ഫുട്ബോൾ ലോകകപ്പ് നവംബർ 20 മുതൽ ആരംഭിക്കുന്നു. പതിവുപോലെ, 2022-ൽ ഖത്തറിൽ നടക്കുന്ന ഈ ലോകകപ്പിന്റെ ഫേവറിറ്റുകളുടെ പട്ടികയിൽ അർജന്റീനയും ഉണ്ട്.ലയണൽ മെസ്സി ലോകകപ്പിന്റെ വേദിയിൽ കളിക്കുന്ന അവസാനത്തെ സമയമാണിതെന്ന് മിക്കവാറും എല്ലാവർക്കും ഉറപ്പാണ്. ഇതുവരെ ലോകകപ്പ് നേടാത്ത ലയണൽ മെസ്സിക്ക് മുന്നിൽ ഖത്തർ വാതിൽ തുറക്കുമോ? എന്നാണ് എല്ലാവരും ആകാംഷയോടെ ഉറ്റു നോക്കുന്നത്.
കഴിഞ്ഞ വർഷം കോപ്പ അമേരിക്ക കിരീടം നേടി അർജന്റീനയുടെ 28 വർഷത്തെ കിരീട വരൾച്ചയ്ക്ക് അവസാനം കുറിച്ച ലയണൽ മെസ്സി ഇത്തവണ ലോകകപ്പ് വരൾച്ചയ്ക്ക് അറുതിയാകുമെന്ന പ്രതീക്ഷയിലാണ് ആരാധകർ. ഇത്തവണ അര്ജന്റീന കിരീടം നേടും എന്നുറപ്പിക്കുന്ന അഞ്ചു കാരണങ്ങൾ ഇതാണ്.
1 . ലയണൽ മെസ്സി – കഴിഞ്ഞ കുറച്ചു വർഷങ്ങളായി മെസ്സി അർജന്റീന ടീമിൽ പുറത്തെടുക്കുന്ന സ്ഥിരതയാർന്ന പ്രകടനം പ്രതീക്ഷ നൽകുന്നതാണ്. ഫോമിലാണെങ്കിൽ ലയണൽ മെസ്സി ടീമിന് എത്ര വലിയ മുതൽക്കൂട്ടാണ് എന്നതിനെക്കുറിച്ച് പുതുതായി ഒന്നും പറയാനില്ല. കഴിഞ്ഞ ഒന്നര പതിറ്റാണ്ടിനിടയിൽ മെസ്സി ക്ലബ്ബിന് വേണ്ടി ചെയ്ത കാര്യങ്ങൾ ദേശീയ ടീമിന് വേണ്ടി കൃത്യമായി ചെയ്തിട്ടുണ്ടോ എന്നത് ഒരു വർഷം മുമ്പുള്ള ഏറ്റവും വലിയ ചോദ്യമാണ്. കഴിഞ്ഞ വർഷം കോപ്പ അമേരിക്ക കിരീടം നേടിയതും സംശയമുള്ളവരുടെ ആ ചോദ്യത്തിന് വിരാമമിട്ടു. ബാക്കിയുള്ളത് ലോകകപ്പ് മാത്രം.ലോകകപ്പ് നേടാനുള്ള ലയണൽ മെസിയുടെ വ്യഗ്രത അദ്ദേഹത്തിന്റെ കളിയിൽ കാണാം. മെസ്സിയെ മുമ്പെന്നത്തേക്കാളും അർജന്റീനയുടെ ജഴ്‌സിയെ കൂടുതൽ ആശ്രയിക്കുന്നു. ഒപ്പം ലയണൽ മെസ്സിയെ ആശ്രയിച്ചാൽ രാജ്യാന്തര കിരീടങ്ങളുടെ വരൾച്ച മറികടക്കാം, കോപ്പ അമേരിക്കയും ലാ ഫിനാലിസിമയും നേടി അർജന്റീന തെളിയിച്ചതുപോലെ.
