വെസ്റ്റ് ഹാമിന്റെ ബ്രസീലിയൻ മിഡ്ഫീൽഡർ ലൂക്കാസ് പാക്വെറ്റയെ സൈൻ ചെയ്യാൻ താല്പര്യം പ്രകടിപ്പിച്ചിരിക്കുകയാണ് മാഞ്ചസ്റ്റർ സിറ്റി .ബ്രസീലിന്റെ മധ്യനിര താരത്തിനായി സിറ്റി ഇതുവരെ ഒരു ഔപചാരിക ബിഡ് ആരംഭിച്ചിട്ടില്ലെങ്കിലും ക്ലബ്ബിന്റെ സാധ്യതയുള്ള ലക്ഷ്യങ്ങളുടെ പട്ടികയിൽ അദ്ദേഹം ഏറ്റവും മുന്നിലാണ്.
ക്ലബ് വിടാൻ ഒരുങ്ങുന്ന പോർച്ചുഗീസ് മിഡ്ഫീൽഡർ ബെർണാഡോ സിൽവയുടെ നീക്കം മുന്നിൽ കണ്ടാണ് സിറ്റി പാക്വെറ്റയിൽ താല്പര്യം കാണിച്ചത്.ബാഴ്‌സലോണ, പാരീസ് സെന്റ് ജെർമെയ്ൻ, സൗദി പ്രോ ലീഗ് എന്നിവയിൽ നിന്ന് സിൽവക്കായി ഓഫറുകളുണ്ട്.സിൽവയ്‌ക്കായി സിറ്റിക്ക് ഇതുവരെ ഔപചാരിക ബിഡ് ലഭിച്ചിട്ടില്ല, കൂടാതെ പോർച്ചുഗൽ ഇന്റർനാഷണലിന് ഒരു പുതിയ കരാർ വാഗ്ദാനം ചെയ്യാൻ ഒരുങ്ങുകയാണ്.
ഡെക്ലാൻ റൈസ് ആഴ്സണലിലേക്ക് പോയതിന് ശേഷം 25 കാരനെ വിട്ടു നല്കാൻ വെസ്റ്റ് ഹാം വിമുഖത കാണിച്ചിരുന്നു. ബ്രസീലിയൻ മിഡ്ഫീൽഡർക്ക് 70 മില്യൺ പൗണ്ടിലധികം (89.4 മില്യൺ) വിലയുണ്ട്.2022-ൽ ലിയോണിൽ നിന്ന് 50 മില്യൺ പൗണ്ടിന് എത്തിയ പാക്വെറ്റ തന്റെ ആദ്യ സീസണിൽ യൂറോപ്പ കോൺഫറൻസ് ലീഗ് ട്രോഫി ഉയർത്താൻ വെസ്റ്റ് ഹാമിനെ സഹായിച്ചു.
Lucas Paquetá release clause, not valid this summer. The clause is worth £85m and understood to be valid only from June 2024. ✨🇧🇷 #WHUFC
— Fabrizio Romano (@FabrizioRomano) August 9, 2023
Paquetá would love to join Man City but West Ham have no intention to accept £70m fee discussed this week. pic.twitter.com/MGZf2CKCef
മിലാനിലും ഫ്ലെമെംഗോയിലും കളിച്ചിട്ടുള്ള താരം ഖത്തറിലെ ലോകകപ്പിൽ ബ്രസീൽ ടീമിന്റെ ഭാഗമായിരുന്നു. ചെൽസിയിൽ നിന്ന് മറ്റെയോ കൊവാസിച്ചിനെ 30 മില്യൺ പൗണ്ടിന്റെ മാഞ്ചസ്റ്റർ സിറ്റി സ്വന്തമാക്കിയിരുന്നു. ഫ്രീ ട്രാൻസ്ഫറിൽ ബാഴ്‌സലോണയിലേക്ക് മാറിയ ഇൽകെ ഗുണ്ടോഗന് പകരമാണ് കോവാസിച് ടീമിൽ എത്തിയത്.