ലോകമെമ്പാടുമുള്ള ന്യൂനപക്ഷ വിഭാഗങ്ങളെക്കുറിച്ച് തുറന്നുപറയുന്നതിനാൽ മെസ്യൂട്ട് ഓസിലിന്റെ ഏജന്റ് ഡോ. എർകുട്ട് സോഗട്ട് മുൻ ആഴ്സണൽ പ്ലേമേക്കറെ “ഫുട്ബോളിലെ മുഹമ്മദ് അലി” എന്ന് വിശേഷിപ്പിച്ചു.ഇപ്പോൾ തുർക്കിയിലെ വമ്പൻമാരായ ഫെനർബാഷെയ്‌ക്കായി കളിക്കുന്ന മുൻ ജർമ്മനി ഇന്റർനാഷണൽ എമിറേറ്റ്‌സ് സ്റ്റേഡിയത്തിലെ ഏഴര വർഷത്തിനിടെ ഗണ്ണേഴ്‌സ് ആരാധകരുടെ പ്രിയങ്കരനായി മാറി.
എന്നാൽ പിന്നീട് മോശം അവസ്ഥയിൽ ക്ലബ് വിടേണ്ടി വരികയും ചെയ്തു.അക്കാലത്ത് ആഴ്സണൽ വിജയങ്ങളിൽ ജർമൻ താരം പ്രധാന പങ്കു വഹിക്കുകയും ചെയ്തു.എന്നാൽ അദ്ദേഹത്തിന്റെ പ്രതിവാര വേതനം £350,000 ക്ലബ്ബിന് ഒരു യഥാർത്ഥ ഭാരമായി മാറുകയും പരിശീകനുമായുള്ള പ്രശ്നങ്ങളും താരത്തെ ക്ലബ് വിടാൻ നിർബന്ധിച്ചു. ന്യൂനപക്ഷ വിഭാഗങ്ങളെ കുറിച്ച് ഓസിൽ മുൻകാലങ്ങളിൽ അങ്ങേയറ്റം തുറന്ന് പറഞ്ഞിട്ടുണ്ട്. എക്കാലത്തെയും ഏറ്റവും സ്വാധീനമുള്ള കായികതാരങ്ങളിൽ ഒരാളായി പൊതുവെ കണക്കാക്കപ്പെടുന്ന മുഹമ്മദ് അലിയുമായി അദ്ദേഹം പങ്കിടുന്ന ഒരു സ്വഭാവമാണിത്.
“ഓസിൽ ഒരു നായകനാണ്, കാരണം അദ്ദേഹം തുറന്ന് സംസാരിക്കുന്നു, കാരണം മറ്റുള്ളവർ പറയാത്ത കാര്യങ്ങൾ അവൻ പറയുന്നു. അത് ഇതുപോലെയായിരുന്നു: ‘ആവശ്യമുള്ള ആളുകൾക്ക് വേണ്ടി ശബ്ദമുയർത്തിയതിന് മെസ്യൂട്ടിന് നന്ദി. നിങ്ങളാണ് ഫുട്ബോളിലെ മുഹമ്മദ് അലി” ഓസിലിന്റെ ഏജന്റ് പറഞ്ഞു. തുർക്കി വംശജനായ ജർമൻ ഇന്റർനാഷണൽ താരത്തിന് ഇൻസ്റ്റാഗ്രാം, ഫേസ്ബുക്ക്, ട്വിറ്റർ എന്നിവയിൽ 87.7 ദശലക്ഷം ഫോളോവേഴ്‌സ് ഉണ്ട്, ഇത് ആഴ്‌സണലിനേക്കാൾ ആറ് ദശലക്ഷം കൂടുതലാണ്.
Mesut Ozil showing solidarity with Palestine. pic.twitter.com/1d9AGvR9nT
— Lisa (@Lisa4359) June 17, 2022
2018 ലെ ഗാർഡിയനിൽ നിന്നുള്ള ഒരു റിപ്പോർട്ട് അനുസരിച്ച്, തുർക്കി പ്രസിഡന്റ് റേസെപ് തയ്യിപ് എർദോഗനെ കണ്ടതിന് തിരിച്ചടി ലഭിച്ചതിനെ തുടർന്ന് അന്താരാഷ്ട്ര ഫുട്ബോളിൽ നിന്ന് വിരമിക്കാൻ തീരുമാനിച്ചതായി ഓസിൽ വെളിപ്പെടുത്തിയിരുന്നു. 2019 ഡിസംബറിൽ തുർക്കി ഭാഷ സംസാരിക്കുന്ന മുസ്ലീം ന്യൂനപക്ഷമായ ഉയ്ഗൂറുകളെ ചൈന പീഡിപ്പിക്കുന്നതായി ആരോപിച്ച് അദ്ദേഹം സോഷ്യൽ മീഡിയയിൽ ഒരു കവിത പോസ്റ്റ് ചെയ്തു. അദ്ദേഹത്തിന്റെ അന്നത്തെ ക്ലബ് ആഴ്സണൽ കളിക്കാരന്റെ പ്രസ്‍താവനയിൽ വിയോചിപ്പ് അറിയിക്കുകയും ചെയ്തിരുന്നു.