സൗദി പ്രോ ലീഗിൽ ഇന്നലെ നടന്ന മത്സരത്തിൽ അൽ അഹ്‌ലിക്കെതിരെ ഒരു ഗോളിന്റെ ജയവുമായി അൽ നാസർ. സൂപ്പർ താരം ക്രിസ്റ്റ്യാനോ റൊണാൾഡോയാണ് അൽ നാസറിനായി വിജയ ഗോൾ നേടിയത്. 68-ാം മിനിറ്റിൽ പെനാൽറ്റി ഗോളാക്കി മാറ്റിയാണ് ക്രിസ്റ്റ്യാനോ റൊണാൾഡോ അൽ നാസറിന് വിലപ്പെട്ട മൂന്നു പോയിന്റുകൾ നേടികൊടുത്തത്.
മത്സരത്തിന്റെ 42-ാം മിനിറ്റിൽ റൊണാൾഡോ ഗോൾ നേടിയെങ്കിലും ഒരു നീണ്ട VAR പരിശോധനയിൽ അദ്ദേഹം ഓഫ്‌സൈഡാണെന്ന് കണ്ടെത്തിയതിനെത്തുടർന്ന് ഗോൾ അസാധുവാക്കി.57-ാം ആം മിനുട്ടിൽ അൽ അഹ്ലി നേടിയ ഗോളും VAR പരിശോധനയിൽ അനുവദിച്ചുകൊടുത്തില്ല .
🚨Cristiano Ronaldo has now scored 50 goals for Al Nassr 🔥pic.twitter.com/TL7MaT0BDq
— CristianoXtra (@CristianoXtra_) March 15, 2024
വലതുവശത്ത് നിന്ന് അലാന സെയ്ൻ്റ്-മാക്സിമിൻ നൽകിയ പാസിൽ റോബർട്ടോ ഫിർമിനോ ഒരു ലളിതമായ ടാപ്പിലൂടെ സ്കോർ ചെയ്തു. എന്നാൽ ആ നീക്കം പിന്നീട് ഓഫ് സൈഡായി. 37 ആം മിനുട്ടിൽ റിയാദ് മഹ്‌റസിൻ്റെ കോർണർ കിക്കിൽ നിന്നുമുള്ള മെറിഹ് ഡെമിറലിൻ്റെ ഹെഡ്ഡർ ക്രോസ്സ് ബാറിൽ തട്ടി.
🚨 Cristiano Ronaldo officially reaches 50 goals for Al Nassr. pic.twitter.com/PBQvXMns9y
— TCR. (@TeamCRonaldo) March 15, 2024
24 മത്സരങ്ങളിൽ നിന്നും 56 പോയിന്റുമായി അൽ ഹിലാലിനേക്കാൾ ഒമ്പത് പോയിൻ്റ് പിന്നിൽ രണ്ടാം സ്ഥാനത്താണ് അൽ നാസർ. ഒരു മത്സരം കുറവ് കളിച്ച അൽ ഹിലാൽ 65 പോയിന്റുമായി ഒന്നാം സ്ഥാനത്താണ്.