2022-ൽ ഖത്തറിൽ നടക്കുന്ന ഫിഫ ലോകകപ്പ് അർജന്റീനയുടെ വിജയ സാധ്യതയെ വിലയിരുത്തി മാഞ്ചസ്റ്റർ സിറ്റി ഇതിഹാസം സെർജിയോ അഗ്യൂറോ.ലയണൽ മെസ്സിയുടെ നേതൃത്വമായിരിക്കും അർജന്റീനയുടെ വിജയത്തിൽ നിർണായക ഘടകമെന്ന് അവകാശപ്പെട്ടു.
2022 ഫിഫ ലോകകപ്പിന് മുമ്പുള്ള അവരുടെ അവസാന സൗഹൃദ പോരാട്ടത്തിൽ അർജന്റീന യുഎഇയെ 5-0 ന് പരാജയപ്പെടുത്തിയപ്പോൾ ലയണൽ മെസ്സി ഒരു ഗോളും അസിസ്റ്റും നേടിയിരുന്നു.മെസ്സിയെ കൂടാതെ ജൂലിയൻ അൽവാരസും ജോക്വിൻ കൊറിയയും ഓരോ ഗോൾ വീതം നേടിയപ്പോൾ എയ്ഞ്ചൽ ഡി മരിയ ഇരട്ട ഗോളുകൾ നേടി. ഈ വിജയത്തോടെ ലാ ആൽബിസെലെസ്‌റ്റെ തങ്ങളുടെ അപരാജിത ഓട്ടം 36 ഗെയിമുകളായി വർദ്ധിപ്പിച്ചു. ഖത്തറിൽ കിരീടം നേടാനുള്ള ലാ ആൽബിസെലെസ്റ്റിന്റെ സാധ്യതകളെക്കുറിച്ച് അഗ്യൂറോ സത്യസന്ധമായ വിലയിരുത്തൽ നടത്തി.
ലയണൽ സ്കലോനിയുടെ ടീം അവരുടെ ഫുട്ബോൾ ആസ്വദിക്കുകയാണെന്നും അവരുടെ ലക്ഷ്യങ്ങളെക്കുറിച്ച് വ്യക്തതയുണ്ടെന്നും മുൻ അർജന്റീന ഫോർവേഡ് പറഞ്ഞു.“തുടക്കത്തിൽ കളിക്കാർ പരിക്ക് കാരണം പുറത്തായെങ്കിലും അർജന്റീന വളരെ മികച്ച രീതിയിൽ ആണ് ഖത്തറിൽ എത്തിയത്.എല്ലാവരും മികച്ച രീതിയിൽ കളിക്കുമെന്ന് ഞാൻ പ്രതീക്ഷിക്കുന്നു.അർജന്റീനിയൻ ടീം എന്തിന് വേണ്ടിയാണ് കളിക്കുന്നതെന്നതിനെക്കുറിച്ച് വളരെ വ്യക്തമാണ്, മാത്രമല്ല ഗ്രൂപ്പ് വളരെ ഏകീകൃതവുമാണ്” അഗ്യൂറോ പറഞ്ഞു.
Lionel Messi has scored 91 goals for Argentina 🤯 pic.twitter.com/TinhiGSWp0
— GOAL (@goal) November 16, 2022
ടീമിന്റെ നായകൻ ലയണൽ മെസ്സി നിർവഹിക്കുന്ന പ്രധാന പങ്കിനെ കുറിച്ചും അഗ്യൂറോ പറഞ്ഞു, അർജന്റീനയെ മറികടക്കാൻ ഏതൊരു ടീമിനും ബുദ്ധിമുട്ടാണെന്നും കൂട്ടിച്ചേർത്തു.“തീർച്ചയായും, മെസ്സിയുടെ നേതൃത്വം പ്രധാനമാണ്. അർജന്റീനക്കെതിരെ ആധിപത്യം സ്ഥാപിക്കാൻ ഏതൊരു ടീമിനും ബുദ്ധിമുട്ടായിരിക്കുമെന്ന് ഞാൻ കരുതുന്നു” അഗ്യൂറോ പറഞ്ഞു.