“മെസ്സിയില്ലാതെ ജയിക്കുക എന്നത് പ്രധാനമാണ്” – ചിലിക്കെതിരെ അർജന്റീനയുടെ 2-1 ന് വിജയത്തെകുറിച്ച് എയ്ഞ്ചൽ ഡി മരിയ

സൂപ്പർ താരം ലയണൽ മെസ്സിയില്ലാതെ ജയിക്കുക എന്നത് പ്രധാനമാണെന്ന് ചിലിക്കെതിരെ മാച്ച് വിന്നിംഗ് പ്രകടനം പുറത്തെടുത്തതിന് ശേഷം അർജന്റീന താരം എയ്ഞ്ചൽ ഡി മരിയ അഭിപ്രായപ്പെട്ടു.കലാമയിലെ എസ്റ്റാഡിയോ സോറോസ് ഡെസിയേർട്ടോയിൽ നടന്ന 2022 ലോകകപ്പ് യോഗ്യതാ മത്സരത്തിൽ അർജന്റീന ഏഞ്ചൽ ഡി മരിയ ,മാർട്ടിനെസ് എന്നിവർ നേടിയ ഗോളുകൾക്കാണ് വിജയം നേടിയത്.ഖത്തറിൽ ഇതിനകം സ്ഥാനം ഉറപ്പിച്ച അർജന്റീന സമ്മർദ്ദമില്ലാതെ കളിച്ചു. മറുവശത്ത്, ചിലിക്ക് അവരുടെ യോഗ്യതാ പ്രതീക്ഷകൾ നിലനിർത്താൻ ഒരു വിജയം അനിവാര്യമായിരുന്നു.

COVID-19 സംബന്ധമായ സങ്കീർണതകൾ കാരണം വിശ്രമത്തിലായിരുന്ന ലയണൽ മെസ്സി ഇല്ലെങ്കിലും, 2021 കോപ്പ അമേരിക്ക ജേതാക്കൾ മത്സരത്തിൽ പൂർണ ആധിപത്യം പുലർത്തിയിരുന്നു.ഒൻപതാം മിനിറ്റിൽ പിഎസ്ജി വിങ്ങർ ഡി മരിയ ബോക്‌സിന്റെ അരികിൽ നിന്ന് ബ്ലൈൻഡർ ഗോളിലൂടെ തന്റെ ടീമിനായി സ്‌കോറിംഗ് തുറന്നു. 11 മിനിറ്റിനുശേഷം ബെൻ ബ്രെററ്റൺ ഡയസ് സ്‌ട്രൈക്കിലൂടെ ചിലി തുല്യത പുനഃസ്ഥാപിച്ചു, പക്ഷേ ഒടുവിൽ 34-ാം മിനിറ്റിൽ ലൗട്ടാരോ മാർട്ടിനെസിന്റെ ഗോൾ അർജന്റീനയെ വിജയത്തിലെത്തിച്ചു.

മത്സരത്തിന് ശേഷം തന്റെ ടീമിന്റെ പ്രകടനത്തെക്കുറിച്ച് അഭിപ്രായം പറയാൻ ആവശ്യപ്പെട്ടപ്പോൾ, അവരുടെ ക്യാപ്റ്റനില്ലാതെ ജയിക്കുക എന്നത് പ്രധാനമാണെന്ന് ഡി മരിയ പറഞ്ഞു. മെസ്സിയുടെ അഭാവത്തിൽ ലാ ആൽബിസെലെസ്‌റ്റക്ക് വിജയിക്കണം എന്നും അദ്ദേഹം പറഞ്ഞു.“മെസ്സിയില്ലാതെ ജയിക്കുക എന്നത് പ്രധാനമാണ്. അവൻ അവിടെ ഉള്ളപ്പോൾ, എല്ലാം വളരെ എളുപ്പമാണ്. പക്ഷെ അവ മെസിയില്ലാത്തപ്പോൾ ,ശക്തി, ഗുണം, എല്ലാം വിഭജിക്കണം” പിഎസ്ജി വിങ്ങർ പറഞ്ഞു.CONMEBOL റാങ്കിംഗിൽ രണ്ടാം സ്ഥാനത്തുള്ള അർജന്റീന, ഫെബ്രുവരി ഒന്നിന് തങ്ങളുടെ അടുത്ത ലോകകപ്പ് യോഗ്യതാ മത്സരത്തിൽ അഞ്ചാം സ്ഥാനത്തുള്ള കൊളംബിയയെ നേരിടും.

ഈ മാസമാദ്യം കൊവിഡ് നെഗറ്റീവായെങ്കിലും, അർജന്റീനിയൻ നായകനെ ദേശീയ ടീം ടീമിൽ നിന്ന് ഒഴിവാക്കി. അത് എന്തുകൊണ്ടാണെന്ന് ഇപ്പോൾ പരിശീലകൻ ലയണൽ സ്‌കലോനി വെളിപ്പെടുത്തിയിരുന്നു.PSG വിംഗറിനെ COVID-19 സാരമായി ബാധിച്ചിട്ടുണ്ടെന്നും അതിൽ നിന്ന് ഇതുവരെ പൂർണ്ണമായി സുഖം പ്രാപിച്ചിട്ടില്ലെന്നും ആൽബിസെലെസ്‌റ്റ് ബോസ് പ്രസ്താവിച്ചു.നിലവിൽ പിഎസ്ജിയിൽ പരിശീലനം നടത്തുന്ന 34 കാരനായ താരം ഫെബ്രുവരി ആദ്യവാരം ക്ലബ് ഫുട്ബോൾ പുനരാരംഭിക്കുമ്പോൾ കളിക്കളത്തിലേക്ക് മടങ്ങിവരും.