‘അവസാന നിമിഷം വരെ ഞങ്ങൾ ലിയോയ്ക്കായി കാത്തിരിക്കും’ :യുഎസ് ഓപ്പൺ കപ്പ് ഫൈനലിൽ മെസ്സി കളിക്കുമോ ? |Lionel Messi

നാളെ നടക്കുന്ന ഹൂസ്റ്റണിനെതിരായ ഇന്റർ മിയാമിയുടെ യുഎസ് ഓപ്പൺ കപ്പ് ഫൈനൽ മത്സരത്തിൽ ലയണൽ മെസ്സി കളിക്കുമോ എന്ന കാര്യത്തിൽ ഇപ്പോഴും വ്യക്തത വന്നിട്ടില്ല.ഏഴ് തവണ ബാലൺ ഡി ഓർ ജേതാവ് സെപ്തംബർ 20 ന് ടൊറന്റോയ്‌ക്കെതിരായ മത്സരത്തിൽ നിന്ന് പരിക്കേറ്റ് ആദ്യ പകുതിയിൽ തന്നെ കളം വിട്ടിരുന്നു.

ഞായറാഴ്ച ഒർലാൻഡോയിൽ നടന്ന ടീമിന്റെ 1-1 ടൈയിൽ കളിച്ചില്ല. കഴിഞ്ഞ രണ്ടാഴ്‌ചയ്‌ക്കുള്ളിൽ അദ്ദേഹം പൂർണ്ണമായും നഷ്‌ടമായ മൂന്നാമത്തെ മത്സരമായിരുന്നു അത് രണ്ടു മത്സരങ്ങൾ ഇന്റർ മയാമിക്കും ഒരു മത്സരം അര്ജന്റീനക്കും വേണ്ടിയായിരുന്നു. കഴിഞ്ഞ ദിവസത്തെ ഇന്റർ മയാമിയുടെ പരിശീലന സെഷനിൽ നിന്നും മെസ്സി വിട്ടു നിൽക്കുകയും ചെയ്തു.ഹ്യൂസ്റ്റൺ ഡൈനാമോയ്‌ക്കെതിരായ വിജയം മിയാമിയുടെ ശേഖരത്തിലേക്ക് മറ്റൊരു കിരീടം ചേർക്കും.

മെസ്സിയുടെ ഫിറ്റ്‌നസ് അപ്‌ഡേറ്റ് നൽകുന്നതിനായി ടാറ്റ മാർട്ടിനോ ഗെയിമിന് മുമ്പ് ഒരു പത്രസമ്മേളനം നടത്തും.ഇന്റർ മിയാമിയുടെ മറ്റൊരു മിഡ് സീസൺ ഏറ്റെടുക്കൽ ജോർഡി ആൽബയ്ക്ക് പരുക്ക് കാരണം കപ്പ് ഫൈനൽ നഷ്ടമാകാൻ സാധ്യതയുണ്ട്.“ഞങ്ങൾ നാളെ വരെ, അവസാന നിമിഷം വരെ ലിയോയ്‌ക്കായി കാത്തിരിക്കാൻ പോകുകയാണ്,” മാർട്ടിനോ ചൊവ്വാഴ്ച ഒരു വാർത്താ സമ്മേളനത്തിൽ പറഞ്ഞു.

ടൊറന്റോയ്‌ക്കെതിരായ മത്സരത്തിൽ ആണ് ആൽബെക്ക് പരിക്കേൽക്കുന്നത്. സെപ്തംബർ 12-ന് ബൊളീവിയയിൽ നടന്ന അർജന്റീനയുടെ ലോകകപ്പ് യോഗ്യതാ വിജയവും സെപ്തംബർ 16-ന് അറ്റ്ലാന്റ യുണൈറ്റഡിൽ നടന്ന ഇന്റർ മിയാമിയുടെ 5-2 തോൽവിയും 36-കാരനായ മെസ്സിക്ക് നഷ്ടമായി. സെപ്തംബർ 20-ന് നടന്ന മത്സരത്തിൽ തിരിച്ചെത്തിയെങ്കിലും പരിക്കേറ്റ പോയി.ഇന്റർ മിയാമി മേജർ ലീഗ് സോക്കറിന്റെ പ്ലേ ഓഫിൽ ഇടം നേടാനുള്ള ശ്രമത്തിലാണ്.

ശനിയാഴ്ച ന്യൂയോർക്ക് സിറ്റി എഫ്‌സി, ഒക്‌ടോബർ 4 ന് ചിക്കാഗോ ,ഒക്‌ടോബർ 7 ന് സിൻസിനാറ്റി എന്നിവരെ നേരിടും.വരാനിരിക്കുന്ന എം‌എൽ‌എസ് മത്സരങ്ങളിൽ മെസ്സിയുടെ ലഭ്യത സംബന്ധിച്ച് എന്തെങ്കിലും തീരുമാനം ബുധനാഴ്ചയ്ക്ക് ശേഷം ഉണ്ടാകുമെന്ന് മാർട്ടിനോ സൂചിപ്പിച്ചു.മെസ്സി ക്ലബ്ബിനായി ആദ്യമായി പ്രത്യക്ഷപ്പെട്ടതിന് ശേഷം 15 മത്സരങ്ങളിൽ നിന്ന് ഒരു തവണ മാത്രമാണ് ടീം തോറ്റത്, ഒമ്പത് മത്സരം വിജയിക്കുകയും അഞ്ച് സമനിലയിലാവുകയും ചെയ്തു.

ഏഴ് തവണ ബാലൺ ഡി ഓർ ജേതാവ് ജൂലൈയിൽ പാരീസ് സെന്റ് ജെർമെയ്‌നിൽ നിന്ന് എത്തിയതിന് ശേഷം ഇന്റർ മിയാമിക്ക് വേണ്ടി 12 മത്സരങ്ങളിൽ നിന്ന് 11 ഗോളുകളും അഞ്ച് അസിസ്റ്റുകളും നൽകി.