പാരീസ് സെന്റ് ജെർമെയ്ൻ തങ്ങളുടെ അപരാജിത കുതിപ്പ് ലീഗ് 1 സീസണിൽ ഏഴ് ഗെയിമുകളിലേക്ക് നീട്ടി. ഇന്ന് പാർക്ക് ഡെസ് പ്രിൻസസ്സിൽ സ്റ്റേഡ് ബ്രെസ്റ്റോയിസിനെതിരെ 1-0 ത്തിന്റെ വിജയമാണ് പിഎസ്ജി നേടിയത്. നെയ്മറാണ് പിഎസ്ജി യിട്ട് വിജയ ഗോൾ നേടിയത്, മെസ്സിയുടെ അസ്സിസ്റ്റിൽ നിന്നായിരുന്നു ബ്രസീലിയൻ താരത്തിന്റെ ഗോൾ പിറന്നത്.
മെസ്സിയുടെ ഏഴാമത്തെ അസിസ്റ്റും നെയ്മറുടെ പത്താമത്തെ ഗോളുമായിരുന്നു ഇന്ന് നേടിയത്.മത്സരത്തിന്റെ പത്തൊമ്പതാം മിനിറ്റിൽ ബ്രെസ്റ്റിന്റെ ബോക്സിൽ നടന്ന കൂട്ടപൊരിച്ചിലിനൊടുവിൽ ലയണൽ മെസ്സിലേക്ക് പന്ത് എത്തുകയായിരുന്നു. ചെസ്റ്റിലൂടെ പന്ത് നിയന്ത്രണത്തിലാക്കിയ മെസ്സി ഒരു ഫസ്റ്റ് ടൈം ഷോട്ട് തൊടുക്കുകയായിരുന്നു. എന്നാൽ ഇത് ഗോളായി മാറിയില്ല.ഈ ഷോട്ടിനെ ഗോളിൽ നിന്നും തടഞ്ഞത് പിഎസ്ജി സൂപ്പർ താരമായ എംബപ്പേയായിരുന്നു. അബദ്ധവശാൽ എംബപ്പേയുടെ കാലിൽ തട്ടിക്കൊണ്ട് പന്ത് പുറത്തേക്ക് പോവുകയായിരുന്നു.
എംബപ്പേയുടെ കാലിൽ തട്ടില്ലായിരുന്നുവെങ്കിൽ അത് ഉറപ്പായ ഒരു ഗോളായിരുന്നു. മത്സരത്തിന്റെ 30ആം മിനുട്ടിൽ ആയിരുന്നു ഗോൾ. മൈതാന മധ്യത്തിന്റെ കുറച്ച് മുന്നിൽനിന്നും പ്രതിരോധ നിരക്കാരുടെ തലക്കു മുകളിലൂടെ ലയണൽ മെസ്സി പന്ത് നെയ്മറിലേക്ക് കൃത്യമായി എത്തിക്കുകയായിരുന്നു നെയ്മറാവട്ടെ ഉടൻതന്നെ അത് ഫിനിഷ് ചെയ്യുകയും ചെയ്തു. മെസ്സിയുടെ വിഷൻ എത്രത്തോളം ഉണ്ട് എന്ന് വിളിച്ചോതുന്ന ഒരു അസിസ്റ്റായിരുന്നു ഇത്.ഈ സീസണിലെ ഏഴാമത്തെ അസിസ്റ്റാണ് ഇപ്പോൾ മെസ്സി നേടിയിട്ടുള്ളത്.
LIONEL MESSI'S INCREDIBLE ASSIST TO NEYMAR FOR THE PSG GOAL! pic.twitter.com/wYiJoiNVEN
— Roy Nemer (@RoyNemer) September 10, 2022
അതേസമയം നെയ്മറാവട്ടെ ഈ സീസണിലെ പത്താമത്തെ ഗോളും പൂർത്തിയാക്കി കഴിഞ്ഞു. ഏഴ് അസിസ്റ്റും നെയ്മറിന് ഈ സീസണിൽ സ്വന്തം പേരിൽ ഉണ്ട്. മത്സരത്തിന്റെ രണ്ടാം പകുതിയിൽ ഒരു പെനാൾട്ടിയിലൂടെ ഗോൾ മടക്കാൻ ബ്രെസ്റ്റിന് അവസരം വന്നു. എന്നാൽ പെനാൾട്ടി കിക്ക് എടുത്ത് സ്ലിമാനിക്ക് പിഴച്ചു. ഡൊണ്ണരുമ്മ മികച്ച സേവിലൂടെ പി എസ് ജിയുടെ ലീഡ് നിലനിർത്തി. 7 മത്സരങ്ങളിൽ നിന്നും 19 പോയിന്റുമായി പിഎസ്ജി തന്നെയാണ് ലീഗിൽ ഒന്നാം സ്ഥാനത്ത് നിൽക്കുന്നത്.