ലയണൽ മെസ്സിക്ക് ഒളിമ്പിക്‌സ് നഷ്ടമാകും, മൂന്ന് താരങ്ങളെ തിരഞ്ഞെടുത്ത് ഹാവിയർ മഷെറാനോ | Lionel Messi

ഈ വര്ഷം നടക്കുന്ന പാരീസ് ഒളിമ്പിക്സിൽ അര്ജന്റീന ഇതിഹാസ താരം ലയണൽ മെസ്സി കളിക്കില്ല.പരിശീലകൻ ഹാവിയർ മഷെറാനോ മെസ്സി ഒളിമ്പിക്സിൽ കളിക്കില്ല എന്ന കാര്യം സ്ഥിരീകരിച്ചത്.അർജൻ്റീന രണ്ട് പ്രീമിയർ ലീഗ് താരങ്ങളെയും ഒരു മുൻ മാഞ്ചസ്റ്റർ സിറ്റി കളിക്കാരനെയും അവർ ആഗ്രഹിക്കുന്ന 23 വയസ്സിന് മുകളിലുള്ള കളിക്കാരായി തിരിച്ചറിഞ്ഞതായി റിപ്പോർട്ടുണ്ട്.

ഗോൾ കീപ്പർ എമി മാർട്ടിനെസ്, ജൂലിയൻ അൽവാരസ്, നികോളസ് ഒട്ടമെൻഡി എന്നിവരാണ് ഇത്തവണ അണ്ടർ-23 ടീമിനൊപ്പം കളിക്കാനിറങ്ങുന്നത്. ഒളിംപിക്സിൽ അണ്ടർ 23 ടീമാണ് കളിക്കുന്നതെങ്കിലും മൂന്നു സീനിയർ താരങ്ങൾക്ക് പങ്കെടുക്കാനുള്ള അവസരം ലഭിക്കും.ഇതൊരു ഫിഫ അനുവദിച്ച ടൂർണമെൻ്റല്ലാത്തതിനാൽ ക്ലബ്ബുകളുടെ അനുമതിയുണ്ടെങ്കിൽ മാത്രമേ കളിക്കാർക്ക് ഒളിമ്പിക്സിൽ പങ്കെടുക്കാൻ സാധിക്കുകയുള്ളു.

എട്ട് തവണ ബാലൺ ഡി ഓർ ജേതാവിനെ ടീമിൽ ചേരാൻ മഷറാനോ ക്ഷണിച്ചതായി മാർച്ചിൽ റിപ്പോർട്ട് ചെയ്തിരുന്നു.ഒളിമ്പിക്സ് ഫുട്ബോൾ ടൂർണമെൻ്റ് ജൂലൈ 24 ന് ആരംഭിച്ച് ഓഗസ്റ്റ് 9 വരെ നീണ്ടുനിൽക്കും.എന്നാൽ ഒളിമ്പിക്‌സ് ടൂർണമെൻ്റ് ആരംഭിച്ച് നാല് ദിവസങ്ങൾക്ക് ശേഷമാണ് ഇൻ്റർ മിയാമിയുടെ ലീഗ് കപ്പ് ക്യാമ്പയിൻ ആരംഭിക്കുന്നത്. മുഴുവൻ മത്സരത്തിലും മെസ്സി അർജൻ്റീനയ്ക്കായി കളിക്കുകയാണെങ്കിൽ, കുറഞ്ഞത് മൂന്ന് മിയാമി ഗെയിമുകളെങ്കിലും അദ്ദേഹത്തിന് നഷ്ടമാകും.

എന്നാൽ കോപ്പ അമേരിക്ക നടക്കുന്ന ജൂണിൽ ഭൂരിഭാഗം സമയത്തും മെസ്സിക്ക് ഇന്റർ മയാമിയുടെ മത്സരങ്ങൾ നഷ്ടപ്പെടും.അതിനാൽ രണ്ട് ടൂർണമെൻ്റുകളിലേക്കും പോകാൻ ക്ലബ് മെസ്സിയെ അനുവദിക്കില്ല.2008 ബെയ്ജിങ് ഒളിമ്പിക്‌സിൽ മെസ്സി കളിച്ച അർജന്‍റീനാ ടീം സ്വർണം നേടിയിരുന്നു.