2022 ഫിഫ ലോകകപ്പ് വിജയത്തോടെ ലയണൽ മെസ്സി തന്റെ കരിയർ പൂർത്തിയാക്കിയെന്നാണ് ആരാധകർ വിശ്വസിക്കുന്നത്. ഖത്തർ ലോകകപ്പിൽ ഏഴ് ഗോളുകളും മൂന്ന് അസിസ്റ്റുകളും നേടിയ താരം ടൂർണമെന്റിലെ മികച്ച കളിക്കാരനുള്ള ഗോൾഡൻ ബോൾ അവാർഡും സ്വന്തമാക്കി.ലയണൽ മെസ്സി 35-ാം വയസ്സിൽ നേടിയ ലോകകിരീടം ജീവിതത്തിലെ സ്വന്തം സ്വപ്ന സാക്ഷാത്കാരവും തന്നെ വിമർശിച്ചവർക്കുള്ള മറുപടിയായിട്ടുമാണ് കണക്കാക്കുന്നത്.
2022 ലോകകപ്പ് വിജയത്തോടെ ലയണൽ മെസ്സിയെ തേടി നിരവധി പുരസ്‌കാരങ്ങളാണ് എത്തുന്നത്. ലോകകപ്പിന് ശേഷം ലയണൽ മെസ്സി IFFHS ലെ മികച്ച കളിക്കാരനുള്ള പുരസ്കാരം നേടി. ഇപ്പോഴിതാ മറ്റൊരു നേട്ടം കൂടി മെസ്സിയെ തേടി എത്തിയിരിക്കുകയാണ്. ഫ്രഞ്ച് മാധ്യമമായ L’Equipe ചാമ്പ്യൻ ഓഫ് ചാമ്പ്യൻസ് അവാർഡ് ലയണൽ മെസ്സിക്ക് നൽകി. കായിക രംഗത്തെ നിരവധി മികച്ച താരങ്ങളെ പിന്തള്ളിയാണ് മെസ്സി ഈ അവാർഡ് നേടിയത്.
808 പോയിന്റുമായി ലയണൽ മെസ്സി ഒന്നാം സ്ഥാനത്തും 381 പോയിന്റ് മാത്രമുള്ള ഫ്രഞ്ച് സ്‌ട്രൈക്കർ കൈലിയൻ എംബാപ്പെ രണ്ടാം സ്ഥാനത്തുമാണ്. സ്പാനിഷ് ടെന്നീസ് ഇതിഹാസം റാഫേൽ നദാൽ 285 പോയിന്റുമായി പട്ടികയിൽ മൂന്നാം സ്ഥാനത്തും ബെൽജിയൻ സൈക്ലിസ്റ്റ് റെംകോ ഇവെൻപോയൽ നാലാം സ്ഥാനത്തുമാണ്. ബെൽജിയൻ-ഡച്ച് മോട്ടോർസ്പോർട്സ് റേസിംഗ് ഡ്രൈവർ മാക്സ് വെർസ്റ്റാപ്പൻ ഈ പട്ടികയിൽ അഞ്ചാം സ്ഥാനത്താണ്.
Lionel Messi has been named as L'Équipe's "Champion des Champions", the best male athlete of the year.
— MC (@CrewsMat10) January 6, 2023
He is one of 5 footballers to win it, and the only one to do so twice. pic.twitter.com/u62vauhKYW
റയൽ മാഡ്രിഡ് സ്‌ട്രൈക്കർ കരീം ബെൻസെമ, ഒളിമ്പ്യൻ അർമാൻഡ് ഡുപ്ലാന്റിസ്, എൻബിഎ ഇതിഹാസം സ്റ്റീഫൻ കറി, ഫ്രഞ്ച് റഗ്ബി താരം അന്റോയിൻ ഡ്യൂപോണ്ട്, റൊമാനിയൻ നീന്തൽ താരം ഡേവിഡ് പോപോവിച്ചി എന്നിവർ ആദ്യ പത്തിൽ ഇടംപിടിച്ചിട്ടുണ്ട്. ഈ വർഷത്തെ ബാലൺ ഡി ഓർ ലയണൽ മെസ്സി സ്വന്തമാക്കിയേക്കും. അങ്ങനെ സംഭവിച്ചാൽ, ഇതിനകം ഏഴ് ബാലൺ ഡി ഓർ നേടിയ മെസ്സി തന്റെ കരിയറിലെ എട്ടാമത്തെ ബാലൺ ഡി ഓർ സ്വന്തമാക്കും. മറ്റൊരു താരത്തിനും ഇത്തരമൊരു നേട്ടം കൈവരിക്കാൻ പ്രയാസമായിരിക്കും. ലയണൽ മെസ്സി പിഎസ്ജിയിൽ മികച്ച പ്രകടനം കാഴ്ചവെച്ചാൽ ബാലൺ ഡി ഓറിന് വെല്ലുവിളി ഉയർത്താൻ സാധ്യതയില്ല.
🚨 Lionel Messi has won a record FIFTH IFFHS Best Playmaker award!
— Exclusive Messi ➐ (@ExclusiveMessi) January 7, 2023
He has now collected 3 major IFFHS awards for 2022!
✅ IFFHS Best Player
✅ IFFHS Best International Goalscorer
✅ IFFHS Best Playmaker pic.twitter.com/thIU6MnjAd
ഇപ്പോൾ മറ്റൊരു പുരസ്കാരം കൂടി ലയണൽ മെസിയെത്തേടി എത്തിയിട്ടുണ്ട്. നേരത്തെ ഐഎഫ്എഫ്എച്ച്എസിന്റെ മികച്ച താരത്തിനുള്ള പുരസ്കാരം സ്വന്തമാക്കിയ മെസി അവരുടെ തന്നെ മികച്ച പ്ലേമേക്കർക്കുള്ള അവാർഡും സ്വന്തമാക്കി. 2020, 2021 വർഷത്തിൽ ഈ അവാർഡ് സ്വന്തമാക്കിയ കെവിൻ ഡി ബ്രൂയ്നെ മൂന്നാം സ്ഥാനത്തേക്കു പിന്തള്ളിയാണ് ലയണൽ മെസി ഈ നേട്ടം സ്വന്തമാക്കിയത്. റയൽ മാഡ്രിഡിനൊപ്പം മികച്ച പ്രകടനം നടത്തിനൊപ്പം ക്രൊയേഷ്യയെ ലോകകപ്പിൽ മൂന്നാം സ്ഥാനത്തേക്ക് നയിച്ച ലൂക്ക മോഡ്രിച്ചാണ് ലിസ്റ്റിൽ രണ്ടാം സ്ഥാനത്തു വന്നിരിക്കുന്നത്.