ഫുട്ബോളിലെ ഏറ്റവും അഭിമാനകരമായ ടൂർണമെന്റാണ് ലോകകപ്പ്. നാല് വർഷത്തിലൊരിക്കൽ മാത്രം നടക്കുന്ന ലോകകപ്പ് ലോകമെമ്പാടുമുള്ള ഫുട്ബോൾ ആരാധകരെ ആവേശത്തിന്റെ കൊടുമുടിയിൽ എത്തിക്കുന്ന ഒന്നാണ്.2022 ലെ ലോകകപ്പ് ഖത്തറിൽ ആരംഭിക്കാൻ ഇനി കുറച്ച് ദിവസങ്ങൾ മാത്രമാണ് അവശേഷിക്കുന്നത്. പങ്കെടുക്കുന്ന 32ടീമുകളും അവരുടെ ഏറ്റവും മികച്ചത് നൽകാനുള്ള തായ്യാറെടുപ്പിലാണ്.
ഏതു പതിപ്പിലെയും പോലെ കിരീടം നേടാൻ സാധ്യത കൽപ്പിക്കുന്നവരുടെ മുന്നിൽ തന്നെയാണ് അർജന്റീനയുടെ സ്ഥാനവും.കഴിഞ്ഞ 35 മത്സരങ്ങളിൽ ഒന്നിൽ പോലും അർജന്റീന പരാജയപ്പെട്ടിട്ടില്ല. മെസ്സിയുടെ മികച്ച ഫോം അവരുടെ സാദ്ധ്യതകൾ കൂടുതൽ ഉയർത്തുകയും ചെയ്തു.ഫുട്ബോൾ പണ്ഡിറ്റുകളും നിരീക്ഷകരും മുൻ താരങ്ങളും പരിശീലകരുമൊക്കെ മെസ്സിക്ക് വേൾഡ് കപ്പ് കിരീടം ലഭിക്കാൻ ആഗ്രഹിക്കുന്നുണ്ട്. ഒരുപാട് പേർ അത് തുറന്ന് പറയുകയും ചെയ്തിരുന്നു. ലയണൽ മെസ്സി 2022 ലെ ഫിഫ ലോകകപ്പ് കിരീടം അർജന്റീനയ്‌ക്കൊപ്പം ഉയർത്തണമെന്ന് മുൻ ജർമൻ താരവും 1990-ലെ ഫിഫ ലോകകപ്പ് ജേതാവുമായ ജർഗൻ ക്ലിൻസ്മാൻ അഭിപ്രായപ്പെട്ടിരിക്കുകയാണ്.
ആരെക്കാളും ട്രോഫി നേടാൻ ലയണൽ മെസ്സി അർഹനാണെന്നും ക്ലിൻസ്മാൻ പറഞ്ഞു. അടുത്ത മാസം ഖത്തറിൽ പാരീസ് സെന്റ് ജർമ്മൻ സൂപ്പർതാരം വിജയിക്കുമെന്ന് നിരവധി ഫുട്ബോൾ പ്രേമികൾ പ്രതീക്ഷിക്കുന്നുണ്ടെന്നും അദ്ദേഹം കൂട്ടിച്ചേർത്തു. 1990ൽ നിലവിലെ ചാമ്പ്യന്മാരായ അർജന്റീനയെ ഫൈനലിൽ 1-0ന് തോൽപിച്ച് ലോകകപ്പ് നേടിയ പശ്ചിമ ജർമ്മനി ടീമിന്റെ ഭാഗമായിരുന്നു ക്ലിൻസ്മാൻ. ലയണൽ മെസ്സിയും ഡീഗോ മറഡോണയും തമ്മിലുള്ള താരതമ്യവും അദ്ദേഹം നടത്തി. മെസ്സിയുടെ അപാരമായ കഴിവും ലോക ഫുട്ബോളിലെ സ്ഥാനവും കണക്കിലെടുത്ത് മറഡോണയെപ്പോലെ മെസ്സിയും അർജന്റീനയ്‌ക്കൊപ്പം ലോകകപ്പ് നേടണമെന്ന് അദ്ദേഹം അഭിപ്രായപ്പെട്ടു.മെസ്സി ഫുട്ബോളിന് സംഭാവന ചെയ്ത കാര്യങ്ങൾ നോക്കുമ്പോൾ മെസ്സി ആരെക്കാളും വേൾഡ് കപ്പ് അർഹിക്കുന്നുണ്ട് എന്നുള്ളത് എല്ലാവർക്കും അറിയാമെന്ന് ജർമൻ പറഞ്ഞു.
