ഈ മാസം ആദ്യം ഹോങ്കോങ്ങിൽ നടന്ന ഇൻ്റർ മിയാമിയുടെ സൗഹൃദ മത്സരത്തിൽ കളിക്കാത്തതിനാൽ ചൈനയിലെ ആരാധകരിൽ നിന്ന് സൂപ്പർ താരം ലയണൽ മെസ്സി കടുത്ത വിമർശനത്തിന് വിധേയനായിയിരുന്നു. അടുത്തിടെ സോഷ്യൽ മീഡിയയിൽ ഹോങ്കോങ്ങിൽ കളിക്കാത്തതിന്റെ കാരണങ്ങളെക്കുറിച്ച് മെസി സംസാരിച്ചു.
ചൈനയിലെ വെയ്‌ബോ സോഷ്യൽ മീഡിയ പ്ലാറ്റ്‌ഫോമിൽ പോസ്റ്റ് ചെയ്ത ഒരു വീഡിയോയിൽ താൻ കളിക്കാതിരുന്നത് “രാഷ്ട്രീയ കാരണങ്ങളാലാണ്” എന്നത് നിഷേധിച്ചു. അങ്ങനെയാണെങ്കിൽ താൻ ആദ്യം ഹോങ്കോങ്ങിലേക്ക് ‘യാത്ര ചെയ്യില്ലായിരുന്നു’ എന്ന് പറഞ്ഞു. “എല്ലാവർക്കും അറിയാവുന്നതുപോലെ, ഞാൻ എപ്പോഴും കളിക്കാനും എല്ലാ കളിയിലും ആയിരിക്കാനും ആഗ്രഹിക്കുന്നു,” അദ്ദേഹം പറഞ്ഞു.
“രാഷ്ട്രീയ കാരണങ്ങളാലും തീർത്തും അസത്യമായ മറ്റ് പല കാരണങ്ങളാലും എനിക്ക് കളിക്കാൻ താൽപ്പര്യമില്ലെന്ന് ആളുകൾ പറയുന്നത് ഞാൻ കേട്ടിട്ടുണ്ട്. അങ്ങനെയാണെങ്കിൽ, ഞാൻ ജപ്പാനിലേക്കോ ചൈനയിലേക്കോ ഇത്രയും തവണ യാത്ര ചെയ്യുമായിരുന്നില്ല” മെസ്സി പറഞ്ഞു.ഇൻ്റർ മിയാമിയുടെ പ്രീ സീസൺ പര്യടനത്തിൻ്റെ ഭാഗമായി ഫെബ്രുവരി 4 ന് ഹോങ്കോങ്ങിൽ നിന്നുള്ള തിരഞ്ഞെടുത്ത ഇലവനെതിരേ കളിക്കാനായിരുന്നു നിശ്ചയിച്ചിരുന്നത്. എന്നാൽ, എട്ട് തവണ ബാലൺ ഡി ഓർ ജേതാവ് എംഎൽഎസ് 4-1 ന് വിജയിച്ചതിനാൽ കളിയിലുടനീളം മിയാമിയുടെ ബെഞ്ചിൽ ഇരുന്നു.
— Pontetyl Machine (@ClassicSchmo) February 19, 2024
ലോകകപ്പ് ജേതാവായ അർജൻ്റീന താരത്തിന്റെ മാന്ത്രികത കാണുന്നതിന് വൻ തുക മുടക്കി ടിക്കറ്റ് വാങ്ങിയ ആയിരക്കണക്കിന് ആരാധകരുടെ പ്രതിഷേധം മെസ്സിക്കെതിരെ ഉണ്ടായിരുന്നു.മെസ്സിക്കെതിരെ വിമർശനം ഉയർന്നതോടെ “എല്ലാവർക്കും അറിയാവുന്ന കാരണങ്ങളാൽ” അടുത്ത മാസം നൈജീരിയയും അർജൻ്റീനയും തമ്മിലുള്ള സൗഹൃദ മത്സരം റദ്ദാക്കിയാതായി അറിയിച്ചു.
അതുപോലെ, അടുത്ത മാസം ഐവറി കോസ്റ്റിനെതിരെ അർജൻ്റീനയെ നേരിടാനിരിക്കുന്ന മറ്റൊരു സൗഹൃദ മത്സരത്തിന് ആതിഥേയത്വം വഹിക്കാൻ താൽപ്പര്യമില്ലെന്ന് ബീജിംഗ് ഫുട്ബോൾ അസോസിയേഷനും വ്യക്തമാക്കി.ഇൻ്റർ മിയാമി ഗെയിമിൻ്റെ സംഘാടകരായ ടാറ്റ്‌ലർ ഏഷ്യ, ഈ മാസമാദ്യം പങ്കെടുത്ത എല്ലാ ആരാധകരോടും ക്ഷമാപണം നടത്തുകയും ഔദ്യോഗിക ചാനലുകളിൽ നിന്ന് ഗെയിം ടിക്കറ്റുകൾ വാങ്ങിയവർക്ക് 50% റീഫണ്ട് വാഗ്ദാനം ചെയ്യുകയും ചെയ്തു.