ബ്രസീൽ ദേശീയ ടീമിനെ യുവാക്കൾ പിന്തുടരുന്ന രീതിയെ നെയ്മർ വിമർശിച്ചു, തന്റെ ടീം മാതൃരാജ്യത്തിലെ ആളുകളിൽ നിന്ന് അകന്നതായി അവകാശപ്പെട്ടു.ഇക്കാലത്ത് ആരാധകർ സെലെക്കാവോയെ പിന്തുടരുന്ന രീതിയിൽ സ്റ്റാർ വിംഗർ നിരാശ പ്രകടിപ്പിക്കുകയും ചെയ്തു. തന്റെ ഗെയിമുകളെ കുറിച്ച് വേണ്ടത്ര സംസാരിക്കപ്പെടുന്നില്ലെന്ന് തോന്നുന്നതായി പാരീസ് സെന്റ് ജെർമെയ്ൻ വിംഗർ ആശങ്ക അറിയിക്കുകയും ചെയ്തു.
CONMEBOL ലോകകപ്പ് യോഗ്യതാ റൗണ്ടിൽ ആദ്യ 15 മത്സരങ്ങളിൽ തോൽവി അറിയാതെയാണ് ബ്രസീൽ മുന്നേറിയത്.ഖത്തർ ലോകകപ്പിന് ലാറ്റിനമേരിക്കയിൽ നിന്നും ആദ്യം യോഗ്യത നേടിയ ബ്രസീൽ യോഗ്യത മത്സരങ്ങളിൽ ഒരെണ്ണം പോലും ഇതുവരെ തോൽക്കാതെയാണ് ഗ്രൂപ്പിൽ മുന്നിൽ നിൽക്കുന്നത്. എന്നാൽ കഴിഞ്ഞ വര്ഷം ബ്രസീലിൽ വെച്ചു നടന്ന കോപ്പ അമേരിക്ക ടൂർണമെന്റിൽ അർജന്റീന കിരീടം നേടിയത് ബ്രസീൽ ടീമിനെതിരെ വിമർശനങ്ങൾക്ക് ഇടയാക്കിയിരുന്നു.
“ഇക്കാലത്ത് സെലെക്കാവോ ആരാധകരിൽ നിന്ന് വളരെ അകന്നിരിക്കുകയാണ്,” നെയ്മർ ഫെനോമെനോസ് പോഡ്‌കാസ്റ്റിൽ പറഞ്ഞു.”ഇത് എങ്ങനെ സംഭവിച്ചുവെന്ന് എനിക്കറിയില്ല, പക്ഷേ ഇന്നത്തെ ഞങ്ങളുടെ ഗെയിമുകൾ വളരെ കുറച്ച് സംസാരിക്കപ്പെടുന്നു. ബ്രസീലിയൻ ദേശീയ ടീം കളിക്കുമ്പോൾ പ്രധാനയം കൊടുക്കാത്ത ഈ തലമുറയിൽ ജീവിക്കുന്നത് സങ്കടകരമാണ്” സൂപ്പർ താരം കൂട്ടിച്ചേർത്തു.
ബ്രസീൽ ദേശീയ ടീമുമായി നെയ്‌മറിന് വൈകാരികവും ചില സമയങ്ങളിൽ ശക്തമായ ബന്ധമുണ്ടായിരുന്നു, ബ്രസീൽ ജേഴ്സി ധരിക്കുന്നതിന്റെ സമ്മർദ്ദം തന്റെ മാനസികാരോഗ്യത്തെ പ്രതികൂലമായി ബാധിച്ചുവെന്ന് നെയ്മർ അഭിപ്രായപ്പെട്ടിരുന്നു. കഴിഞ്ഞ കോപ്പ അമേരിക്ക ഫൈനലിൽ തോറ്റതിന് ശേഷമുള്ള നെയ്മറുടെ വികാരങ്ങൾ ഇത് തെളിയിക്കുന്നു. ഇത് അർത്ഥമാക്കുന്നത് അദ്ദേഹത്തിന് കൂടുതൽ കാലം ദേശീയ ടീമിന്റെ ചുമതലകൾ കൈകാര്യം ചെയ്യാൻ കഴിയില്ല എന്നാണ്.
അതിനുസ് ശേഷം ഖത്തർ ലോകകപ്പ് ചിലപ്പോൾ തന്റെ അവസാനത്തെ ലോകകപ്പ് ആയിരിക്കുമെന്നും ഫുട്ബോളിൽ ശ്രദ്ധ കേന്ദ്രീകരിക്കാൻ തനിക്ക് കഴിയുമെന്ന് ഉറപ്പില്ലെന്നും താരം പറഞ്ഞിരുന്നു.കഴിഞ്ഞ കോപ്പ അമേരിക്ക ടൂർണമെന്റിൽ അർജന്റീനയും ബ്രസീലും തമ്മിലുള്ള ഫൈനൽ വന്നപ്പോൾ മെസിക്കും അർജന്റീനക്കും നിരവധി ബ്രസീൽ ആരാധകരും മാധ്യമപ്രവർത്തകരും പിന്തുണ പ്രഖ്യാപിച്ചതിനെതിരെ നെയ്മർ രംഗത്തു വന്നിരുന്നു.