ലയണൽ മെസ്സി ‘അവിശ്വസനീയമായ കളിക്കാരൻ’ എന്നാൽ ഫ്രാൻസ് അദ്ദേഹത്തെ തടയാൻ ‘എല്ലാം ചെയ്യും’ :ഒലിവിയർ ജിറൂഡ് |Qatar 2022

തുടർച്ചയായ രണ്ടാമത്തെ തവണയും ലോകകപ്പിന്റെ ഫൈനൽ പോരാട്ടത്തിൽ ഇടം പിടിച്ചിരിക്കുകയാണ് ഫ്രാൻസ്.സൂപ്പർ താരം ലയണൽ മെസ്സിയുടെ അർജന്റീനയാണ് ഫ്രാൻസിന്റെ ഫൈനലിൽ എതിരാളികൾ. 35 കാരനായ അർജന്റീന സൂപ്പർതാരം മെസ്സി തന്റെ അവിശ്വസനീയമായ കരിയറിൽ തന്നെ ഒഴിവാക്കിയ ട്രോഫി നേടാനുള്ള ദൃഢനിശ്ചയത്തോടെ ഞായറാഴ്ച നടക്കുന്ന ഫൈനലിൽ ഇറങ്ങുന്നത്.

എന്നാൽ നാല് വർഷം മുമ്പ് റഷ്യയിൽ നിന്ന് നേടിയ വിജയം ആവർത്തിക്കാനുള്ള ഒരുക്കത്തിലാണ് ഫ്രാൻസ്. ലയണൽ മെസ്സിയുടെയും അർജന്റീനയുടെ കിരീട സ്വപ്‌നങ്ങൾ നശിപ്പിക്കാൻ തങ്ങൾ തയ്യാറാണെന്ന് മുൻ ആഴ്സണലിന്റെയും ചെൽസിയുടെയും സ്‌ട്രൈക്കർ ജിറൂഡ് പറയുന്നു. ” മെസ്സിയെ തടയാൻ ഞങ്ങൾ കഠിനമായി ശ്രമിക്കും. എന്നാൽ ആ ടീമിൽ മെസ്സി മാത്രമല്ല ഉള്ളത്. ടീമിനായി പ്രവർത്തിക്കുന്ന മികച്ച കളിക്കാരും അവർക്കുണ്ട്. അതുകൊണ്ടാണ് അവർ ഇത്ര ശക്തരെന്ന് ഞാൻ കരുതുന്നു” ഫ്രഞ്ച് സ്‌ട്രൈക്കർ പറഞ്ഞു.

2018 ൽ എൻഗോലോ കാന്റെ മെസ്സിയെ പിടിച്ചു കെട്ടിയിരുന്നു എന്നാൽ ചെൽസി മിഡ്ഫീൽഡർ ഇത്തവണ പരിക്കേറ്റത്കൊണ്ട് വേൾഡ് കപ്പ് കളിക്കുന്നില്ല. അത്കൊണ്ട് തന്നെ ഇത്തവണ മെസ്സിയെ എങ്ങനെ തടയുമെന്ന് തനിക്ക് ഉറപ്പില്ലെന്ന് ജിറൂഡ് സമ്മതിക്കുന്നു.“2018 ൽ എൻഗോലോ കാന്റെ എപ്പോഴും മെസ്സിയുടെ പുറകിലായിരുന്നുവെന്നു ഞാൻ ഓർക്കുന്നു.എന്നാൽ ഇത്തവണത്തെ പ്ലാൻ എന്തായിരിക്കുമെന്ന് അറിയില്ല.മാനേജർ എന്താണ് ചെയ്യുന്നതെന്ന് നോക്കാം : ജിറൂദ് പറഞ്ഞു.ലയണൽ മെസ്സി “അവിശ്വസനീയമായ കളിക്കാരനാണ്” എന്നാൽ ലോകകപ്പ് ഫൈനൽ “ആസ്വദിക്കാൻ ഫ്രാൻസ് അദ്ദേഹത്തെ അനുവദിക്കില്ല”, കാരണം ” മെസ്സിയെ തടയാൻ ഞങ്ങൾ കഠിനമായി ശ്രമിക്കും” എന്ന് ഒലിവിയർ ജിറൂഡ് പറഞ്ഞു.

എന്നിരുന്നാലും ചരിത്രത്തിന്റെ മറ്റൊരു അധ്യായം എഴുതാൻ ഫ്രാൻസ് തയ്യാറാണെന്ന് ജിറൗഡ് തറപ്പിച്ചുപറയുന്നു, രാജ്യത്തിനായി മൂന്നാം ലോകകപ്പ് നേടാൻ തങ്ങളുടെ ടീം തയ്യാറാണെന്ന് അദ്ദേഹം പറഞ്ഞു.“മോസ്കോയിലെ ഫൈനലിന് നാല് വർഷത്തിന് ശേഷം അവിടെയെത്തുന്നത് അതിശയകരമാണ്. നമുക്ക് ഒരിക്കൽ കൂടി ഒരു മികച്ച സ്ക്വാഡ് ഉണ്ട്. ഞങ്ങൾ നമ്മിലും നമ്മുടെ ഗുണനിലവാരത്തിലും വിശ്വസിക്കുന്നു”