ്യ പരിശീലകൻ ഇവാൻ വുകൊമാനോവിച്ച് സൂചന നൽകി.
“സത്യം പറയട്ടെ, ഒരു എവേ-ടീം ആരാധകൻ എന്ന നിലയിൽ 35,000 അല്ലെങ്കിൽ 40,000 ആളുകളുള്ള സ്റ്റേഡിയത്തിൽ നിങ്ങൾ എത്തുമ്പോൾ,നിങ്ങളുടെ ഭാഗത്ത് നൂറുകണക്കിനാളുകൾ പോലുമില്ലാത്തപ്പോൾ, നിങ്ങൾക്ക് അരക്ഷിതാവസ്ഥ തോന്നുന്നു, ഭയം തോന്നുന്നു, പ്രത്യേകിച്ച് നിങ്ങൾ കൊച്ചിയിൽ വന്ന് കളി കാണാൻ എത്തുമ്പോൾ”സെർബിയൻ പറഞ്ഞു.
“എന്തൊരു അന്തരീക്ഷമാണ് ഇവിടെ കാത്തിരിക്കുന്നതെന്ന് ഞങ്ങൾക്കെല്ലാം അറിയാം.കാരണം ഹോം ടീമും ഹോം സപ്പോർട്ടർമാരും എന്ന നിലയിൽ അവർ കേരള ബ്ലാസ്റ്റേഴ്സിനെ എങ്ങനെ പിന്തുണയ്ക്കുന്നുവെന്ന് ഞങ്ങൾക്കറിയാം. പ്രവചനാതീതമായ എന്തെങ്കിലും അല്ലെങ്കിൽ വൃത്തികെട്ട കാര്യങ്ങൾ ഉണ്ടെങ്കിൽ ഞാൻ വളരെ ഖേദിക്കുന്നു, പക്ഷേ അവരുടെ വികാരങ്ങൾ നിങ്ങൾക്കറിയാം, എല്ലാവരും സുരക്ഷിതരാണെന്ന് ഞാൻ പ്രതീക്ഷിക്കുന്നു. എല്ലാ ആരാധകരും നന്നായി പെരുമാറുമെന്നും എല്ലാവർക്കും സുഖം ലഭിക്കുമെന്നും ഞാൻ പ്രതീക്ഷിക്കുന്നു” ഇവാൻ പറഞ്ഞു.
ഹോം ഗ്രൗണ്ടിൽ തങ്ങളെ പിന്തുണക്കാൻ വൻ ജനക്കൂട്ടം എത്തുന്നത് കാണുമ്പോൾ ബ്ലാസ്റ്റേഴ്‌സ് കളിക്കാർക്ക് ഒരുതരം മാന്ത്രിക വികാരമാണെന്ന് അദ്ദേഹം പറഞ്ഞു.“ചുറ്റും മഞ്ഞക്കടൽ കാണുമ്പോൾ ഞങ്ങൾക്ക് വളരെ സന്തോഷം തോന്നുന്നു.അത് വിലമതിക്കാനാവാത്തതാണ്. അവർക്കുവേണ്ടി എല്ലാം നൽകാൻ ഞങ്ങൾ ഇഷ്ടപ്പെടുന്നു. തീർച്ചയായും, എവേ-ടീം അനുഭാവികൾക്ക് അറിയാം, അവർ കൊച്ചിയിൽ വരുമ്പോൾ എല്ലാം കേരള ബ്ലാസ്റ്റേഴ്‌സ് സപ്പോർട്ടർമാരുടെ കാര്യമായിരിക്കും, കാരണം കളി കൊച്ചിയിലാണ്. ഫുട്ബോളിൽ അങ്ങനെയാണ്.എന്നാൽ അടുത്തിടെ നടന്ന ഒരു മത്സരം കാണിച്ചുതന്നതുപോലെ കാര്യങ്ങൾ കുറച്ചുകൂടി കടന്നുപോയി” ഇവാൻ പറഞ്ഞു.