നിലവിലെ സീസൺ അവസാനിച്ചുകഴിഞ്ഞാൽ ലിവർപൂളിന് അവരുടെ തിളങ്ങുന്ന മറ്റൊരു താരത്തിൻ്റെ പുറത്തുകടക്കൽ സഹിക്കേണ്ടി വന്നേക്കാം. സീസണിൻ്റെ അവസാനത്തോടെ താൻ ഈ റോളിൽ നിന്ന് മാറിനിൽക്കുമെന്ന് മാനേജർ യുർഗൻ ക്ലോപ്പിൻ്റെ പ്രഖ്യാപനത്തിന് ശേഷം മുഹമ്മദ് സലായും ആൻഫീൽഡ് വിടാൻ ഒരുങ്ങുകയാണ്.
സലാ കരാർ ഒപ്പിട്ടിട്ടുണ്ടെന്നും അടുത്ത സീസൺ മുതൽ സൗദി ലീഗിൽ കളിക്കുമെന്നും മുൻ ഈജിപ്ത് ഇൻ്റർനാഷണൽ താരം മിഡോ അവകാശപ്പെട്ടു.“മുഹമ്മദ് സലാ അടുത്ത സീസണിൽ സൗദി ലീഗിൽ ഉണ്ടാകും. കരാറുകൾ ഒപ്പുവച്ചു,” ടോട്ടൻഹാം ഹോട്സ്പറിനെയും വെസ്റ്റ് ഹാം യുണൈറ്റഡിനെയും പ്രതിനിധീകരിച്ച മിഡോ ട്വിറ്ററിൽ ക്കുറിച്ചു. സലക്കായി സൗദി പ്രോ ലീഗ് ക്ലബ് അൽ-ഇത്തിഫാഖ് കഴിഞ്ഞ സമ്മറിൽ 150 മില്യൺ പൗണ്ട് വാഗ്ദാനം ചെയ്തിരുന്നുവെങ്കിലും ലിവർപൂൾ അത് നിരസിച്ചിരുന്നു. എന്നാൽ പുതിയ റിപ്പോർട്ടുകൾ പ്രകാരം സല അടുത്ത സീസണിൽ സൗദിയിൽ കളിക്കാൻ തയ്യാറെടുക്കുകയാണ്.
ലിവർപൂളുമായുള്ള സലായുടെ നിലവിലെ കരാർ 2025 വരെയുള്ളതാണ്.2017-ൽ എഎസ് റോമയിൽ നിന്ന് എത്തിയതിനുശേഷം ഈജിപ്ഷ്യൻ സൂപ്പർ താരം ലിവർപൂളിനായി 150-ലധികം ഗോളുകൾ നേടുകയും പ്രീമിയർ ലീഗ്, എഫ്എ കപ്പ്, ചാമ്പ്യൻസ് ലീഗ്, ഫിഫ ക്ലബ് വേൾഡ് തുടങ്ങി നിരവധി കിരീടങ്ങൾ നേടുകയും ചെയ്തു.മൂന്ന് തവണ പ്രീമിയർ ലീഗ് ഗോൾഡൻ ബൂട്ട് അവാർഡ് ജേതാവാണ് സലാ.2022 ഒക്ടോബറിൽ, റേഞ്ചേഴ്സിനെതിരെ ആറ് മിനിറ്റും 12 സെക്കൻഡും ഉള്ളിൽ മൂന്ന് ഗോളുകൾ അടിച്ച് ചാമ്പ്യൻസ് ലീഗ് മത്സരത്തിലെ എക്കാലത്തെയും വേഗമേറിയ ഹാട്രിക് എന്ന റെക്കോർഡ് അദ്ദേഹം തകർത്തു.
Former Premier League star makes stunning claim that Mohamed Salah has SIGNED a contract to move to Saudi Arabia next season… after Liverpool rejected a £150m bid from Al-Ittihad last summer https://t.co/BhFuT5WC5t
— Mail Sport (@MailSport) February 28, 2024
ആഫ്രിക്കൻ കപ്പ് ഓഫ് നേഷൻസിൽ ഈജിപ്തിനെ പ്രതിനിധീകരിക്കുമ്പോൾ സലാഹിന് ഹാംസ്ട്രിംഗ് പ്രശ്നമുണ്ടായി, പിന്നീട് നാല് പ്രീമിയർ ലീഗ് മത്സരങ്ങളും നഷ്ടമായി.തിരിച്ചുവരവിൽ ബ്രെൻ്റ്ഫോർഡിനെതിരെ ഒരു ഗോൾ നേടിയെങ്കിലും പേശി പ്രശ്നത്തെ തുടർന്ന് വീണ്ടും പുറത്തായി.ESPN-ലെ റിപ്പോർട്ട് അനുസരിച്ച്, സലായെ കൂടാതെ, സൗദി ക്ലബ്ബുകൾ കെവിൻ ഡി ബ്രൂയ്ൻ, വിർജിൽ വാൻ ഡിജ്ക്, അലിസൺ, കാസെമിറോ, ബ്രൂണോ ഫെർണാണ്ടസ്, ബെർണാഡോ സിൽവ, റാഫേൽ വരേൻ, ആൻഡ്രിയാസ് പെരേര എന്നിവരെയും ലക്ഷ്യമിടുന്നു.