അർജന്റീന സൂപ്പർ താരം ലയണൽ മെസ്സി രണ്ടു വർഷത്തെ കരാറിലാണ് ബാഴ്‌സലോണയിൽ നിന്നും ഫ്രഞ്ച് ക്ലബ് പിഎസ്ജിയിലെത്തിയത്. ഈ സീസണോട് കോൺട്രാക്ട് ഈ സീസണോടുകൂടി അവസാനിക്കും. ഈ കരാർ ഒരു വർഷത്തേക്ക് കൂടി നീട്ടാനുള്ള ഓപ്ഷൻ ലഭ്യമാണ്. എന്നാൽ ഈ സീസണിനു ശേഷം മെസ്സി ഫ്രീ ഏജന്റാവും.
മാത്രമല്ല ജനുവരി ഒന്നാം തീയതി മുതൽ മറ്റേത് ക്ലബ്ബുമായും ചർച്ചകൾ നടത്താനും കോൺട്രാക്ടിൽ ഏർപ്പെടാനും മെസ്സിക്ക് അനുമതിയുണ്ട്. പുറത്ത് വരുന്ന പുതിയ റിപോർട്ടുകൾ പ്രകാരം പിഎസ്ജി മെസ്സിയുമായുള്ള കരാർ പുതുക്കാനുള്ള ചർച്ചകൾ ആരംഭിക്കുകയാണ്.പി‌എസ്‌ജിയുമായുള്ള കരാർ അവസാനിച്ചതിനെത്തുടർന്ന് മുൻ ക്ലബായ ബാഴ്‌സലോണയിലേക്ക് മെസ്സി മടങ്ങിയെത്തുമെന്ന അഭ്യൂഹങ്ങളുമായി ബന്ധപ്പെട്ട റിപ്പോർട്ടുകൾ പുറത്തുവന്നതിന് പിന്നാലെയാണിത്.പിഎസ്ജി ഇപ്പോൾ മെസ്സിയുടെ കരാർ സാഹചര്യം ഒരു അടിയന്തിര കാര്യമായി കാണുകയും 35 കാരനുമായി ചർച്ചകൾ ആരംഭിക്കാനും ഒരുങ്ങുകയാണ്.
L’Équipe പറയുന്നതനുസരിച്ച് ഡിസംബറിൽ അവസാനിക്കുന്ന 2022 ഫിഫ ലോകകപ്പിന്റെ സമാപനം വരെ PSG-യുമായുള്ള കരാർ നീട്ടാൻ മെസ്സി തയ്യാറല്ല. മെസ്സിയുടെ കരാറിൽ ഇത് ഒരു വർഷത്തേക്ക് കൂടി നീട്ടാനുള്ള ഓപ്ഷനുണ്ട്, എന്നാൽ അർജന്റീന ഫോർവേഡ് ലോകകപ്പ് അവസാനിക്കുന്നതുവരെ കാത്തിരിക്കാൻ ആഗ്രഹിക്കുന്നു. എന്നാൽ ഈ കാര്യത്തിൽ മെസ്സിയുടെ ഇപ്പോഴത്തെ നിലപാട് എന്താണ് എന്നുള്ളത് പ്രശസ്ത ഫുട്ബോൾ ജേണലിസ്റ്റായ ഫാബ്രിസിയോ റൊമാനോ റിപ്പോർട്ട്‌ ചെയ്തിട്ടുണ്ട്.
അതായത് ഉടൻതന്നെ തന്റെ ഭാവിയുടെ കാര്യത്തിൽ മെസ്സി ഒരു തീരുമാനം എടുത്തില്ല. ഇപ്പോൾ മെസ്സിയുടെ മുഴുവൻ ശ്രദ്ധയും പിഎസ്ജിയിലാണ്.അതിന് ശേഷം ഖത്തർ വേൾഡ് കപ്പിൽ ശ്രദ്ധ കേന്ദ്രീകരിക്കും.ലോകകപ്പ് വരെ മെസ്സിയുടെ പ്രകടന നിലവാരം അതേപടി തുടരുകയാണെങ്കിൽ രണ്ട് വർഷത്തെ കരാർ നീട്ടാൻ പിഎസ്ജി തയ്യാറാണ്.2022-23 സീസണിൽ യുവേഫ ചാമ്പ്യൻസ് ലീഗിലും ട്രോഫി ഡെസ് ചാമ്പ്യൻസിലും ഓരോ മത്സരങ്ങൾ ഉൾപ്പെടെ 2022-23 സീസണിൽ മെസ്സി പിഎസ്ജിക്കായി ആകെ ഒമ്പത് മത്സരങ്ങൾ കളിച്ചിട്ടുണ്ട്. ലീഗ് 1ൽ കളിച്ച ഏഴ് മത്സരങ്ങളിൽ നിന്ന് മൂന്ന് ഗോളുകളും ഏഴ് അസിസ്റ്റുകളും മെസ്സി നേടിയിട്ടുണ്ട്. ട്രോഫി ഡെസ് ചാമ്പ്യൻസിൽ മെസ്സി ഒരു ഗോൾ നേടിയെങ്കിലും ചാമ്പ്യൻസ് ലീഗിൽ ഇതുവരെ ഗോൾ കണ്ടെത്താനായിട്ടില്ല.
Leo Messi will not make any decision on his future in the next weeks or months. Focused on Paris Saint-Germain and then World Cup, nothing will be decided or planned before the World Cup. ⭐️🇦🇷 #PSG
— Fabrizio Romano (@FabrizioRomano) September 13, 2022
Despite PSG new deal plans and Barça interest, Leo will not proceed before 2023. pic.twitter.com/jS4OtCRWWt
യുവന്റസിനെതിരെയുള്ള മത്സരത്തോടെ യൂറോപ്പിലെ എലൈറ്റ് ക്ലബ് മത്സരത്തിന്റെ 19 പതിപ്പുകളിൽ കളിക്കുന്ന നാലാമത്തെ കളിക്കാരനായി മെസ്സി അടുത്തിടെ ക്രിസ്റ്റ്യാനോ റൊണാൾഡോയുടെ അവിശ്വസനീയമായ യുവേഫ ചാമ്പ്യൻസ് ലീഗ് റെക്കോർഡിന് ഒപ്പമെത്തി.2004-05 സീസണിൽ ഷാക്തർ ഡൊണെറ്റ്‌സ്‌കിനെതിരെ ചാമ്പ്യൻസ് ലീഗ് അരങ്ങേറ്റം കുറിച്ച മെസ്സി അതിനുശേഷം ചാമ്പ്യൻസ് ലീഗ് കളിക്കാതിരുന്നിട്ടില്ല.