നെയ്മറുടെ പരിക്കും ബ്രസീലിന്റെ ലോകകപ്പ് പ്രതീക്ഷകളും ? |Qatar 2022 |Neymar

അഞ്ച് പ്രധാന യൂറോപ്യൻ ലീഗുകളിൽ സീസണിലുടനീളം ഏറ്റവും കൂടുതൽ ഫൗളുകൾ ഏറ്റുവാങ്ങിയ കളിക്കാരനായാണ് സൂപ്പർ താരം നെയ്മർ ഖത്തർ വേൾഡ് കപ്പിനെത്തിയത് .എതിരാളികൾ ഇപ്പോഴും നീക്കങ്ങൾ തടസ്സപ്പെടുത്താൻ നെയ്മർക്കെതിരെ കടുത്ത ടാക്കിളുകൾ ചെയ്യാറുണ്ട്.നെയ്മർ ഏറ്റവും കൂടുതൽ എതിരാളികളെ നേരിടുകയും ഡ്രിബിൾ ചെയ്യാൻ ശ്രമിക്കുകയും ചെയ്യുന്ന കളിക്കാരനാണ്. ഇതും നെയ്‌മർക്കെതിരെയുള്ള ഫൗളുകൾ കൂടാനുള്ള കാരണമാണ്.

2022-2023 സീസണിൽ നെയ്മർ ഇതുവരെ 66 ഫൗളുകൾക്ക് ഇരയായിട്ടുണ്ട്.റഷ്യ 2018-ൽ ഏറ്റവും കൂടുതൽ ഫൗളുകൾ ഏറ്റുവാങ്ങി.അഞ്ച് ഗെയിമുകളിൽ നിന്ന് 26 എണ്ണം.2016 മുതൽ ആയിരത്തിലധികം തവണയാണ് നെയ്മർ ഫൗളുകൾക്ക് ഇരയായിട്ടുളളത്. പലപ്പോഴും കളിക്കളത്തിൽ എതിരാളികളെ പരിഹസിക്കുന്ന രീതിയിലുള്ള സ്കില്ലുകൾ പുറത്തെടുക്കുന്നതും ഫൗളുകൾക്ക് കാരണമാവാറുണ്ട്.എന്തുകൊണ്ട് എപ്പോഴും നെയ്മറെ എതിരാളികൾ വേട്ടയാടുന്നന്നത്. എന്നത് ആരാധകർക്ക് ഇപ്പോഴും ഉത്തരം കിട്ടാതെ ചോദ്യമാണ്.നെയ്മറുടെ കളി ശൈലിയെയും, സ്വഭാവത്തെയും കുറ്റപ്പെടുത്തുന്നവര്‍ ധാരാളമുണ്ട്. ഫൗളുകള്‍ അദ്ദേഹം ചോദിച്ച് വാങ്ങുന്നു എന്നൊക്കെ പറഞ്ഞ് പരിഹസിക്കുന്നവരുമുണ്ട്,

ലോക ഫുട്ബോളിൽ റൊണാൾഡോക്കും മെസ്സിക്കും ശേഷം ആര് എന്ന ചോദ്യത്തിനുള്ള ഉത്തരമായിരുന്നു നെയ്മർ. തന്റെ കരിയറിന്റെ തുടക്ക കാലത്തിൽ അതിനുള്ള എല്ലാ യോഗ്യതയും തനിക്കുണ്ടെന്ന് ബ്രസീലിയൻ താരം ചെയ്തു.എന്നാൽ കാലക്രമേണ നെയ്മറുടെ കരിയറിൽ വലിയ ഏറ്റകുറിച്ചിലുകൾ സംഭവിക്കുകയും ചെയ്തു.കരിയറിൽ നിരന്തരമായി വന്ന പരിക്കുകൾ 30 കാരന്റെ താളം തെറ്റിക്കുകയും ചെയ്തു. കഴിഞ്ഞ അഞ്ചു വര്ഷത്തെ കണക്കെടുക്കുകയാണെങ്കിൽ നെയ്മർ കളിച്ച മത്സരങ്ങളെക്കാൾ കൂടുതൽ പരിക്ക് മൂലം നഷ്ടപെട്ടിരിക്കാനുള്ള സാധ്യതയുണ്ട്.

കഴിഞ്ഞ ദിവസം ലോകകപ്പിൽ സെര്‍ബിയയ്‌ക്കെതിരായ മല്‍സരത്തില്‍ പരിക്ക് മൂലം കളിയുടെ 80 ആം മിനുട്ടില്‍ നെയ്മര്‍ കളം വിട്ടിരുന്നു. ഇതോടെ ഗ്രൂപ്പിലെ ശേഷിക്കുന്ന മത്സരങ്ങൾ സൂപ്പർ താരത്തിന് നഷ്ടമാവുകയും ചെയ്യും.ഈ ലോകകപ്പിലെ ആദ്യ റൗണ്ട് മത്സരങ്ങള്‍ കഴിഞ്ഞപ്പോള്‍ ഏറ്റവും അധികം ഫൗളുകള്‍ നേരിടേണ്ടി വന്ന താരമാണ് നെയ്മർ.കളിയിൽ ഒമ്പത് തവണ ഫൗൾ ചെയ്യപ്പെടുകയും നിരവധി ഓഫ്-ദ-ബോൾ ഷോവുകൾ സ്വീകരിക്കുകയും ചെയ്തു.മത്സരത്തിനിടെ നെയ്മർ നേരത്തെ തന്നെ പലതവണ ടാക്കിൾ ചെയ്യപ്പെട്ടിരുന്നു, മറ്റ് ചില അവസരങ്ങളിൽ മുഖം ചുളിക്കുകയും മുടന്തുകയും ചെയ്തു.

