അൽ ഹിലാലിന്റെ വമ്പൻ ഓഫർ പിഎസ്ജി സ്വീകരിച്ചു, എംബാപ്പേ ട്രാൻസ്ഫറിൽ പുതിയ ട്വിസ്റ്റുകൾ അരങ്ങേറുന്നു

യൂറോപ്പ്യൻ ഫുട്ബോളിലെ സൂപ്പർതാരമായ കിലിയൻ എംബാപ്പേയുടെ ട്രാൻസ്ഫർ വാർത്തകളാണ് ഇപ്പോൾ ഫുട്ബോൾ ലോകത്ത് സജീവമായി ചർച്ച ചെയ്യപ്പെട്ടുകൊണ്ടിരിക്കുന്നത്, 2024 ൽ ഫ്രഞ്ച് ക്ലബ്ബായ പി എസ് ജിയുമായി കരാർ അവസാനിക്കുന്ന ഫ്രഞ്ച് താരത്തിനെ ഇപ്പോഴത്തെ ട്രാൻസ്ഫർ വിൻഡോയിലൂടെ വിറ്റ് നല്ലൊരു ട്രാൻസ്ഫർ തുക ലാഭിക്കാം എന്ന ലക്ഷ്യത്തോടെ പി എസ് ജി ട്രാൻസ്ഫർ മാർക്കറ്റിൽ നിന്നും ഓഫറുകൾ അന്വേഷിക്കുകയാണ്.

സ്പാനിഷ് ക്ലബ്ബായ റയൽ മാഡ്രിഡുമായി കിലിയൻ എംബാപ്പെ വാക്കാലുള്ള കരാറിൽ എത്തിയെന്ന് റിപ്പോർട്ടുകൾ പുറത്തുവരുന്നുണ്ടെങ്കിലും സൂപ്പർതാരത്തിന് നല്ലൊരു ട്രാൻസ്ഫർ തുക വാങ്ങി വിൽക്കാനാണ് പി എസ് ജി യുടെ ഉദ്ദേശം, പി എസ് ജി യുടെ കിലിയൻ എംബാപ്പേ നയത്തോട് റയൽ മാഡ്രിഡ്‌ എങ്ങനെ പ്രതികരിക്കുമെന്ന് അറിയാൻ വേണ്ടി കാത്തിരിക്കുകയാണ് ഫുട്ബോൾ ലോകം.

ഇതിനിടെയാണ് കിലിയൻ എംബാപെയെ സ്വന്തമാക്കാൻ താല്പര്യം പ്രകടിപ്പിച്ചുകൊണ്ട് നിരവധി വമ്പൻ ക്ലബ്ബുകൾ രംഗത്തെത്തുന്നത്, സൗദി അറേബ്യൻ ക്ലബ്ബായ അൽ ഹിലാൽ ലോക ഫുട്ബോളിന്റെ ചരിത്രത്തിലെ തന്നെ റെക്കോർഡ് ട്രാൻസ്ഫർ തുകയും സാലറിയുമാണ് പി എസ് ജിക്ക് മുന്നിൽ ഓഫർ ചെയ്യുന്നത്. ഈയൊരു ഡീൽ നടക്കുകയാണെങ്കിൽ ഫുട്ബോളിന്റെ ചരിത്രത്തിലെ തന്നെ റെക്കോർഡ് ട്രാൻസ്ഫറായി മാറും.

എംബാപ്പേയെ സ്വന്തമാക്കാൻ ട്രാൻസ്ഫർ തുകയായി 300 മില്യൻ യൂറോ ആണ് അൽ ഹിലാൽ ഓഫർ ചെയ്യുന്നത്, മാത്രമല്ല കിലിയൻ എംബാപെക്ക് വേണ്ടിയും സീസണിൽ 200 മില്യൻ യൂറോ സാലറി ഉൾപ്പടെ 700 മില്യൻ യൂറോ വില വരുന്ന ഓഫറുകളാണ് അൽഹിലാൽ എംബാപ്പക്ക് മുന്നിലായി സമർപ്പിക്കുന്നത്. എന്നാൽ സൂപ്പർ താരം ഇതുവരെ ഇതിനോട് പ്രതികരിച്ചിട്ടില്ല.

ഇറ്റാലിയൻ മാധ്യമമായ സ്കൈ സ്പോർട്സിന്റെ റിപ്പോർട്ടുകൾ പ്രകാരം സൗദി അറേബ്യൻ ക്ലബ്ബായ അൽ ഹിലാൽ നൽകിയ വമ്പൻ ഓഫർ പി എസ് ജി സ്വീകരിച്ചിട്ടുണ്ട് എന്നാണ് അറിയാൻ കഴിയുന്നത്, എന്നാൽ കിലിയൻ എംബാപ്പെ ഇതുവരെ പ്രതികരണം നടത്തിയിട്ടില്ല. അൽ ഹിലാലിന്റെ വമ്പൻ ഓഫർ പി എസ് ജി സ്വീകരിച്ചതോടെ ഇനി എംബാപ്പെ ട്രാൻസ്ഫറിൽ എന്തെല്ലാമാണ് നടക്കാൻ പോകുന്നതെന്ന് വരും ദിവസങ്ങളിൽ നമുക്ക് കണ്ടറിയാം.