‘മെസ്സി സന്തോഷവാനായിരിക്കുമ്പോൾ കാര്യങ്ങൾ വ്യത്യസ്തമായി ചെയ്യുന്നു’ : ലയണൽ മെസ്സിയെ പ്രശംസിച്ച് ലയണൽ സ്കെലോണി |Lionel Messi

ഇന്ന് നടന്ന ലീഗ്സ് കപ്പ് ക്വാർട്ടർ ഫൈനലിൽ എതിരില്ലാത്ത നാല് ഗോളുകൾക്ക് ഇന്റർ മയാമി ഷാർലറ്റിനെ തകർത്ത് സെമിഫൈനലിലേക്ക് മുന്നേറിയിരുന്നു. സൂപ്പർ താരം ലയണൽ മെസ്സി തുടർച്ചയായ അഞ്ചാം മത്സരത്തിലും മയാമിക്കായി ഗോൾ കണ്ടെത്തി.

ഇന്റർ മിയാമിക്ക് വേണ്ടി ലയണൽ മെസ്സി കളിക്കുന്നത് കാണാൻ അർജന്റീന കോച്ച് ലയണൽ സ്‌കലോണിയും സന്നിഹിതനായിരുന്നു.ഇന്റർ മിയാമിക്ക് വേണ്ടി 5 മത്സരങ്ങളിൽ നിന്ന് 8 ഗോളുകൾ നേടിയ ലയണൽ മെസ്സി തന്റെ മികച്ച ലോകകപ്പ് ഫോം അമേരിക്കയിലേക്ക് കൊണ്ടുപോയി.മെസ്സിയുടെയും ടീമിനെയും കളി കാണാൻ വന്ന ലയണൽ സ്കലോണി മെസ്സിയുടെ ഫാമിലിക്കൊപ്പവും സ്റ്റേഡിയത്തിൽ വച്ച് സൗഹൃദം പങ്കിട്ടു. കൂടാതെ ഡേവിഡ് ബെക്കാമിനൊപ്പം സമയം ചെലവഴിച്ച അർജന്റീന പരിശീലകൻ ഫോട്ടോകൾ കൂടി എടുത്താണ് മടങ്ങിയത്.

“എന്റെ കുടുംബത്തോടൊപ്പം ലിയോയെ കാണാൻ ഞാൻ ഇവിടെയുണ്ട്. മെസ്സി ഇവിടെ വളരെ സന്തുഷ്ടനാണെന്ന് ഞാൻ കാണുന്നു, അദ്ദേഹം സന്തോഷവാനായിരിക്കുമ്പോൾ, എല്ലാവരേയും അപേക്ഷിച്ച് വ്യത്യസ്തമായി കാര്യങ്ങൾ ചെയ്യുന്നു” ലയണൽ സ്കെലോണി പറഞ്ഞു. ലീഗ് കപ്പിന്റെ ക്വാർട്ടർ ഫൈനൽ മത്സരത്തിൽ എഫ് സി ചാർലറ്റിനെ എതിരില്ലാത്ത 4 ഗോളുകൾക്ക് ഇന്റർമിയാമി തോൽപ്പിച്ചു.

ലിയോ മെസ്സിയും മാർട്ടിനസും ടൈലറും ഗോളുകൾ നേടിയ മത്സരത്തിലെ വിജയത്തോടെ ഇന്റർമിയാമി സെമിഫൈനലിലും പ്രവേശനം നേടി. ഓഗസ്റ്റ് 15ന് നടക്കുന്ന ഇന്റർമിയാമിയുടെ സെമിഫൈനൽ മത്സരത്തിൽ ഫിലാഡൽഫിയയാണ് എതിരാളികളായി എത്തുന്നത്.