2 .ടീമിലെ ഒത്തിണക്കം –അർജന്റീനയ്‌ക്കായി ഒരു മത്സരം കളിക്കാൻ കളിക്കാർ പരിശീലന ക്യാമ്പിലേക്ക് പോകുമ്പോൾ, സോഷ്യൽ മീഡിയയിലെ അവരുടെ പ്രവർത്തനങ്ങൾ സൂക്ഷ്മമായി നിരീക്ഷിക്കുക. റോഡ്രിഗോ ഡി പോൾ, ലിയാൻഡ്രോ പർഡെസ്, പൗലോ ഡിബല്ല, അൻഹെൽ ഡി മരിയ, ക്രിസ്റ്റ്യൻ റൊമേറോ, എമിലിയാനോ മാർട്ടിനെസ് എന്നിവർ പോസ്റ്റ് ചെയ്ത ഗ്രൂപ്പ് ഫോട്ടോകൾ അവരുടെ ടീമിലെ ഒത്തിണക്കത്തെ എടുത്തു കാണിക്കുന്നു.ടീമിലെ കളിക്കാർ തമ്മിലുള്ള ബന്ധം ശക്തമാണ്. കളിക്കാർ തമ്മിലുള്ള ശക്തമായ ബന്ധമാണ് ഏതൊരു ടീമിന്റെയും വിജയത്തിന്റെ താക്കോൽ.ലയണൽ മെസ്സിയെ ടീമിന്റെ ലീഡറായി എല്ലാവരും സന്തോഷത്തോടെയാണ് സ്വീകരിച്ചു. ടീമിലെ എല്ലാവരും മെസ്സിക്ക് വേണ്ടി എന്തെങ്കിലും ചെയ്യാൻ ഉത്സുകരാണ്. മെസ്സിയുമായുള്ള എല്ലാവരുടെയും വ്യക്തിബന്ധം മറ്റൊരു തലത്തിലാണ്.മെസ്സി തന്നെ ദേശീയ ടീമിലെ കളി എന്നത്തേക്കാളും കൂടുതൽ ആസ്വദിക്കുന്നുണ്ടെന്ന് വ്യക്തമാണ്.
3 . പ്രതിരോധം- 2010 ൽ മറഡോണയുടെ പരിശീലനത്തിൽ അര്ജന്റീന ഇറങ്ങിയത് ഒരു റൈറ്റ് ബാക്ക് ഇല്ലാതെയാണ്.ലെഫ്റ്റ് വിങ്ങർ ഹോനാസ് ഗുട്ടറസ് റൈറ്റ് ബാക്കായി കളിച്ചിട്ടുണ്ട്, നിക്കോളാസ് ബർഡിസോ, നിക്കോളാസ് ഒട്ടാമെൻഡി അല്ലെങ്കിൽ ക്ലെമന്റ് റോഡ്രിഗസ് എന്നിവരെ ഫുൾബാക്കുകളായും കളിച്ചു. 2014-ലും സ്ഥിതി വ്യത്യസ്തമായിരുന്നില്ല.പ്രതിരോധത്തിന്റെ കാര്യത്തിൽ 2010ലെ ലോകകപ്പിനെയും 2018 ലോകകപ്പ് ഓർമിപ്പിച്ചു. അർജന്റീന 3 ഡിഫൻഡർമാരുമായോ 4 ഡിഫൻഡർമാരുമായോ കളിക്കുമോ എന്ന കാര്യത്തിൽ കോച്ച് ജോർജ് സാമ്പവോളിക്ക് സംശയമുണ്ടായിരുന്നു.എന്നാൽ ഈ അർജന്റീനയിൽ അദ്ദേഹത്തിന് ഒരു പ്രശ്നവുമില്ല. നിക്കോളാസ് ഒട്ടമെൻഡിക്ക് കൂട്ടായി ക്രിസ്റ്റ്യൻ റൊമേറോയുണ്ട്.റൈറ്റ്ബാക്ക് നഹുവൽ മോളിനയാണ്,ലെഫ്റ്റ് ബാക്കിൽ മാർക്കോസ് അക്യൂനയും നിക്കോളാസ് ടാഗ്ലിയാഫിക്കോയും. ലിസാൻഡ്രോ മാർട്ടിനെസ്, ജുവാൻ ഫോയ്ത്ത്, ജർമ്മൻ പെസെല്ല തുടങ്ങിയ പകരക്കാറുണ്ട്.ആറംഗ പ്രതിരോധത്തിലാണ് അർജന്റീന സ്ഥിരമായി കളിക്കുന്നത്. ഈ കളിക്കാരെ എപ്പോൾ, എങ്ങനെ ഉപയോഗിക്കണമെന്ന് കോച്ച് ലയണൽ സ്കലോനിക്ക് നന്നായി അറിയാം. എതിരാളിയുടെ സമ്മർദങ്ങൾക്കിടയിലും പരസ്പര ധാരണ മികച്ചതാണ്.
