ആഴ്‌സണലിന്റെ യൂറോപ്പ ലീഗ് യാത്ര ഷൂട്ട് ഔട്ടിൽ അവസാനിപ്പിച്ച് സ്പോർട്ടിങ് : ബെറ്റിസിനെതിരെ വിജയവുമായി മാഞ്ചസ്റ്റർ യുണൈറ്റഡ് ക്വാർട്ടറിൽ

ആഴ്‌സണലിന്റെ യൂറോപ്പ ലീഗ് യാത്ര എമിറേറ്റ്‌സ് സ്റ്റേഡിയത്തിൽ സ്‌പോർട്ടിംഗ് സിപിയോട് ഹൃദയഭേദകമായ പെനാൽറ്റി ഷൂട്ടൗട്ട് തോൽവിയോടെ അവസാനിച്ചു.ആദ്യ പഥത്തിൽ ഇരു ടീമുകളും രണ്ടു ഗോളുകൾ നേടി സമനില പാലിച്ചിരുന്നു . ഗ്രാനിറ്റ് ഷാക്കയുടെ സ്‌ട്രൈക്കിലൂടെ തുടക്കത്തിൽ തന്നെ ലീഡ് നേടിയെങ്കിലും, രണ്ടാം പകുതിയിൽ പെഡ്രോ ഗോൺകാൽവ്‌സിന്റെ അതിശയിപ്പിക്കുന്ന ലോംഗ് റേഞ്ച് ശ്രമത്തിൽ ഗണ്ണേഴ്‌സ് പിന്നോട്ട് പോയി.

എക്സ്ട്രാ ടൈമിൽ, ആഴ്സണലിന് കളി ജയിക്കാനുള്ള അവസരങ്ങൾ ഉണ്ടായിരുന്നു, എന്നാൽ സ്പോർട്ടിംഗ് ഗോൾകീപ്പർ അന്റോണിയോ അദാൻ നിർണായക സേവുകൾ നടത്തി ഗബ്രിയേലിനെയും ലിയാൻഡ്രോ ട്രോസാർഡിനെയും ഗോൾ ശ്രമങ്ങൾ തടഞ്ഞു.ആത്യന്തികമായി മത്സരം പെനാൽറ്റിയിലേക്ക് പോയി. ഷൂട്ട് ഔട്ടിൽ സ്പോർട്ടിങ് അഞ്ച് കിക്കും ലക്ഷ്യത്തിലെത്തിച്ചപ്പോൾ ആഴ്‌സണൽ താരം മാർട്ടിനെല്ലിയുടെ കിക്ക് പിഴച്ചു.

റയൽ ബെറ്റിസിനെ സ്പെയിനിൽ പോയി എതിരില്ലാത്ത ഒരു ഗോളിന് കീഴടക്കി മാഞ്ചസ്റ്റർ യുണൈറ്റഡ് യൂറോപ്പ ലീഗ് ക്വാർട്ടർ ഫൈനലിൽ പ്രവേശിച്ചു.മാർക്കസ് റാഷ്‌ഫോർഡ് നേടിയ ഗോളിനായിരുന്നു യൂണൈറ്റഡിന്റെ ജയം.ഒരാഴ്ച മുമ്പ് ഓൾഡ് ട്രാഫോർഡിൽ നടന്ന ആദ്യ പാദത്തിൽ യുണൈറ്റഡ് ഒന്നിനെതിരെ നാല് ഗോളുകൾക്ക് ജയം നേടിയിരുന്നു.ബെറ്റിസിന് അവസാന എട്ടിലെത്താൻ സെവില്ലയിൽ ഒരു അസംഭവ്യമായ ഫലം ആവശ്യമായിരുന്നു.പ്രീമിയർ ലീഗ് എതിരാളികൾക്ക് നേരെ വിജയത്തിനായി ബെറ്റിസ്‌ കഠിനമായി ശ്രമിച്ചെങ്കിലും ഡേവിഡ് ഡി ഗിയയുടെ തുടർച്ചയായ സേവുകൾ യുണൈറ്റഡിന്റെ രക്ഷക്കെത്തുകയിരുന്നു.

55 ആം മിനുട്ടിലാണ് റാഷ്‌ഫോഡിന്റെ ബൂട്ടിൽ നിന്നും ഗോൾ പിറന്നത്.മാൻ യുണൈറ്റഡിന് വേണ്ടിയുള്ള യൂറോപ്യൻ മത്സരത്തിൽ റാഷ്‌ഫോർഡിന്റെ 25-ാമത്തെ ഗോളായിരുന്നു അത്, ക്ലബ്ബിന്റെ എക്കാലത്തെയും പട്ടികയിൽ ആറാം സ്ഥാനത്തെത്തി.ഈ സീസണിലെ എല്ലാ മത്സരങ്ങളിലെയും തന്റെ 26-ാം ഗോളോടെ, 25-കാരൻ ഇപ്പോൾ യൂറോപ്പിലെ മികച്ച അഞ്ച് ലീഗുകളിൽ നിന്നുള്ള കളിക്കാരിൽ മൂന്നാമതാണ്, മാൻ സിറ്റിയുടെ എർലിംഗ് ഹാലൻഡ് (39), പാരീസ് സെന്റ് ജെർമെയ്‌നിന്റെ കൈലിയൻ എംബാപ്പെ (31) എന്നിവർക്ക് പിന്നിൽ.

രണ്ടാം പാദ മത്സരത്തിൽ ഫ്രീബെർഗിനെ എതിരില്ലാത്ത രണ്ടു ഗോളുകൾക്ക് കീഴടക്കി യുവന്റസും ക്വാർട്ടറിൽ ഇടം കണ്ടെത്തി. ആദ്യ പഥത്തിൽ യുവന്റസ് ഒരു ഗോളിന്റെ വിജയം നേടിയിരുന്നു.ദുസാൻ വ്ലാഹോവിച്ച് (45′ PEN) ഫെഡറിക്കോ ചീസ (90’+5′) എന്നിവരാണ് യുവന്റസിന്റെ ഗോളുകൾ നേടിയത്. മറ്റൊരു മത്സരത്തിൽ റയൽ സോസിഡാഡിനോട് റോമ ഗോൾരഹിത സമനില വഴങ്ങിയെങ്കിലും ആദ്യ പാദത്തിലെ രണ്ടു ഗോളിന്റെ മികവിൽ ക്വാർട്ടറിൽ കടന്നു