ലോകത്ത് ഏറ്റവും കൂടുതൽ പ്രതിഫലം വാങ്ങുന്ന ബ്രസീലിയൻ താരങ്ങളിൽ മൂന്നാം സ്ഥാനം നേടി റോബർട്ടോ ഫിർമിനോ |Roberto Firmino

ലോകത്തിലെ ഏറ്റവും ഉയർന്ന പ്രതിഫലം വാങ്ങുന്ന ബ്രസീലുകാരുടെ കൂട്ടത്തിലേക്ക് കടന്നിരിക്കുകയാണ് റോബർട്ടോ ഫിർമിനോ. സൗദി അറേബ്യൻ ക്ലബ് അൽ-അഹ്‌ലിയിലേക്ക് മാറിയതോടെയാണ് മുൻ ലിവർപൂൾ ഫോർവേഡ് ഏറ്റവും കൂടുതൽ പ്രതിഫലം വാങ്ങുന്നവരുടെ പട്ടികയിൽ ഇടംപിടിച്ചത്.റാങ്കിംഗിൽ അദ്ദേഹം മൂന്നാം സ്ഥാനത്തേക്ക് ഉയർന്നു.

ഈ ശമ്പള ശ്രേണിയിൽ നെയ്മറും ഓസ്കറും മാത്രമാണ് അദ്ദേഹത്തിന് മുൻപിൽ. ക്രിസ്റ്റ്യാനോ റൊണാൾഡോയുടെ വരവോടെ സൗദി ഫുട്ബോൾ വിപണി കുതിച്ചുയരുകയും കൂടുതൽ കൂടുതൽ വലിയ കളിക്കാരെ ആകർഷിക്കുകയും ചെയ്യുന്നുണ്ട്.കഴിഞ്ഞ രണ്ട് വർഷമായി അദ്ദേഹം ബ്രസീലിയൻ ദേശീയ ടീമിനായി കളിച്ചിട്ടില്ലെങ്കിലും, മാർക്വിനോസ്, കാസെമിറോ, വിനീഷ്യസ് ജൂനിയർ തുടങ്ങിയ ഐക്കണിക് കളിക്കാരേക്കാൾ കൂടുതൽ ഫിർമിനോ സമ്പാദിക്കുന്നുണ്ട്.

അൽ-അഹ്‌ലിയുമായുള്ള ഫിർമിനോയുടെ കരാർ 2026 വരെ നീണ്ടുനിൽക്കും ഈ കാലയളവിൽ 66 ദശലക്ഷം യൂറോയുടെ തുക ലഭിക്കും. ഇക്കാരണം കൊണ്ടണ് ഫിർമിനോ ലോകത്ത് ഏറ്റവും കൂടുതൽ പ്രതിഫലം വാങ്ങുന്ന കളിക്കാരിൽ ഒരാളായി മാറിയത്.ഫുട്ബോളിൽ ഏറ്റവും കൂടുതൽ പ്രതിഫലം വാങ്ങുന്ന 10 ബ്രസീലുകാർ ആരാണെന്നു നോക്കാം.– നെയ്മർ (പാരീസ് സെന്റ് ജെർമെയ്ൻ) – പ്രതിവർഷം 44.1 ദശലക്ഷം യൂറോ.- ഓസ്കാർ (ഷാങ്ഹായ് പോർട്ട് ) – പ്രതിവർഷം 24 ദശലക്ഷം യൂറോ.- റോബർട്ടോ ഫിർമിനോ (അൽ-അഹ്ലി) – പ്രതിവർഷം 22 ദശലക്ഷം യൂറോ.- കാസെമിറോ (മാഞ്ചസ്റ്റർ യുണൈറ്റഡ്) – പ്രതിവർഷം 20.9 ദശലക്ഷം യൂറോ.- വിനീഷ്യസ് ജൂനിയർ (റിയൽ മാഡ്രിഡ്).

പ്രതിവർഷം 20.8 ദശലക്ഷം യൂറോ.- ഗബ്രിയേൽ ജീസസ് (ആഴ്സണൽ) – പ്രതിവർഷം 15.8 ദശലക്ഷം യൂറോ.- മാർക്വിനോസ് (പാരീസ് സെന്റ് ജെർമെയ്ൻ) – പ്രതിവർഷം 14.5 ദശലക്ഷം യൂറോ.- റാഫിൻഹ (ബാഴ്സലോണ) – പ്രതിവർഷം 12 ദശലക്ഷം യൂറോ.- ആന്റണി (മാഞ്ചസ്റ്റർ യുണൈറ്റഡ്) – പ്രതിവർഷം 11.9 ദശലക്ഷം യൂറോ.ഈ റാങ്കിംഗ് കളിക്കാരുടെ വാർഷിക ശമ്പളത്തെ അടിസ്ഥാനമാക്കിയുള്ളതാണ്.