4 . ലയണൽ സ്കലോനി – അർജന്റീനയുടെ യഥാർത്ഥ ശക്തി പരിശീലകൻ ലയണൽ സ്കലോനിയുടെ തന്ത്രങ്ങളാണ്.ന്നിലധികം കളിക്കാരെ മാറ്റിവെച്ച് തനിക്ക് ഇഷ്ടമുള്ള ഒരു സ്ക്വാഡ് രൂപീകരിക്കാൻ തുടക്കം മുതൽ അദ്ദേഹത്തിന് അവസരം ലഭിച്ചു. ഈ ഗ്രൂപ്പിലെ എല്ലാവരുടെയും ശക്തിയും ദൗർബല്യവും അദ്ദേഹത്തിന് നന്നായി അറിയാം.അധികം പരീക്ഷണങ്ങൾ നടത്താതെ, ഫലാധിഷ്ഠിത ഫുട്ബോൾ കളിക്കുന്ന ഒരു പരിശീലകനാണ് സ്കെലോണി.2019 കോപ്പ അമേരിക്ക സെമിയിൽ തോറ്റതിന് ശേഷം തുടർച്ചയായ 35 മത്സരങ്ങൾ തോൽവിയറിയില്ല. അർജന്റീനയുടെ കളി കണ്ടാൽ മനസ്സിലാകുന്ന ഒരു കാര്യം മെസ്സിയെ സ്കെലോണി എത്ര നന്നായി ഉപയോഗിക്കുന്നു എന്ന്.
5 . എമിലിയാനോ മാർട്ടിനെസ്- കഴിഞ്ഞ കുറെ വര്ഷങ്ങളായി അര്ജന്റീന നേരിടുന്ന വലിയ പ്രശ്നമായിരുന്നു നിലവാരമുള്ള ഗോൾകീപ്പറുടെ സാനിധ്യം. റോബർട്ടോ അബോണ്ടൻസീറി, ലിയോ ഫ്രാങ്കോ തുടങ്ങിയവരെല്ലാം ലോകക്കപ്പിൽ അര്ജന്റീനയുടെ വല കാത്തു. 2014 ലെ വേൾഡ് കപ്പിൽ കളിച്ച റൊമേറോയാണ് അല്പമെങ്കിലും നിലവാരം പുറത്തെടുത്ത ഒരു കീപ്പർ.കഴിഞ്ഞ ലോകകപ്പിൽ വില്ലി കബല്ലെറോയുടെയും ഫ്രാങ്കോ അർമാനിയുടെയും പിഴവുകൾക്ക് അര്ജന്റീന വലിയ വില കൊടുക്കേണ്ടി വന്നു.കോച്ച് സ്കലോനിയുടെ പ്രധാന ഗോൾകീപ്പർ ആയി എമിലിയാനോ മാർട്ടിനെസ് വന്നത്തോടെ അർജന്റീനക്ക് ആശ്വാസമായി.കോപ്പ അമേരിക്ക സെമി ഫൈനലിലും ഫൈനലിലും തെളിയിച്ചതുപോലെ ലോകോത്തര ഗോൾകീപ്പറാകാൻ വേണ്ട എല്ലാ ഗുണങ്ങളും മാർട്ടിനസിനുണ്ട്.