ലിയോ മെസ്സിക് സൗദിയിൽ ബ്രസീലിയൻ താരങ്ങളുടെ ‘റൊണാൾഡോ ഗിഫ്റ്റ്’ തരംഗമാകുന്നു

റിയാദ് സീസൺ കപ്പിൽ ഇന്റർമിയാമിയെ എതിരില്ലാത്ത ആറ് ഗോളുകൾക്ക് പരാജയപ്പെടുത്തി സൗദി അറേബ്യൻ ക്ലബ്ബായ അൽ നസ്ർ വിജയം സ്വന്തമാക്കിയിരുന്നു. ലിയോ മെസ്സി VS ക്രിസ്റ്റ്യാനോ റൊണാൾഡോ പോരാട്ടം പ്രതീക്ഷിച്ചെത്തിയ ആരാധകർക്ക് നിരാശ നൽകുന്നതായിരുന്നു മത്സരത്തിലെ താരങ്ങളുടെ സാന്നിധ്യം. പരിക്ക് കാരണം ക്രിസ്ത്യാനോ റൊണാൾഡോ കളിക്കാതിരുന്നപ്പോൾ ലിയോ മെസ്സി കളിച്ചത് അവസാന 15 മിനിറ്റുകൾ മാത്രം.

എന്തായാലും ഈ മത്സരത്തിൽ തകർപ്പൻ ഹാട്രിക് ഗോളുകൾ സ്വന്തമാക്കിയ ബ്രസീലിയൻ താരമായ ടാലിസ്കയുടെ മിടുക്കിലാണ് അൽ നസ്ർ ഇന്റർമിയാമിയെ മറുപടിയില്ലാത്ത ആറു ഗോളുകൾക്ക് തോല്പിച്ചത്. സൂപ്പർതാരമായ ക്രിസ്ത്യാനോ റൊണാൾഡോയുടെ അസാന്നിധ്യത്തിലും ഇന്റർമിയാമിക്കെതിരെ ഗംഭീര പ്രകടനമാണ് അൽ നസ്ർ മത്സരത്തിൽ ഒന്നാകെ കാഴ്ചവച്ചത്.

കഴിഞ്ഞ മത്സരത്തിൽ മറ്റൊരു സൗദി അറേബ്യൻ ശക്തരായ അൽ ഹിലാലിനോട് മൂന്നിനെതിരെ നാല് ഗോളുകൾക്ക് ഇന്റർ മിയാമി പരാജയപ്പെട്ടിരുന്നു. ഈ മത്സരത്തിൽ ലിയോ മെസ്സിയുടെ മുന്നിൽ വെച്ച് ഗോൾ നേടിയ ശേഷം അൽ ഹിലാൽ താരം മൈക്കൽ നടത്തിയ ക്രിസ്റ്റ്യാനോ റൊണാൾഡോയുടെ ഗോൾ സെലിബ്രേഷൻ വളരെയധികം സോഷ്യൽ മീഡിയയിൽ തരംഗമായിരുന്നു. ബ്രസീലിയൻ താരമായ മൈക്കൽ റൊണാൾഡോയുടെ സെലിബ്രേഷൻ നടത്തുമ്പോൾ മെസ്സി ഗ്രൗണ്ടിലുണ്ടായിരുന്നു.

അതേസമയം അൽ നസ്റിനെതിരായ മത്സരത്തിൽ ബെഞ്ചിലായിരുന്ന ലിയോ മെസ്സി അവസാന മിനിറ്റുകളിലാണ് കളിക്കാനിറങ്ങിയത്. ഈ മത്സരത്തിൽ മെസ്സി കളിക്കാനിറങ്ങുന്നതിന് മുൻപാണ് ബ്രസീലിയൻ താരമായ ടാലിസ്‌ക തന്റെ ഹാട്രിക് ഗോളുകൾ തികക്കുന്നതും അൽ നസ്റിന്റെ ആറാമത്തെ ഗോൾ സ്വന്തമാക്കുന്നതും. ഈയൊരു ഗോൾ നേടിയ ശേഷം ടാലിസ്‌ക നടത്തിയ റൊണാൾഡോ സെലിബ്രേഷൻ കൂടി ഇപ്പോൾ സോഷ്യൽ മീഡിയ ശ്രദ്ധ നേടുകയാണു. മെസ്സിയുടെ ടീമിനെതിരെ മെസ്സിക്ക് മുന്നിൽ വെച്ച് അൽ ഹിലാലിന്റെയും അൽ നസ്റിന്റെയും താരങ്ങൾ നടത്തിയ റൊണാൾഡോ സെലിബ്രേഷനാണ് ഇപ്പോൾ സോഷ്യൽ മീഡിയയിൽ തരംഗം.