അടുത്ത മാസം ആരംഭിക്കാനിരിക്കുന്ന ഖത്തർ 2022 ഫിഫ ലോകകപ്പ് ട്രോഫി ഉയർത്താൻ പെപ് ഗാർഡിയോള അർജന്റീനയെ ഫേവറിറ്റ് ആയി കണക്കാക്കുന്നുവെന്ന് മാഞ്ചസ്റ്റർ സിറ്റി ഫോർവേഡ് ജൂലിയൻ അൽവാരസ് വെളിപ്പെടുത്തി.
നിലവിൽ ലോക റാങ്കിങ്ങിൽ മൂന്നാം സ്ഥാനത്തുള്ള അർജന്റീന അവരുടെ സമീപകാല ഫോം കാരണം 2022 ഫിഫ ലോകകപ്പ് നേടുന്ന മുൻനിര മത്സരാർത്ഥികളിൽ ഒരാളായി മാറിയിരിക്കുകയാണ്.. 28 വർഷത്തെ കിരീട വരൾച്ച കോപ്പി അമേരിക്ക കിരീടത്തിലൂടെ കഴിഞ്ഞ വർഷം അവസാനിപ്പിച്ച ലയണൽ സ്‌കലോനിയുടെ ടീം നിലവിൽ 35 മത്സരങ്ങളിൽ അപരാജിത കുതിപ്പിലാണ്. നവംബർ 22 ന് സൗദി അറേബ്യയ്‌ക്കെതിരായ ഗ്രൂപ്പ് സി മത്സരത്തോടെ ലാ ആൽബിസെലെസ്‌റ്റെ ക്വാഡ്‌വാർണിയൽ ടൂർണമെന്റ് ആരംഭിക്കും. പോളണ്ടും മെക്സിക്കോയുമാണ് അവരുടെ ഗ്രൂപ്പിലെ മറ്റ് രണ്ട് ടീമുകൾ.
ESPN അർജന്റീനയോട് സംസാരിക്കുമ്പോൾ ഇത്തവണത്തെ വേൾഡ് കപ്പ് കിരീടം നേടാൻ ഏറ്റവും കൂടുതൽ സാധ്യതയുള്ളത് അർജന്റീനയാണ് എന്നുള്ള കാര്യം മാഞ്ചസ്റ്റർ സിറ്റിയുടെ പരിശീലകനായ പെപ് ഗ്വാർഡിയോള ഞങ്ങളോട് പറഞ്ഞു എന്നാണ് ജൂലിയൻ ആൽവരസിന്റെ വെളിപ്പെടുത്തൽ.’ ഞാൻ മാഞ്ചസ്റ്റർ സിറ്റിയിൽ എത്തിയ ആദ്യ ദിവസങ്ങളിലായിരുന്നു അത് സംഭവിച്ചിരുന്നത്. ടീമിലെ പോർച്ചുഗീസ് താരങ്ങളും റോഡ്രിയും പെപ്പുമൊക്കെ അവിടെ ഉണ്ടായിരുന്നു.അവർ പോർച്ചുഗലിന്റെ പേര് പറഞ്ഞു.ഫ്രാൻസിന്റെ പേര് പറഞ്ഞു.പല ടീമുകളെയും പറഞ്ഞു. എന്നാൽ ഞാൻ ഒന്നും പറഞ്ഞിരുന്നില്ല..അപ്പോൾ പെപ് ഗ്വാർഡിയോള ഞങ്ങളോട് പറഞ്ഞത്,ഇത്തവണ ഏറ്റവും കൂടുതൽ കിരീടം സാധ്യതയുള്ളത് അവന്റെ ടീമിനാണ്. എന്നെ ചൂണ്ടിക്കാണിച്ചുകൊണ്ട് അദ്ദേഹം പറഞ്ഞു ‘ ജൂലിയൻ ആൽവരസ് പറഞ്ഞു.
Julián Álvarez: “When it was one of my first days at City. There were Portugeses, Rodri, Pep and were talking about who could win World Cup. They say Portugal, France, etc.. I haven’t said anything. And Pep told them, do you know who has the most chances? And he pointed to me.” pic.twitter.com/ciElLqaqfF
— All About Argentina 🛎🇦🇷 (@AlbicelesteTalk) October 28, 2022
തന്റെ അവസാന ഫിഫ ലോകകപ്പിൽ ലയണൽ മെസ്സി നേതൃത്വം നൽകുന്നതോടെ അർജന്റീന അവരുടെ അപരാജിത കുതിപ്പ് നീട്ടുമെന്ന് പ്രതീക്ഷിക്കുന്നു. എയ്ഞ്ചൽ ഡി മരിയ, ലൗട്ടാരോ മാർട്ടിനെസ്, പൗലോ ഡിബാല, എമിലിയാനോ മാർട്ടിനെസ്, റോഡ്രിഗോ ഡി പോൾ എന്നിവർ രാജ്യത്തിന്റെ 36 വർഷത്തെ ലോകകപ്പ് വരൾച്ചയ്ക്ക് അറുതി വരുത്താനുള്ള ലക്ഷ്യത്തിൽ മെസ്സിക്കൊപ്പമുണ്ട് .രണ്ട് തവണ ലോക ചാമ്പ്യൻമാരായ അർജന്റീന എട്ട് വർഷം മുമ്പ് ബ്രസീലിൽ രണ്ടാം സ്ഥാനക്കാരായി ഫിനിഷ് ചെയ്തതിന് ശേഷം 2018 ലെ അവസാന 16 ഘട്ടത്തിൽ നിന്ന് പുറത്തായിരുന്നു.അർജന്റീന തങ്ങളുടെ അവസാന സന്നാഹ മത്സരത്തിൽ ബുധനാഴ്ച അബുദാബിയിൽ യുണൈറ്റഡ് അറബ് എമിറേറ്റ്‌സിനെ നേരിടും.