Lionel Messi doing Lionel Messi things…🐐pic.twitter.com/tskcakCDXx
— SPORTbible (@sportbible) September 28, 2022
“ലോക ഫുട്ബോളിൽ ഉള്ള എല്ലാവരും മെസ്സിക്ക് വേൾഡ് കപ്പ് കിരീടം ലഭിക്കാൻ ആഗ്രഹിക്കുന്നുണ്ട് എന്നാണ് ഞാൻ കരുതുന്നത്. കാരണം മെസ്സിയുടെ പ്രതിഭയും അദ്ദേഹം തന്റെ കരിയറിൽ ചെയ്ത കാര്യങ്ങളും ഫുട്ബോളിനെ പ്രതിനിധീകരിച്ച രീതിയുമൊക്കെ വേൾഡ് കപ്പ് ലഭിക്കാൻ അർഹത ഉണ്ടാക്കുന്നു. മറഡോണ വേൾഡ് കപ്പ് കിരീടം നേടിയത് പോലെ മെസ്സിയും കിരീടം നേടണം. മറ്റെല്ലാവരേക്കാളും മെസ്സി അതിന് അർഹനാണ്. മെസ്സി ലോകകപ്പ് ഖത്തറിൽ നിന്ന് തന്റെ വീട്ടിലേക്ക് കൊണ്ടുപോകണം” ക്ലിൻസ്മാൻ പറഞ്ഞു.
2022 ലെ ഫിഫ ലോകകപ്പ് ലയണൽ മെസ്സിയുടെ ലോകകപ്പ് ഫൈനലിലെ അവസാന മത്സരമായിരിക്കും. ട്രോഫി നേടാനുള്ള അദ്ദേഹത്തിന്റെ ഏറ്റവും മികച്ച അവസരം കൂടിയാണിത്. ക്ലബ്ബ് തലത്തിൽ എല്ലാം നേടിയ അദ്ദേഹം കഴിഞ്ഞ വർഷം തന്റെ ക്യാബിനറ്റിൽ കോപ്പ അമേരിക്ക കിരീടം ചേർത്തു.ഈ സീസണിൽ അദ്ദേഹം മിന്നുന്ന ദൃശ്യങ്ങൾ പ്രദർശിപ്പിച്ചിട്ടുണ്ട്. പിഎസ്ജിക്ക് വേണ്ടി ഒമ്പത് ലീഗ് 1 മത്സരങ്ങളിൽ നിന്ന് ഏഴ് അസിസ്റ്റുകളും അഞ്ച് ഗോളുകളും നേടിയ മെസ്സി യുവേഫ ചാമ്പ്യൻസ് ലീഗിൽ ഒരു ഗോളും നേടിയിട്ടുണ്ട്.
The angle of this Lionel Messi pass 🔥.pic.twitter.com/xNfCPWV492
— Roy Nemer (@RoyNemer) October 1, 2022
കഴിഞ്ഞ മാസം ഹോണ്ടുറാസിനും ജമൈക്കയ്‌ക്കുമെതിരായ സൗഹൃദ മത്സരങ്ങളിൽ അർജന്റീന 3-0 വിജയങ്ങൾ രേഖപ്പെടുത്തി, രണ്ട് ഗെയിമുകളിലും ലയണൽ മെസ്സി ഇരട്ട ഗോളുകൾ നേടി. രാജ്യത്തിന് വേണ്ടി കഴിഞ്ഞ മൂന്ന് മത്സരങ്ങളിൽ നിന്ന് ഒമ്പത് ഗോളുകളാണ് താരം നേടിയത്.2022 ഫിഫ ലോകകപ്പിൽ പോളണ്ട്, സൗദി അറേബ്യ, മെക്സിക്കോ എന്നിവർക്കൊപ്പം ഗ്രൂപ്പ് സിയിൽ അർജന്റീനയുടെ സ്ഥാനം.