ലയണൽ മെസ്സി തന്റെ മഹത്തരമായ കരിയറിൽ നിരവധി വ്യക്തിഗത അവാർഡുകൾ നേടിയിട്ടുണ്ട്. ക്ലബ്ബിലും അന്താരാഷ്ട്ര തലത്തിലും മിക്കവാറും എല്ലാ പ്രധാന ട്രോഫികളും നേടിയിട്ടുള്ള മെസ്സി ചരിത്രത്തിലെ ഏറ്റവും മികച്ച കളിക്കാരിൽ ഒരാളായിട്ടാണ് കണക്കാക്കുന്നത്.ബാഴ്‌സലോണയ്‌ക്കൊപ്പമുള്ള 17 വർഷത്തെ സ്‌പെലിൽ 10 ലാ ലിഗ കിരീടങ്ങളും ഏഴ് കോപാസ് ഡെൽ റേയും നാല് ചാമ്പ്യൻസ് ലീഗുകളും നേടി.
15 അർജന്റീനിയൻ ഫുട്ബോൾ ഓഫ് ദ ഇയർ അവാർഡുകൾ, ആറ് യൂറോപ്യൻ ഗോൾഡൻ ഷൂസ്, റെക്കോർഡ് ഏഴ് ബാലൺസ് ഡി ഓർ എന്നിവയും 35-കാരൻ നേടിയിട്ടുണ്ട്. തനിക്ക് ലഭിച്ച വ്യക്തിഗത അവാർഡുകളിൽ ഒന്ന് അര്ജന്റീന സഹ താരത്തിന് നൽകിയിരിക്കുകയാണ് മെസി.ലാ ലിഗ 2020-21 ലെ മികച്ച കളിക്കാരനുള്ള അവാർഡാണ് സഹതാരം ലിയാൻഡ്രോ പരേഡെസിന് സമ്മാനിച്ചത്.”മെസ്സി പാരിസിൽ എത്തിയപ്പോൾ അത് എനിക്ക് തരുമോ എന്ന് ഞാൻ ചോദിക്കുകയും മെസ്സി അത് എനിക്ക് തന്നു” നിലവിൽ ഇറ്റാലിയൻ ഭീമൻമാരായ യുവന്റസിൽ ലോണിലുള്ള പരേഡസ് അടുത്തിടെ ടൂറിനിലെ തന്റെ വീട്ടിൽ മാധ്യമപ്രവർത്തകരെ കാണിച്ചുകൊണ്ട് പറഞ്ഞു.
2021-ൽ ബാഴ്‌സലോണ വിട്ടതിന് ശേഷം രണ്ട് വർഷത്തെ കരാറിലാണ് മെസ്സി പിഎസ്ജിയിൽ ചേർന്നത്.ഈ കാമ്പെയ്‌നിന്റെ ആദ്യ പകുതിയിൽ മെസ്സിയുടെ ഫോം മികച്ചതാണെങ്കിലും, അർജന്റീനയെ ഖത്തറിലെ ലോകകപ്പ് കിരീടത്തിലേക്ക് നയിച്ചതിന് ശേഷം അത് ഗണ്യമായി കുറഞ്ഞു. ഈ സീസണിൽ ഫ്രഞ്ച് ക്ലബ്ബിനൊപ്പമുള്ള കരാർ അവസാനിക്കുന്ന മെസ്സി ബാഴ്സലോണയിലേക്ക് തിരിച്ചു പോവാനുള്ള ഒരുക്കത്തിലാണ്.
¿Cómo que Paredes tiene un premio que le dieron a Messi? Sí, así como leés. pic.twitter.com/rI9aAYHCuh
— Bolavip Argentina (@BolavipAr) April 15, 2023
2022ലെ ഫിഫ ലോകകപ്പിൽ ലാ ആൽബിസെലെസ്റ്റെയുടെ 36 വർഷത്തെ കാത്തിരിപ്പിന് വിരാമമിട്ടു. ടൂർണമെന്റിൽ ഏഴ് ഗോളുകൾ നേടുകയും മൂന്ന് അസിസ്റ്റുകൾ നൽകുകയും ചെയ്ത മെസ്സി ഗോൾഡൻ ബോൾ നേടുകയും ചെയ്തു.പി‌എസ്‌ജിക്കൊപ്പം തന്റെ രണ്ടാമത്തെ ലീഗ് 1 കിരീടം നേടാനുള്ള പാതയിലാണ് മെസ്സി.ഈ വർഷാവസാനം മെസ്സിക്ക് എട്ടാമത്തെ ബാലൺ ഡി ഓർ ലഭിക്കുമെന്ന് പ്രതീക്ഷിക്കുന്നു.