സ്ലോവേനിയൻ മുൻ അണ്ടർ 21 ഇന്റർനാഷണൽ സെന്റർ ഫോർവേഡ് ലൂക്കാ മജ്‌സെൻ ഇനി മുതൽ ഗോകുലം കേരളക്ക് വേണ്ടി ബൂട്ടകെട്ടും.കോവിഡ് -19 ആശങ്കകൾക്കിടയിൽ ഐ-ലീഗിന്റെ 2021-22 സീസൺ പാതിവഴിയിൽ നിർത്തിയെങ്കിലും ടീം ശക്തിപ്പെടുത്താനുള്ള ഒരുക്കത്തിൽ തന്നെയാണ് ഗോകുലം.ഐ-ലീഗ് 2021-22 സീസണിലും എഎഫ്‌സി കപ്പ് കാമ്പെയ്‌നിലും സ്ലോവേനിയൻ ഫോർവേഡ് ലൂക്കാ മജ്‌സെൻ മലബാറിയന്സിന്റെ ഭാഗമാകും.
ഈ വര്‍ഷം നടന്ന ഐ ലീഗ് യോഗ്യതാ മത്സരത്തില്‍ ബെംഗളൂരു യുണൈറ്റഡിനു വേണ്ടിയും സ്ലൊവേനിയന്‍ താരം കളിച്ചിരുന്നു. ഇന്ത്യയിലെത്തും മുമ്പ് സ്ലൊവേനിയന്‍ ലീഗിലെ താരമായിരുന്നു 32-കാരനായ മേജ്‌സെന്‍. ചർച്ചിൽ ബ്രദേഴ്‌സിനായി 11 ഗോളുകളും രണ്ടു അസിസ്റ്റുകളും താരം നേടിയിട്ടുണ്ട്.ബാംഗ്ലൂർ സൂപ്പർ ഡിവിഷനിൽ ടീമിനായി കളിച്ച അദ്ദേഹം 13 ഗോളുകൾ നേടി ബെംഗളൂരു യുണൈറ്റഡിനെ ലീഗിലെ ചാമ്പ്യന്മാരാക്കി.
“it's simply not an adventure worth telling if there aren't any dragons!”
— Gokulam Kerala FC (@GokulamKeralaFC) January 9, 2022
From the city of dragons, 𝗟𝗨𝗞𝗔 𝗠𝗔𝗝𝗖𝗘𝗡! 🐉 #GKFC #Malabarians #LukaMajcen #HeroILeague pic.twitter.com/272CCllWgK
“ഈ സീസണിൽ ചാമ്പ്യൻ ടീമിനെ പ്രതിനിധീകരിക്കുന്നതിൽ സന്തോഷമുണ്ട്. കഴിഞ്ഞ വർഷം ഗോകുലം കേരള എഫ്‌സി ആയിരുന്നു ഞങ്ങളുടെ ഏറ്റവും മികച്ച എതിരാളി, കോച്ച് വിൻസെൻസോ ആൽബെർട്ടോ ആനിസിന്റെ കീഴിൽ കളിക്കുന്നതിൽ എനിക്ക് സന്തോഷമുണ്ട്. ഈ വർഷം, കിരീടം സംരക്ഷിക്കാനും എഎഫ്‌സി കപ്പിൽ മികവ് പുറത്തെടുക്കാനും ഞങ്ങൾ ശ്രദ്ധിക്കും” ലൂക്ക പറഞ്ഞു.
“കഴിഞ്ഞ സീസണിൽ ഞാൻ ആകൃഷ്ടനായ ഒരു കളിക്കാരനായിരുന്നു ലൂക്ക, അതിനുശേഷം ഞങ്ങളുടെ റഡാറുകളിൽ ഉണ്ടായിരുന്നു.ഈ സീസണിൽ അദ്ദേഹം ഞങ്ങളുടെ ടീമിലെ വിലപ്പെട്ട കൂട്ടിച്ചേർക്കലായിരിക്കുമെന്ന് ഞാൻ വിശ്വസിക്കുന്നു ” ഗോകുലം കേരള എഫ്‌സിയുടെ മുഖ്യ പരിശീലകൻ വിൻസെൻസോ ആൽബെർട്ടോ ആനിസ് പറഞ്ഞു.
വർദ്ധിച്ചുവരുന്ന കോവിഡ് -19 ആശങ്കകൾക്കിടയിൽ ഐ-ലീഗ് മാറ്റിവെച്ചിരിക്കുകയാണ്. ആറാഴ്ചയ്ക്ക് ശേഷം പുനരാരംഭിക്കാൻ സാധ്യതയുണ്ട്. കോഴിക്കോട്ടേക്ക് തിരിച്ച ഗോകുലം കേരള എഫ്‌സി അവിടെ പരിശീലനം തുടരും. തയ്യാറെടുപ്പിനായി ലൂക്കാ മജ്‌സെനും ടീമിനൊപ്പം ചേർന്നു.