മറ്റൊരു മനോഹര പ്രകടനം കൂടി ലയണൽ മെസ്സിയിൽ നിന്ന് കഴിഞ്ഞ ദിവസം കാണാൻ ആരാധകർക്ക് ഭാഗ്യം ലഭിച്ചു കഴിഞ്ഞു.അജാക്സിയോക്കെതിരെയുള്ള മത്സരത്തിൽ എതിരില്ലാത്ത മൂന്ന് ഗോളുകൾക്കായിരുന്നു പിഎസ്ജി വിജയിച്ചിരുന്നത്. ആ മൂന്ന് ഗോളുകളിലും മെസ്സിയുടെ സ്പർശനമുണ്ടായിരുന്നു.ഒരു ഗോളും രണ്ട് അസിസ്റ്റുമായിരുന്നു മെസ്സി നേടിയിരിക്കുന്നത്.
ഈ സീസണിൽ അത്ഭുതപ്പെടുത്തുന്ന പ്രകടനം ഇപ്പോഴും മെസ്സി തുടരുകയാണ്.35ആം വയസ്സിലും തന്റെ പ്രതിഭയ്ക്ക് ഒരു പ്രശ്നവും തട്ടിയിട്ടില്ല എന്നുള്ളത് മെസ്സി പുഷ്പം പോലെ തെളിയിക്കുന്നു.ഈ സീസണിൽ ക്ലബ്ബിനും രാജ്യത്തിനും വേണ്ടി ആകെ 23 ഗോളുകളിൽ കോൺട്രിബ്യൂട്ട് ചെയ്യാൻ മെസ്സിക്ക് സാധിച്ചു. 13 ഗോളുകളും 10 അസിസ്റ്റുകളുമാണ് അർജന്റീനക്കും പിഎസ്ജിക്കും വേണ്ടി ഈ സീസണിൽ മെസ്സി നേടിയിട്ടുള്ളത്.
മത്സരശേഷം പതിവുപോലെ പിഎസ്ജിയുടെ പരിശീലകനായ ക്രിസ്റ്റോഫ് ഗാൾട്ടിയർ മെസ്സിയെക്കുറിച്ച് സംസാരിക്കുകയും അദ്ദേഹത്തെ പ്രശംസിക്കുകയും ചെയ്തിട്ടുണ്ട്.ലയണൽ മെസ്സിയുടെ പ്രകടനം കാണാൻ വേണ്ടിയാണ് പല ആരാധകരും സ്റ്റേഡിയത്തിലേക്ക് വരുന്നത് എന്നാണ് ഗാൾട്ടിയർ ഇപ്പോൾ പറഞ്ഞിട്ടുള്ളത്.
‘ ലയണൽ മെസ്സിയെ കാണാൻ വേണ്ടിയാണ് ആരാധകർ സ്റ്റേഡിയത്തിലേക്ക് വരുന്നത്.തീർച്ചയായും അവർ നെയ്മറെയും എംബപ്പേയെയും പിഎസ്ജിയെയും കാണാൻ ആഗ്രഹിക്കുന്നത് എന്നുള്ളത് ശരി തന്നെ.പക്ഷേ പ്രഥമ പരിഗണന അവർ മെസ്സിക്ക് നൽകുന്നു.ലയണൽ മെസ്സിയാണ് ഫുട്ബോൾ ചരിത്രത്തിലെ ഏറ്റവും മികച്ച താരം എന്നുള്ളത് എല്ലാവരും അംഗീകരിക്കുമെന്നാണ് ഞാൻ കരുതുന്നത് ‘ ഗാൾട്ടിയർ പറഞ്ഞു.
Galtier: “People came to the stadium to see Leo. Of course they also want see PSG, Kylian, and Ney but I think everyone agrees that he [Messi] is the best player in football history.” pic.twitter.com/ikEXiFuDfz
— R (@Lionel30i) October 21, 2022
ലയണൽ മെസ്സി ഫുട്ബോൾ ചരിത്രത്തിലെ എക്കാലത്തെ മികച്ച താരമാണ് എന്നുള്ളത് ഒട്ടുമിക്ക ആളുകളും സമ്മതിച്ചു കഴിഞ്ഞു. മെസ്സിയുടെ പരിശീലകരും സഹതാരങ്ങളുമൊക്കെ ഒട്ടേറെ തവണ ഇക്കാര്യം എടുത്തു പറഞ്ഞതാണ്. ഓരോ മത്സരം കഴിയുംതോറും മെസ്സി അത് തെളിയിച്ചു കൊണ്ടേയിരിക്കുകയാണ്.