കഴിഞ്ഞ ദിവസം നടന്ന യൂറോ 2024 യോഗ്യത മത്സരത്തിൽ ലിച്ചെൻസ്റ്റീനെതിരെ നാല് ഗോളിന്റെ വിജയം പോർച്ചുഗൽ നേടിയിരുന്നു. സൂപ്പർ താരം ക്രിസ്റ്റ്യാനോ റൊണാൾഡോ രണ്ടു ഗോളുമായി മിന്നുന്ന പ്രകടനം പുറത്തെടുക്കുകയും ചെയ്തു. പുതിയ പരിശീലകന് കീഴിൽ നേടിയ ഈ വിജയം പോർച്ചുഗലിന് വലിയ പ്രതീക്ഷകളാണ് നൽകുന്നത്.
പോർച്ചുഗൽ ടീമിലെ ക്രിസ്റ്റ്യാനോ റൊണാൾഡോയുടെ സ്വാധീനത്തെ പോർച്ചുഗൽ മാനേജർ റോബർട്ടോ മാർട്ടിനെസ് പ്രശംസിച്ചു.പോർച്ചുഗലിനായി തന്റെ 197-ാം മത്സരത്തിനിറങ്ങിയ റൊണാൾഡോ പുതിയ ചരിത്രം സൃഷിടിക്കുകയും ചെയ്തു.ലോകകപ്പിന് ശേഷം ഫെർണാണ്ടോ സാന്റോസ് പുറത്തായതിന് ശേഷം പോർച്ചുഗലിന്റെ പരിശീലകനായി നിയമിതനായ മാർട്ടിനെസ് 38 കാരനായ റൊണാൾഡോയെ വേഗത്തിൽ ലൈനപ്പിലേക്ക് തിരികെ കൊണ്ടുവന്നു.കളിക്കാർ പ്രതിബദ്ധത കാണിക്കേണ്ടത് പ്രധാനമാണെന്നും റൊണാൾഡോ അത് കാണിക്കുന്നുവെന്നും മാനേജർ പറഞ്ഞു.
“ഇതൊരു പുതിയ സൈക്കിളാണ്. ഒരു കളിക്കാരൻ പ്രതിബദ്ധത കാണിക്കേണ്ടത് പ്രധാനമാണ്, അവന്റെ അനുഭവം നമുക്ക് ഉപയോഗിക്കാൻ കഴിയും, ക്രിസ്റ്റ്യാനോ അത് കാണിക്കുന്നു,” മാർട്ടിനെസ് പറഞ്ഞു.ചെറിയ ടീമുകൾ ചിലപ്പോൾ കൗശലക്കാരായി മാറിയേക്കാമെന്നതിനാൽ കാമ്പെയ്‌ൻ ആരംഭിക്കാനുള്ള നല്ല മാർഗമാണിതെന്ന് മാർട്ടിനെസ് പറഞ്ഞു.“ഇത് വളരെ പോസിറ്റീവ് ആയിരുന്നു,” മാർട്ടിനെസ് പോർച്ചുഗീസ് ടെലിവിഷനോട് പറഞ്ഞു.
🎙ROBERTO MARTINEZ: Ronaldo?
— TCR. (@TeamCRonaldo) March 23, 2023
"It's a new cycle. It's important for a player to show commitment and that we can use his experience, and Cristiano shows that." pic.twitter.com/eJCbLjBlEN
തുടക്കത്തിൽ ജോവോ കാൻസെലോയിലൂടെ പോർച്ചുഗൽ ലീഡ് നേടിയെങ്കിലും കൂടുതൽ ഗോളുകൾ കൂട്ടിച്ചേർക്കാൻ രണ്ടാം പകുതി വരെ കാത്തിരിക്കേണ്ടി വന്നു. ഈ കളികളിൽ ടീം വളരേണ്ടതുണ്ടെന്നും മാർട്ടിനെസ് പറഞ്ഞു.ആദ്യപകുതി നന്നായി തുടങ്ങിയെങ്കിലും പിന്നീട് നിരാശരായി, മാർട്ടിനെസ് പറഞ്ഞു. “ഞങ്ങൾ ഈ ഗെയിമുകളിൽ വളരേണ്ടതുണ്ട്. രണ്ടാം പകുതിയിലെ പ്രകടനം വളരെ മികച്ചതായിരുന്നു.