ഖത്തർ വേൾഡ് കപ്പിനുള്ള ഒരുക്കങ്ങൾ അർജന്റീന ആരംഭിച്ച കഴിഞ്ഞിട്ടുണ്ട്. ദിവസങ്ങൾ മാത്രം അവശേഷിക്കെ ഇനിയും ക്ലബ്ബ് മത്സരങ്ങൾ നടക്കാനുണ്ട് എന്നുള്ളത് ആരാധകർക്ക് നിരാശ ഉണ്ടാക്കുന്ന കാര്യമാണ്.പ്രത്യേകിച്ച് ലയണൽ മെസ്സിയുടെ കാര്യത്തിൽ.
പിഎസ്ജിയുടെ അടുത്ത മത്സരം ലീഗ് വണ്ണിൽ ഓക്സെറെക്കെതിരെയാണ്. പരിക്കിന്റെ ചില പ്രശ്നങ്ങൾ ഉണ്ടായതിനാൽ മെസ്സി കഴിഞ്ഞ മത്സരത്തിൽ കളിച്ചിരുന്നില്ല.എന്നാൽ ഇന്നോ നാളെയോ ആയി ലയണൽ മെസ്സി പിഎസ്ജിക്കൊപ്പം പരിശീലനം പുനരാരംഭിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.തുടർന്ന് ഞായറാഴ്ച നടക്കുന്ന മത്സരത്തിൽ മെസ്സി പങ്കെടുക്കും.
മെസ്സി സ്‌ക്വാഡിന്റെ ഭാഗമായിരിക്കും എന്നുള്ള കാര്യം ഉറപ്പാണ്. മത്സരത്തിൽ നിന്നും ഒഴിവാക്കി തരണമെന്നുള്ള കാര്യം മെസ്സി ആവശ്യപ്പെട്ടിട്ടില്ല.ഇനി ഗാൾട്ടിയർ അദ്ദേഹത്തിന് വിശ്രമം നൽകുമോ എന്നുള്ളത് അവ്യക്തമായ കാര്യമാണ്. ചുരുക്കത്തിൽ ഞായറാഴ്ച മെസ്സി പിഎസ്ജിയുടെ ഭാഗമായിരിക്കും എന്ന് തന്നെയാണ് അറിയാൻ സാധിക്കുന്നത്.
ആ മത്സരത്തിനുശേഷം ലയണൽ മെസ്സി നേരെ അബുദാബിയിലേക്കാണ് പറക്കുക.അവിടെയാണ് അർജന്റീനയുടെ ക്യാമ്പ് ആരംഭിക്കുന്നത്. തുടർന്ന് അബുദാബിയിൽ അർജന്റീനക്കൊപ്പം മെസ്സി പരിശീലനം നടത്തും.നവംബർ 16,അഥവാ ബുധനാഴ്ച അബൂദാബിയിൽ വച്ചാണ് അർജന്റീന തങ്ങളുടെ ഫ്രണ്ട്ലി മത്സരം കളിക്കുന്നത്.UAE ആണ് എതിരാളികൾ.ഈ മത്സരത്തിൽ മെസ്സി പങ്കെടുക്കും എന്ന് തന്നെയാണ് പ്രതീക്ഷിക്കപ്പെടുന്നത്. അർജന്റീനയുടെ സ്‌ക്വാഡ് ഏതാണ്ട് നിശ്ചയിക്കപ്പെട്ടിട്ടുണ്ട്. പതിനാലാം തീയതി അഥവാ തിങ്കളാഴ്ച അന്തിമ ലിസ്റ്റ് പരിശീലകൻ പ്രഖ്യാപിക്കും എന്നാണ് പ്രതീക്ഷിക്കുന്നത്.
Lionel Messi to fly out to Abu Dhabi on Sunday for Argentina vs. UAE game. https://t.co/gPAaMmNZSh
— Roy Nemer (@RoyNemer) November 8, 2022
UAE ക്കെതിരെയുള്ള മത്സരത്തിന് ശേഷമാണ് അർജന്റീന ഖത്തറിൽ എത്തുക.തുടർന്ന് വേൾഡ് കപ്പിനുള്ള ഒരുക്കങ്ങൾ നടത്തും. സൗദി അറേബ്യയാണ് ആദ്യം മത്സരത്തിൽ അർജന്റീനയുടെ എതിരാളികൾ.അതിനു മുൻപേ അർജന്റീന എല്ലാ തയ്യാറെടുപ്പുകളും പൂർത്തിയാക്കും.ഇതൊക്കെയാണ് ഇപ്പോൾ ലഭിക്കുന്ന വിവരങ്ങൾ.