ബ്രസീലിന്റെ ലോകകപ്പ് പ്രതീക്ഷകൾ മുഴുവൻ നെയ്മറിലാണ്.നെയ്മറുടെ പരിക്ക് അവരുടെ കളിയെ വലിയ രീതിയിൽ ബാധിക്കുമെന്നുറപ്പാണ്.കഴിഞ്ഞ രണ്ടു ലോകകപ്പുകളിൽ വലിയ പ്രതീക്ഷയുമായാണ് നെയ്മറും ബ്രസീലും എത്തിയത് എന്നാൽ നിരാശാജനകമായ പ്രകടനത്തോടെയാണ് പുറത്ത് പോയത്.പ്രതീക്ഷയുടെയും നിരാശയുടെയും വിവാദങ്ങളുടെയും വേദനയുടെയും കഥക് ആ രണ്ടു വേൾഡ് കപ്പിൽ ഉണ്ടായിരുന്നു.2010-ൽ ദക്ഷിണാഫ്രിക്കയിൽ നടന്ന ടൂർണമെന്റിനായി കോച്ച് ദുംഗ അദ്ദേഹത്തെ അന്തിമ ടീമിൽ നിന്ന് ഒഴിവാക്കി. സാന്റോസിനായി മിന്നുന്ന പ്രകടനം പുറത്തടുത്ത 18-കാരനായ ഫോർവേഡ് വലിയ വേദിക്ക് തയ്യാറാണെന്ന് അദ്ദേഹം വിശ്വസിച്ചില്ല.നാല് വർഷത്തിന് ശേഷം ബാഴ്‌സലോണയിൽ ലയണൽ മെസ്സിക്കൊപ്പം കളിക്കുകയും ലോകകപ്പിന്റെ ആതിഥേയ രാജ്യത്തിന്റെ കുന്തമുനയുമായായ അദ്ദേഹം ഒരു അന്താരാഷ്ട്ര സൂപ്പർസ്റ്റാറായിരുന്നു.

കൊളംബിയയ്‌ക്കെതിരായ ബ്രസീലിന്റെ ക്വാർട്ടർ ഫൈനൽ വിജയത്തിൽ പരിക്കേറ്റ് പുറത്ത് പോവുകയും ചെയ്തു.ജർമ്മനിയുടെ കൈകളിൽ സ്വന്തം മണ്ണിൽ 7-1 സെമി-ഫൈനൽ തോൽവി നോക്കി കാണേണ്ടി വന്നു.റഷ്യ 2018 ൽ പരിക്കുകൾ വീണ്ടും ഒരു ലോകകപ്പ് നേടാനുള്ള അദ്ദേഹത്തിന്റെ സ്വപ്നത്തെ തടസ്സപ്പെടുത്തി. 2018 ന്റെ തുടക്കത്തിൽ നെയ്മറിന് വലത് കണങ്കാലിന് ഉളുക്ക് സംഭവിച്ചു. ടൂർണമെന്റിനിടയിൽ അദ്ദേഹം ഒരിക്കലും 100% ആയിരുന്നില്ല, വേദനയോടെ കളിച്ചു, ബ്രസീൽ ക്വാർട്ടർ ഫൈനലിൽ ബെൽജിയത്തോട് പുറത്തായപ്പോൾ അദ്ദേഹത്തിന്റെ മികച്ചതിൽ നിന്ന് വളരെ അകലെയായിരുന്നു.

തന്റെ കരിയറിൽ ഉടനീളം നെയ്മറിന് തന്റെ തലമുറയിലെ ബ്രസീലിയൻ സൂപ്പർസ്റ്റാർ എന്ന ഭാരം വഹിക്കേണ്ടിവന്നു. കഴിഞ്ഞ രണ്ടു വേൾഡ് കപ്പുകളിലും ബ്രസീൽ ടീമിന്റെ മുഴുവൻ ഭാരവും 30 കാരന്റെ ചുമലിലാണ്.വിനീഷ്യസ് ജൂനിയർ, റോഡ്രിഗോ, റാഫിൻഹ, ബ്രൂണോ ഗുയിമാരേസ് തുടങ്ങിയ യുവ ബ്രസീലിയൻ കളിക്കാരുടെ ഉയർച്ച നെയ്മറിന്റെ ഭാരം കുറച്ചിട്ടുണ്ട്.രണ്ട് പതിറ്റാണ്ടിനിടെ ആദ്യമായി ലോകകപ്പ് നേടുന്നതിന് ബ്രസീലിനെ സഹായിച്ചുകൊണ്ട് മഹത്വവും വീണ്ടെടുപ്പും നേടാനുള്ള മികച്ച അവസരമാണ് ഖത്തറിലേത്.