ഞങ്ങൾക്ക് വലിയൊരു സ്വപ്നമുണ്ട് : ആത്മവിശ്വാസത്തോടെ മെസ്സി |Lionel Messi

ലിയോ മെസ്സിയെ സംബന്ധിച്ചിടത്തോളം അദ്ദേഹം ഈ സീസണിൽ വളരെ നല്ല രൂപത്തിലാണ് കളിച്ചുകൊണ്ടിരിക്കുന്നത്.അവസാനമായി അർജന്റീനക്ക് വേണ്ടി കളിച്ച രണ്ടു മത്സരങ്ങളിൽ നിന്ന് നാലു ഗോളുകൾ നേടാൻ അദ്ദേഹത്തിന് സാധിച്ചിട്ടുണ്ട്. അതിനേക്കാൾ ഉപരി ടീം എന്ന നിലയിൽ അർജന്റീന സമീപകാലത്തെ ഏറ്റവും മികച്ച ഫോമിലുമാണ്.

വേൾഡ് കപ്പിന് വേണ്ടി ഖത്തറിലേക്ക് ഏറ്റവും നല്ല നിലയിൽ എത്തുന്ന ടീം,അത് അർജന്റീന തന്നെയാണ്.എന്തെന്നാൽ കഴിഞ്ഞ മൂന്ന് വർഷത്തിനിടയിൽ ആകെ കളിച്ച 35 മത്സരങ്ങളിൽ പോലും മത്സരത്തിൽ പോലും അർജന്റീനക്ക് തോൽവി ഏറ്റുവാങ്ങേണ്ടി വന്നിട്ടില്ല. അതുകൊണ്ടുതന്നെ ഇത്തവണ അർജന്റീന കിരീടം നേടുമെന്ന് പലരും പ്രവചിച്ചു കഴിഞ്ഞിട്ടുമുണ്ട്.

വേൾഡ് കപ്പ് കിരീടം തന്നെയാണ് അർജന്റീനയുടെ നായകനായ ലയണൽ മെസ്സിയുടെ സ്വപ്നം.ഞങ്ങൾക്ക് വലിയൊരു സ്വപ്നമുണ്ട് എന്നാണ് ഇതേക്കുറിച്ച് മെസ്സി പറഞ്ഞിട്ടുള്ളത്. പക്ഷേ വേൾഡ് കപ്പിന്റെ ബുദ്ധിമുട്ടിനെക്കുറിച്ചും മെസ്സി വളരെയധികം ജാഗ്രത ഉള്ളവനാണ്.

‘ ഞങ്ങൾക്ക് വലിയൊരു സ്വപ്നം തന്നെയുണ്ട്. ഞങ്ങൾ ഒരു നല്ല സമയത്തിലൂടെയാണ് മുന്നോട്ടു പോയിക്കൊണ്ടിരിക്കുന്നത് എന്നുള്ളത് ഞങ്ങൾ മനസ്സിലാക്കുന്നുമുണ്ട്. പക്ഷേ വരാൻ പോകുന്നത് വേൾഡ് കപ്പ് ആണെന്നും അതെ വളരെയധികം ബുദ്ധിമുട്ടുള്ളതാണെന്നും ഞങ്ങൾക്ക് കൃത്യമായ ബോധ്യമുണ്ട് ‘ ലിയോ മെസ്സി പറഞ്ഞു.

ഗ്രൂപ്പ് സീയിലാണ് കോപ്പ അമേരിക്ക ജേതാക്കളായ അർജന്റീനയുടെ സ്ഥാനം. അർജന്റീനയെ കൂടാതെ സൗദി അറേബ്യ,പോളണ്ട്,മെക്സിക്കോ എന്നിവരാണ് ഈ ഗ്രൂപ്പിൽ സ്ഥാനം നേടിയിട്ടുള്ളത്.ആദ്യ മത്സരത്തിൽ സൗദി അറേബ്യയാണ് അർജന്റീനയുടെ എതിരാളി.