ഗോളും അസിസ്റ്റുമായി മുന്നിൽ നിന്നും നയിച്ച് എംബപ്പേ , ഫ്രാൻസിന് ജയം : വമ്പൻ ജയങ്ങളുമായി സ്പെയിനും ഉറുഗ്വേയും

യൂറോ 2024-ന് മുമ്പുള്ള സൗഹൃദ മത്സരത്തിൽ ലക്‌സംബർഗിനെതിരെ വിജയവുമായി ഫ്രാൻസ്. മെറ്റ്‌സിൽ നടന്ന മത്സരത്തിൽ മൂന്നു ഗോളുകളുടെ വിജയമാണ് ഫ്രാൻസ് നേടിയത്.റയൽ മാഡ്രിഡിലേക്കുള്ള തൻ്റെ നീക്കം പ്രഖ്യാപിച്ചതിന് ശേഷമുള്ള തൻ്റെ ആദ്യ ഔട്ടിംഗിൽ കൈലിയൻ എംബാപ്പെ ഒരു ഗോളും രണ്ട് അസിസ്റ്റുകളും നേടി മിന്നുന്ന പ്രകടനം പുറത്തെടുത്തു. മത്സരത്തിന്റെ 43 ആം മിനുട്ടിൽ എംബാപ്പെയുടെ പാസിൽ നിന്ന് ഹെഡ്ഡറിലൂടെ റാൻഡൽ കോലോ മുവാനി ഫ്രാൻസിനെ മുന്നിലെത്തിച്ചു. 70 ആം മിനുട്ടിൽ ബാപ്പെയുടെ പാസിൽ നിന്ന് ജോനാഥൻ ക്ലോസിൻ്റെ ഗോളിലൂടെ ഫ്രാൻസ് ലീഡ് ഇരട്ടിയാക്കി.

85 ആം മിനുട്ടിൽ നേടിയ ഗോളോടെ എംബപ്പേ ഫ്രാൻസിന്റെ വിജയം പൂർത്തിയാക്കി. ഫ്രാൻസിനായുള്ള എംബാപ്പയുടെ 47 ആം ഗോളായിരുന്നു ഇത്.25-കാരൻ ഇപ്പോൾ ഫ്രാൻസിനായി 78 മത്സരങ്ങളിൽ നിന്ന് 80 ഗോളുകളിൽ പങ്കാളിയായി.87-ാം റാങ്കിലുള്ള ലക്സംബർഗിന് അവരുടെ യൂറോ 2024 യോഗ്യതാ പ്ലേഓഫ് സെമിയിൽ ജോർജിയയോട് 2-0 ന് തോറ്റതോടെ അവരുടെ ആദ്യത്തെ പ്രധാന ടൂർണമെൻ്റ് നഷ്‌ടമായിരുന്നു.യൂറോ 2024 ജൂൺ 14 ന് ആരംഭിക്കുന്നതിന് മുമ്പുള്ള അവസാന സന്നാഹ മത്സരത്തിൽ ഫ്രാൻസ് ഞായറാഴ്ച ബോർഡോയിൽ കാനഡയെ നേരിടും.യൂറോ 2020-ൽ സ്വിറ്റ്‌സർലൻഡിനെതിരെ പെനാൽറ്റിയിൽ അവസാന 16-ൽ പുറത്തായ ഫ്രാൻസ് ജൂൺ 17-ന് ഓസ്ട്രിയയെ നേരിടും, മുമ്പ് ജൂൺ 21-ന് നെതർലാൻഡ്‌സിനെയും നാല് ദിവസത്തിന് ശേഷം പോളണ്ടിനെയും നേരിടും.

മറ്റൊരു സന്നാഹ മത്സരത്തിൽ അറ്റാക്കിംഗ് മിഡ്‌ഫീൽഡർ മൈക്കൽ ഒയാർസബാൽ നേടിയ ഹാട്രിക്കിന്റെ പിൻബലത്തിൽ സ്പെയിൻ അൻഡോറയെ എതിരില്ലാത്ത അഞ്ചു ഗോളുകൾക്ക് പരാജയപ്പെടുത്തി. ന്യൂകാസിൽ യുണൈറ്റഡിൻ്റെയും ലെസ്റ്റർ സിറ്റിയുടെയും മുൻ ഫോർവേഡ് അയോസ് പെരസ് 30-ാം വയസ്സിൽ അന്താരാഷ്ട്ര അരങ്ങേറ്റം കുറിക്കുകയും 24-ാം മിനിറ്റിൽ ആതിഥേയർക്ക് ലീഡ് നൽകുകയും ചെയ്തു.ഹാഫ് ടൈമിൽ നാല് സബ്സ്റ്റിറ്റിയൂഷനുകളിൽ ഒരാളായ റയൽ സോസിഡാഡിൻ്റെ ഒയാർസബൽ 53-ാം മിനിറ്റിൽ സ്പെയിനിൻ്റെ ലീഡ് വർദ്ധിപ്പിച്ചു.66-ാ ആം മിനുട്ടിൽ ഒയാർസബൽ മൂന്നാം ഗോളും 73 ആം മിനുട്ടിൽ സ്‌പെയിൻ നാലാം ഗോളും നേടി.എട്ട് മിനിറ്റിനുശേഷം ഫെറാൻ ടോറസ് അഞ്ചാം ഗോൾ നേടി.

മറ്റൊരു മത്സരത്തിൽ ഉറുഗ്വേ എതിരില്ലാത്ത നാല് ഗോളുകൾക്ക് മെക്സിക്കോയെ പരാജയപ്പെടുത്തി. ഉറുഗ്വേക്കായി ഡാർവിൻ ന്യൂനസ് ഹാട്രിക്ക് നേടി.ഫാക്കുണ്ടോ പല്ലസ്ട്രി നാലാം ഗോൾ നേടി . മറ്റൊരു മത്സരത്തിൽ ബെൽജിയം എതിരില്ലാത്ത രണ്ടു ഗോളുകൾക്ക് മോണ്ടിനെഗ്രോയെ പരാജയപ്പെടുത്തി.