‘ലോകകപ്പ് നേടുന്നതിനെക്കുറിച്ച് ചിന്തിക്കുന്നതിന് മുമ്പ് മൊറോക്കോ ആഫ്രിക്ക ഓഫ് നേഷൻസ് കപ്പ് നേടണം’: ബൗഫൽ |Morocco

ബ്രസീലിനെ തോൽപ്പിക്കുന്ന ആദ്യ അറബ് ടീമായി മാറിയ ലോകകപ്പ് സെമിഫൈനലിസ്റ്റുകളായ മൊറോക്കോ മാറിയിരുന്നു. കഴിഞ്ഞ മാസം നടന്ന സൗഹൃദ മത്സരത്തിൽ ഒന്നിനെതിരെ രണ്ടു ഗോളുകൾക്കായിരുന്നു മൊറോക്കോ വിജയം നേടിയത്.കഴിഞ്ഞ വർഷം ഖത്തറിൽ നടന്ന ലോകകപ്പിൽ ബെൽജിയം, സ്പെയിൻ, പോർച്ചുഗൽ എന്നിവരെ തോൽപ്പിച്ച് സെമിഫൈനലിലേക്ക് കടന്ന മൊറോക്കോ അത്ഭുതകരമായ കുതിപ്പാണ് നടത്തിയത്.

എന്നാൽ 2026 ലോകകപ്പിലെ കിരീടം സ്വപ്നം കാണുന്നതിന് മുമ്പ് അടുത്ത വർഷം ആഫ്രിക്ക നേഷൻസ് കപ്പ് നേടുന്നതിൽ ശ്രദ്ധ കേന്ദ്രീകരിക്കണമെന്ന് വിംഗർ സോഫിയാൻ ബൗഫൽ പറഞ്ഞു.കഴിഞ്ഞ മാസം ടാൻജിയറിൽ നടന്ന സൗഹൃദ മത്സരത്തിൽ അഞ്ച് തവണ ലോക ചാമ്പ്യൻമാരായ ബ്രസീലിനെ 2-1 ന് തോൽപ്പിച്ചതിന് ശേഷം 2026 ൽ വേൾഡ് കപ്പ് നേടുക എന്ന മൊറോക്കോയുടെ സ്വപ്നം വലുതായി.ചരിത്രത്തിലുടനീളം യൂറോപ്യൻ, ദക്ഷിണ അമേരിക്കൻ ടീമുകൾ മാത്രമാണ് ലോകകപ്പ് നേടിയത്.“നമ്മുടെ മുൻഗണനകൾ നിശ്ചയിക്കണം. ആദ്യം നമുക്ക് ആഫ്രിക്ക നേഷൻസ് കപ്പ് നേടണം. ഇത് ബുദ്ധിമുട്ടുള്ളതും സങ്കീർണ്ണവുമായ മത്സരമാണെന്ന് ഞങ്ങൾക്ക് നന്നായി അറിയാം, തുടർന്ന് ലോകകപ്പിനെക്കുറിച്ച് ചിന്തിക്കാൻ ഞങ്ങൾക്ക് ധാരാളം സമയമുണ്ടാകും, ”ബൗഫൽ ത്തറിന്റെ അൽകാസ് സ്പോർട്സിനോട് പറഞ്ഞു.

അടുത്ത വർഷം ആദ്യം ഐവറി കോസ്റ്റിൽ നടക്കാനിരിക്കുന്ന അടുത്ത ആഫ്രിക്കൻ കപ്പ് ഓഫ് നേഷൻസിലേക്ക് യോഗ്യത നേടുന്ന ആദ്യ ടീമായി മൊറോക്കോ മാറി.1976-ൽ ആണ് മൊറോക്കോ അവരുടെ ഏക ആഫ്രിക്കൻ നേഷൻസ് കിരീടം നേടിയത്.“നേഷൻസ് കപ്പ് ലോകകപ്പിൽ നിന്ന് വ്യത്യസ്തമാണ്, മുൻകാലങ്ങളിൽ സാഹചര്യങ്ങൾ ഞങ്ങൾക്ക് അനുകൂലമായിരുന്നില്ല, അതിനാൽ ഞങ്ങൾക്ക് ശക്തമായ മാനസികാവസ്ഥ ഉണ്ടായിരിക്കണം,” ഖത്തർ ടീമായ അൽ-റയ്യാന് വേണ്ടി കളിക്കുന്ന 29 കാരനായ ബൗഫൽ കൂട്ടിച്ചേർത്തു.

“ലോകകപ്പിൽ, പരിശീലനത്തെയും സ്റ്റേഡിയങ്ങളെയും സംബന്ധിച്ച് എല്ലാം മികച്ചതാണ്, പക്ഷേ ആഫ്രിക്കയിൽ ഇത് വളരെ വ്യത്യസ്തമാണ്. ഞങ്ങൾ യാഥാർത്ഥ്യബോധമുള്ളവരായിരിക്കണം, ടൂർണമെന്റിനായി നന്നായി തയ്യാറെടുക്കണം, അത് ഒട്ടും എളുപ്പമാകില്ല” അദ്ദേഹം പറഞ്ഞു.ബ്രസീലിനെതിരായ വിജയത്തിൽ ബൗഫൽ സ്‌കോർ ചെയ്തു, ലോകകപ്പ് നേട്ടങ്ങളിൽ നിന്ന് ടീം ഇപ്പോഴും ഉയർന്ന് നിൽക്കുന്നുണ്ടെന്ന് പറഞ്ഞു. “ലോകകപ്പിൽ ഞങ്ങൾ ചെയ്തത് ഞങ്ങൾ തുടർന്നു എന്നതാണ് ഞങ്ങളുടെ തുടർച്ചയായ മിടുക്കിന്റെ രഹസ്യം. ഞങ്ങൾക്ക് ശക്തമായ പ്രതിരോധം, സംഘടിത ആക്രമണം, കഴിവുള്ള കളിക്കാർ, എപ്പോൾ വേണമെങ്കിലും ഞങ്ങൾക്ക് മാറ്റമുണ്ടാക്കാൻ കഴിയും, ”അദ്ദേഹം പറഞ്ഞു.

“ഫിഫ റാങ്കിംഗിൽ (അന്നത്തെ) ഒന്നാം നമ്പർ ആതിഥേയരായ ഞങ്ങൾക്ക് ബ്രസീൽ മത്സരം ഒരു ആഘോഷമായിരുന്നു. ആഫ്രിക്കൻ കപ്പ് ഓഫ് നേഷൻസ് കിരീടവുമായി മൊറോക്കോയിലേക്ക് മടങ്ങാൻ ഞങ്ങൾ ഇപ്പോൾ അതേ വേഗതയിൽ തുടരുകയും വേണം” അദ്ദേഹം കൂട്ടിച്ചേർത്തു.ഏറ്റവും പുതിയ ഫിഫ ലോക റാങ്കിംഗിൽ, അർജന്റീനയ്ക്കും ഫ്രാൻസിനും പിന്നിൽ ബ്രസീൽ മൂന്നാം സ്ഥാനത്തേക്ക് വീണു, മൊറോക്കോ 11-ാം സ്ഥാനത്താണ്.