“അവൻ ചാമ്പ്യനാണ് , ലോകത്തിലെ ഏറ്റവും മികച്ച കളിക്കാരനാണ്”

ഈ സീസണിൽ PSG യിൽ എത്തിയതിന് ശേഷം അഞ്ച് ലീഗ് മത്സരങ്ങളിൽ സ്‌കോർ ചെയ്യാതിരുന്ന മെസ്സി ശനിയാഴ്ച തന്റെ ആദ്യ ഗോൾ നേടി.നാന്റസിനെതിരെ വലകുലുക്കിയ അര്ജന്റീന താരം ത്തുപേരടങ്ങുന്ന ടീമിനെ 3-1ന് വിജയത്തിലെത്തിക്കാൻ സഹായിച്ചു. ജയത്തോടെ 14 മത്സരങ്ങൾക്ക് ശേഷം PSG 12 പോയിന്റ് ലീഡ് നേടി ലീഗ് 1 പട്ടികയിൽ ഒന്നാം സ്ഥാനത്ത് തുടരുകയാണ്.

“ലീഗ് ഗോൾ നേടാത്തതിൽ അദ്ദേഹം വിഷമിച്ചിരുന്നതായി ഞാൻ കരുതുന്നില്ല. അവൻ ഒരു ചാമ്പ്യനാണ്, ലോകത്തിലെ ഏറ്റവും മികച്ച കളിക്കാരൻ; അതിനാൽ പ്രയാസകരമായ ഘട്ടത്തിലൂടെ എങ്ങനെ കടന്നുപോകണമെന്ന് അവനറിയാം. അവന് ക്ഷമയുണ്ട്; അവൻ സ്കോർ ചെയ്തത് നല്ലതാണ്.ഫ്രഞ്ച് ടോപ്പ് ഫ്ലൈറ്റിൽ ലയണൽ മെസ്സി വരൾച്ച അവസാനിപ്പിച്ചതിനെക്കുറിച്ചുള്ള ചോദ്യത്തിന്, പിഎസ്ജി ബോസ് മൗറീഷ്യോ പോച്ചെറ്റിനോ മത്സരത്തിന് ശേഷമുള്ള പത്രസമ്മേളനത്തിൽ പറഞ്ഞു.

ലയണൽ മെസ്സി, കൈലിയൻ എംബാപ്പെ, നെയ്മർ ജൂനിയർ എന്നിവരടങ്ങിയ പാരീസിലെ സ്റ്റാർ ത്രയത്തിന് ഒരേ സമയത്ത് മികവ് കാട്ടാൻ സമയം ആവശ്യമാണെന്നും പോച്ചെറ്റിനോ വിശ്വസിക്കുന്നു.“ആദ്യ പകുതിയിൽ ഞങ്ങൾ നന്നായി കളിച്ചു. മെസ്സി, നെയ്മർ, എംബാപ്പെ എന്നിവരെ സംബന്ധിച്ചിടത്തോളം ഒരുമിച്ച് സമയം ചെലവഴിക്കുന്നതിലും മത്സര മത്സരങ്ങൾ കളിക്കുന്നതിലൂടെ മാത്രമാണ് ഇവർ തമ്മിലുള്ള ബന്ധം കൂടുതൽ വളരു.എന്നാൽ മുഴുവൻ ടീമും നന്നായി കളിച്ചു, ആദ്യ പകുതിയിൽ കൂടുതൽ ഗോളുകൾ നേടിയില്ല എന്നത് നിരാശ സമ്മാനിക്കുന്നു” പോച്ചെറ്റിനോപറഞ്ഞു .

ലീഗ്1 ൽ ഗോൾ കണ്ടെത്തിയില്ലെങ്കിലും ചാമ്പ്യൻസ് ലീഗിൽ മികച്ച മികച്ച ഫോമിൽ തെന്നെയാണ്.മാഞ്ചസ്റ്റർ സിറ്റിക്കും ആർബി ലെപ്‌സിഗിനുമെതിരായ ഗോളുകൾ ഉൾപ്പെടെ മൂന്ന് മത്സരങ്ങളിൽ നിന്ന് 34 കാരനായ താരം മൂന്ന് തവണ വലകുലുക്കി.ചാമ്പ്യൻസ് ലീഗിൽ (മാഞ്ചസ്റ്റർ സിറ്റിക്കെതിരെ) മെസ്സിയുടെ ആദ്യ ഗോളിന് വഴിയൊരുക്കിയത് കൈലിയൻ എംബാപ്പെ ആയിരുന്നു . ആർബി ലെപ്‌സിഗിനെതിരെ മെസ്സി നേടിയ രണ്ട് ഗോളുകളിലും ഫ്രഞ്ച് താരം നിർണായക പങ്ക് വഹിച്ചു. ഇനങ്ങളെ ലീഗ് 1 ലും മെസ്സിയുടെ ആദ്യ ഗോളിന് എംബാപ്പെ അസിസ്റ്റ് ചെയ്തു. മെസ്സി എംബപ്പേ സഖ്യം പിഎസ്ജി യെ കൂടുതൽ ഉയരങ്ങളിൽ എത്തിക്കും എന്നതിൽ സംശയമില്ല. മെസ്സി നിയമർ സഖ്യത്തെക്കളും മെസ്സി -എംബപ്പേ സഖ്യം പാരീസിൽ മികവിലേക്കുയരുന്നതാണ് കാണുന്നത്.