ലാലിഗയിൽ തുടർച്ചയായ മൂന്നാം മത്സരത്തിലും തകർപ്പൻ ജയവുമായി റയൽ മാഡ്രിഡ്. ഇന്നലെ നടന്ന മത്സരത്തിൽ സെൽറ്റ വിഗോയെ ഒരു ഗോളിനാണ് മുൻ ചാമ്പ്യന്മാർ പരാജയപ്പെടുത്തിയത്.പുതിയ സൈനിംഗ് ജൂഡ് ബെല്ലിംഗ്ഹാം രണ്ടാം പകുതിയിൽ നേടിയ ഗോളിനായിരുന്നു റയലിന്റെ ജയം.
17 ആം മിനുട്ടിൽ സൂപ്പർ താരം വിനീഷ്യസ് ജൂനിയർ പരിക്ക് മൂലം കളം വിട്ടത് റയൽ മാഡ്രിഡിന് വലിയ തിരിച്ചടിയായി. 68-ാം മിനിറ്റിൽ കീപ്പർ ഇവാൻ വില്ലാർ ബോക്‌സിൽ വീഴ്ത്തിയതിന് ലഭിച്ച പെനാൽറ്റിയിലൂടെ റയൽ ലീഡ് നേടാനുള്ള സുവർണാവസരം റോഡ്രിഗോയ്‌ക്ക് ലഭിച്ചു. എന്നിരുന്നാലും, ബ്രസീലിയൻ മുന്നേറ്റത്തിന്റെ സ്‌പോട്ട് കിക്ക് വില്ലാർ തന്റെ വലതുവശത്തേക്ക് ഡൈവ് ചെയ്‌ത് തടുത്തിട്ടു.
81 ആം മിനുട്ടിൽ ഒരു കോർണറിൽ നിന്നും ഹെഡ്ഡറിലൂടെ ഇംഗ്ലണ്ട് മിഡ്ഫീൽഡർ ബെല്ലിംഗ്ഹാം റയലിന് ലീഡ് നേടിക്കൊടുത്തു.റയലിനായുള്ള ജൂഡിന്റെ നാലാം ഗോളാണിത്. മൂന്ന് മത്സരങ്ങളിൽ നിന്നായി 4 ഗോൾ നേടിയ ജൂഡ് ഒരു അസ്സിസ്റ്റും തന്റെ പേരിലാക്കിയിട്ടുണ്ട്.ഇന്നത്തെ ഗോളോട് കൂടി ലാലിഗായിലെ ആദ്യ 3 മത്സരങ്ങളിലും ഗോൾ നേടുന്ന രണ്ടാമത്തെ റയൽ താരമായി ജൂഡ് മാറി. നേരത്തേ ക്രിസ്റ്റ്യാനോ റൊണാൾഡോയ്ക്കായിരുന്നു ഈ റെക്കോർഡ്ൻ ഇരുവരും തങ്ങളുടെ ആദ്യ 3 ലാലിഗ മത്സരങ്ങളിൽ നിന്നായി 4 ഗോളുകളാണ് നേടിയത്.
പ്രീമിയർ ലീഗ് ന്യൂ ബോയ്‌സ് ലൂട്ടൺ ടൗണിനെതിരെ 3-0 ത്തിന്റെ തകർപ്പൻ ജയവുമായി ചെൽസി.റഹീം സ്റ്റെർലിംഗ് (17′, 68′) നിക്കോളാസ് ജാക്‌സൺ (75′) എന്നിവരാണ് ചെൽസിക്ക് വേണ്ടി ഗോളുകൾ നേടിയത്.17-ാം മിനിറ്റിൽ വിംഗ് ബാക്ക് മാലോ ഗസ്റ്റോയിൽ നിന്ന് പന്ത് സ്വീകരിച്ച സ്റ്റെർലിംഗ് ചെൽസിയുടെ ആദ്യ ഗോൾ നേടി. 69 ആം മിനുട്ടിൽ ഗുസ്തോയുടെ പാസ്സിൽ സ്റ്റെർലിംഗ് വീണ്ടും വലകുലുക്കി.
75 ആം മിനുട്ടിൽ നിക്കോളാസ് ജാക്സണും ചെൽസി വല കുലുക്കി. ലിവർപൂളിനെതിരായ ആദ്യ ദിനം 1-1 സമനിലയിലും കഴിഞ്ഞ ഞായറാഴ്ച വെസ്റ്റ് ഹാം യുണൈറ്റഡിൽ 3-1 ന് തോറ്റതിനും ശേഷം ഈ സീസണിലെ വൻ തുക ചെലവഴിച്ച ബ്ലൂസിന്റെ ആദ്യ വിജയമാണിത്, കഴിഞ്ഞ 15 പ്രീമിയർ ലീഗ് ഗെയിമുകളിലെ രണ്ടാമത്തെ വിജയമാണിത്.