സമ്മർ ട്രാൻസ്ഫർ വിൻഡോയുടെ അവസാന ദിനത്തിലാണ് മുൻ ബാഴ്സലോണ മിഡ്ഫീൽഡർ ആർതർ മേലോയെ യുവന്റസിൽ നിന്നും ലോണിൽ ലിവർപൂൾ സ്വന്തമാക്കിയത്. ആർതറിന്റെ ഉയർന്ന വേതനത്തിന്റെ വലിയ ശതമാനം യുവന്റസ് തന്നെ നൽകും എന്നാണ് സൂചന. മൂന്ന് സീസൺ മുമ്പ് ബാഴ്സലോണയിൽ നിന്ന് വലിയ പ്രതീക്ഷയിൽ ആയിരുന്നു ആർതർ യുവന്റസിൽ എത്തിയത്. എന്നാൽ പരിക്കും ഫോമില്ലായ്മയും കാരണം താരത്തിന് തന്റെ മികവ് ഇറ്റലിയിൽ തെളിയിക്കാൻ ഇതുവരെ ആയിട്ടില്ല.
ആർതർ തന്റെ കരിയർ ബ്രസീലിയൻ ടീമായ ഗ്രെമിയോയ്‌ക്കൊപ്പം ആരംഭിച്ചു, 2018 ൽ 31 മില്യൺ (£26.7 മില്യൺ) ബാഴ്സലോണ 26 കാരനെ സ്വന്തമാക്കി.2020 ൽ യുവന്റസിലേക്ക് പോവുന്നതിനെ മുന്നേ രണ്ട് സീസണുകളിലായി ലാ ലിഗ ക്ലബ്ബിനൊപ്പം 72 മത്സരങ്ങളിൽ നിന്ന് നാല് ഗോളുകൾ നേടി.ടൂറിനിലെ തന്റെ രണ്ട് സീസണുകളിലായി ആർതർ ഇറ്റാലിയൻ ക്ലബ്ബിനായി 63 മത്സരങ്ങൾ കളിച്ചു, ഒരു തവണ സ്കോർ ചെയ്തു.ബാഴ്സലോണയിൽ ഉണ്ടായിരുന്ന സമയത്ത് സൂപ്പർ താരം ലയണൽ മെസി ബ്രസീലിയൻ മിഡ്ഫീൽഡറെ ബാഴ്സലോണ ഇതിഹാസവും നിലവിലെ മുഖ്യ പരിശീലകനുമായുമായ സാവിയുമായാണ് താരതമ്യം ചെയ്തത്.
പന്ത് കൈവശം വയ്ക്കാനും ഷോർട്ട് കളിക്കാനും അത് നഷ്ടപ്പെടുത്താതിരിക്കാനും ആർതർ ഇഷ്ടപ്പെടുന്നതിനാൽ സാവിയുമായി സാമ്യമുണ്ട്, മെസ്സി പറഞ്ഞു. അദ്ദേഹം വലിയ സോളിഡ് ആണ് ,എന്നെ പലപ്പോഴും അത്ഭുതപ്പെടുത്തിയിട്ടുണ്ട് .ആർതറിന് ബാഴ്സയിൽ ചേരുന്ന ഒരു ശൈലിയുണ്ട് ബാഴ്സലോണ ആരാധകർ കാലിൽ പന്തുമായി പോകുന്ന കളിക്കാരെ ഇപ്പോഴും ഇഷ്ടപ്പെടുന്നുണ്ട് ” മെസ്സി ബ്രസീലിയൻ മിഡ്ഫീൽഡറെ ക്കുറിച്ച് പറഞ്ഞു.
The greatest footballer of all time comparing Arthur's playing style to Xavi is more than good enough for me pic.twitter.com/xgbA5yJjzE
— 👑 (@CrimsonLFC) September 1, 2022
മധ്യനിര താരങ്ങളുടെ പരുക്കുകളാൽ ഈ സീസണായിൽ ലിവർപൂൾ ബുദ്ധിമുട്ടുകയാണ്. യുവതാരം ഹാർവി എലിയറ്റിന് ഇതുവരെ പ്രീമിയർ ലീഗ് സീസണിലെ നിരവധി മത്സരങ്ങൾ ആരംഭിക്കേണ്ടി വന്നിട്ടുണ്ട്. കിരീടം ലക്‌ഷ്യം വെക്കുന്ന റെഡ്‌സിന് ഇത് അനുയോജ്യമല്ലാത്തത് കൊണ്ടണ് പുതിയ മിഡ്ഫീൽഡർ ടീമിലെത്തിച്ചത്.കഴിഞ്ഞ വർഷം അദ്ദേഹം ഒരു ഗോൾ പോലും നേടുകയോ ഒരു അസിസ്റ്റ് പൂർത്തിയാക്കുകയോ ചെയ്തിട്ടില്ലെങ്കിലും പാസിംഗ് കഴിവിനും ,പ്രസ് ചെയ്ത് കളിക്കുന്ന താരം കൂടിയാണ്. സീസണിന്റെ തുടക്കം മുതൽ ബ്രസീലിയൻ താരം ഒരു നീക്കത്തെക്കുറിച്ച് ആലോചിക്കുന്നുണ്ടെന്നും പുതിയ ലിവർപൂൾ മിഡ്ഫീൽഡർ എന്ന നിലയിലുള്ള അദ്ദേഹത്തിന്റെ സ്ഥാനം ഖത്തറിലെ ലോകകപ്പിൽ ഒരു സ്ഥാനം നേടാനുള്ള അദ്ദേഹത്തിന്റെ ആഗ്രഹത്തിന് തികച്ചും അനുയോജ്യമാണെന്നും കരുതുന്നു.