സീസണിലെ ആദ്യ മത്സരത്തിൽ തന്നെ കിരീടം നേടി പിഎസ്ജി ശെരിയായ പാതയിലൂടെയാണ് മുന്നോട്ട് പോകുന്നതെന്ന് തെളിയിച്ചിരിക്കുകയാണ്. ഇന്നലെ 2022-23 കാമ്പെയ്‌നിലെ ആദ്യ ട്രോഫിയായ ട്രോഫി ഡെസ് ചാമ്പ്യൻസിൽ എഫ്‌സി നാന്റസിനെ 4-0 ന് പരാജയപ്പെടുത്തിയാണ് കിരീടം നേടിയത്.കഴിഞ്ഞ സീസണിൽ ഗോൾ കണ്ടെത്താൻ ബുദ്ധിമുട്ടിയ ലയണൽ മെസ്സി ഫ്രഞ്ച് ക്ലബ്ബിന്റെ ആദ്യ ഗോൾ നേടി.മത്സരത്തിൽ ഇരട്ട ഗോളുകൾ നേടിയ നെയ്മർ ജൂനിയറും മികച്ച പ്രകടനം പുറത്തെടുത്തു.
മത്സര ശേഷം ഈ സീസണിൽ പിഎസ്ജിക്ക് പുതിയ മെസ്സിയെ ആവശ്യമുണ്ടോ എന്ന് നെയ്‌മറോട് മാധ്യമ പ്രവർത്തകർ ചോദിച്ചപ്പോൾ “ഇല്ല, ഇല്ല, ഞാൻ അങ്ങനെ കരുതുന്നില്ല, ക്ലബിനുള്ളിൽ എന്താണ് സംഭവിക്കുന്നതെന്ന് അറിയാതെ ആളുകൾ ധാരാളം സംസാരിക്കുന്നു. ഞങ്ങൾ അത് എല്ലാ ദിവസവും കാണുന്നു; ലയണൽ മെസ്സി ലയണൽ മെസ്സിയായി തുടരുന്നു” എന്നാണ് മറുപടി പറഞ്ഞത്.
“അദ്ദേഹം മാറില്ല, എല്ലായ്‌പ്പോഴും ഒരു മാറ്റമുണ്ടാക്കുന്ന കളിക്കാരനായി തുടരും. ഈ സീസണിൽ ഞങ്ങൾ തുടരുമെന്നും ലിയോയ്ക്കും കൈലിയനും എല്ലാം നന്നായി നടക്കുമെന്നും ഞാൻ പ്രതീക്ഷിക്കുന്നു. ഞങ്ങൾ മൂന്നു പേരും നല്ലവരാണെങ്കിൽ പിഎസ്ജി നന്നായിരിക്കും”അദ്ദേഹം കൂട്ടിച്ചേർത്തു.നവംബറിൽ നടക്കുന്ന ഫിഫ ലോകകപ്പിന് മുന്നോടിയായുള്ള ലീഗ് 1 സീസണിന് മികച്ച തുടക്കം ലഭിക്കാൻ ഈ ഗെയിം ഉപയോഗിക്കുമെന്നും നെയ്മർ പ്രതീക്ഷിക്കുന്നു.മുൻ ബാഴ്‌സലോണ ഫോർവേഡ് തന്റെ സഹതാരങ്ങളെ സഹായിക്കാൻ തന്റെ കളിയിൽ എന്തെങ്കിലും മാറ്റം വരുത്തേണ്ടതില്ലെന്ന് ബ്രസീലിയൻ പറഞ്ഞു .
പി‌എസ്‌ജിക്കൊപ്പം മികച്ച അരങ്ങേറ്റ സീസൺ തനിക്കുണ്ടായിരുന്നില്ലെന്നും മികച്ച പ്രകടനം കാഴ്ചവെക്കാൻ തനിക്ക് താൽപ്പര്യമുണ്ടെന്നും ലയണൽ മെസ്സി അഭിപ്രായപ്പെട്ടിരുന്നു . കഴിഞ്ഞ സീസൺ അവസാനിച്ചതിന് ശേഷം അദ്ദേഹം TYC സ്പോർട്സുമായി സംസാരിക്കുകയും ഈ സീസണിൽ കൂടുതൽ കഠിനാധ്വാനം ചെയ്യാൻ പോകുകയാണെന്ന് സ്ഥിരീകരിക്കുകയും ചെയ്തു.കഴിഞ്ഞ ടേമിൽ വെറും ആറ് ഗോളുകൾ മാത്രമാണ് മെസ്സിക്ക് നേടാനായത്.എന്നാൽ ഈ സീസണിൽ മെസ്സിയിൽ നിന്നും കൂടുതൽ ക്ലബ് പ്രതീക്ഷിക്കുന്നുണ്ട്.