‘ലോകകപ്പ് ആസ്വദിക്കാനുള്ള ആകാംക്ഷയിലാണ് ലയണൽ മെസ്സി’ : ലയണൽ സ്കെലോണി |Lionel Messi
അർജന്റീന ഫോർവേഡ് ലയണൽ മെസ്സി ഖത്തർ ലോകകപ്പിന്റെ ബിൽഡ്-അപ്പ് ആസ്വദിക്കുകയാണെന്ന് പരിശീലകൻ ലയണൽ സ്കെലോണി പറഞ്ഞു. ഇന്ന് അബുദാബിയിൽ യുണൈറ്റഡ് അറബ് എമിറേറ്റുകളുമായുള്ള സൗഹൃദ മത്സരം കളിക്കാൻ ഒരുങ്ങുകയാണ് അർജന്റീനയും ലയണൽ മെസ്സിയും.
അർജന്റീന മൂന്നാം ലോകകപ്പ് ലക്ഷ്യമാക്കിയാണ് ഖത്തറിൽ ഇറങ്ങുന്നത്.1986 ന് ശേഷം ആദ്യ കിരീടം ലയണൽ മെസ്സിയിലൂടെ നേടാം എന്ന ഉറച്ച വിശ്വാസം അര്ജന്റീനക്കുണ്ട്.”ഞാൻ മെസ്സിയെ എപ്പോഴും കാണുന്നു… ലോകകപ്പ് ആസ്വദിക്കാനുള്ള ആകാംക്ഷയിലാണ്,” ബുധനാഴ്ചത്തെ മത്സരത്തിന് മുന്നോടിയായി സ്കലോനി മാധ്യമപ്രവർത്തകരോട് പറഞ്ഞു. “ഈ ജഴ്‌സി ധരിച്ച് എങ്ങനെ കളിക്കണമെന്ന് മെസ്സിക്കറിയാം ,തന്റെ ടീമംഗങ്ങളെയും പരിശീലന സെഷനുകളും താമസവും എല്ലാം മെസ്സി മെസ്സി നന്നായി ആസ്വദിക്കുന്നു” പരിശീലകൻ പറഞ്ഞു.
വർഷങ്ങളായി ലാ ആൽബിസെലെസ്റ്റെയുടെ വിജയങ്ങളിൽ പ്രധാന പങ്കു വഹിച്ച താരമാണ് ലയണൽ മെസ്സി.164 അന്താരാഷ്ട്ര മത്സരങ്ങൾ കളിച്ച മെസ്സി 90 ഗോളുകളും 51 അസിസ്റ്റുകളും നേടി.അർജന്റീനയെ 2021 ൽ കോപ്പ അമേരിക്ക കിരീടത്തിലേക്ക് നയിക്കുകായും ചെയ്തു.മികച്ച ഫോമിലാണ് മെസ്സി ഫിഫ ലോകകപ്പിലേക്ക് എത്തുന്നത്.പിഎസ്ജിക്ക് വേണ്ടിയുള്ള 19 മത്സരങ്ങളിൽ നിന്ന് 12 ഗോളുകളും 14 അസിസ്റ്റുകളും അദ്ദേഹം നേടിയിട്ടുണ്ട്.
ഖത്തറിൽ നടക്കുന്ന ടൂർണമെന്റിൽ മിഡ്ഫീൽഡർ ജിയോവാനി ലോ സെൽസോ ഇല്ലാതെയാണ് അർജന്റീന ഇറങ്ങുന്നത്, അദ്ദേഹത്തെ മാറ്റുന്നത് ബുദ്ധിമുട്ടാണെന്ന് സ്കലോനി പറഞ്ഞു.”ഫുട്ബോളിന്റെ അടിസ്ഥാനത്തിൽ ടീമിൽ സമാനമായ ഒരു കളിക്കാരനില്ല,” സ്കലോനി പറഞ്ഞു. “എന്നാൽ ഇത് ഓരോ മത്സരത്തിനും എന്താണ് ആവശ്യപ്പെടുന്നത് എന്നതിനെ ആശ്രയിച്ചിരിക്കും.”നവംബർ 22 ന് സൗദി അറേബ്യയ്‌ക്കെതിരായ ലോകകപ്പ് ഉദ്ഘാടനത്തിന് മുമ്പുള്ള അർജന്റീനയുടെ അവസാന ടെസ്റ്റാണ് സൗഹൃദ മത്സരം.ഗ്രൂപ്പ് സിയിൽ മെക്സിക്കോയും പോളണ്ടുമാണ് മറ്റു എതിരാളികൾ.