ലോകചാമ്പ്യന്മാരായ അര്‍ജന്റീന ദേശീയ ഫുട്ബോള്‍ ടീമിന്റെ കേരളത്തിലെ സന്നാഹമത്സരം 2025 ഒക്ടോബറിൽ തുടങ്ങാന്‍ ധാരണയായി. മൂന്നുമത്സരങ്ങളാകും അര്‍ജന്റീന ടീം കേരളത്തില്‍ കളിക്കുക.തുടക്കത്തിൽ ജൂണിൽ ആസൂത്രണം ചെയ്തിരുന്ന മത്സരങ്ങൾ മഴക്കാലം കാരണമാണ് മാറ്റിയത്.
ലോകകപ്പ് ജേതാക്കളെ കേരളത്തിലെത്തിക്കാൻ സർക്കാർ 100 കോടിയുടെ ബജറ്റ് രൂപപ്പെടുത്തിയിട്ടുണ്ടെന്ന് റിപ്പോർട്ടുകൾ സൂചിപ്പിക്കുന്നു .എതിർ ടീമുകൾ ആരാവും എന്നതിനെക്കുറിച്ച്‌ ഇതുവരെ തീരുമാനം ഒന്നും ആയിട്ടില്ല.മലപ്പുറത്തെ പയ്യനാട് സ്റ്റേഡിയത്തിൽ ഒരു മത്സരത്തിന് ആതിഥേയത്വം വഹിക്കാനുള്ള പദ്ധതിയെക്കുറിച്ച് കേരള കായിക മന്ത്രി വി അബ്ദുറഹിമാൻ ‘മാതൃഭൂമി ന്യൂസി’നോട് വെളിപ്പെടുത്തി. സംസ്ഥാനത്തെ മറ്റ് നഗരങ്ങളിലും മത്സരങ്ങൾ നടത്തുന്നത് സംബന്ധിച്ച് ചർച്ചകൾ പുരോഗമിക്കുകയാണ്.
സംസ്ഥാനത്തിന് ഏറ്റവും കുറഞ്ഞ സാമ്പത്തിക ആഘാതം ഉറപ്പാക്കിക്കൊണ്ട് സ്‌പോൺസർഷിപ്പിലൂടെ പരിപാടിക്ക് പണം നൽകുകയാണ് സർക്കാർ ലക്ഷ്യമിടുന്നതെന്ന് മന്ത്രി പറഞ്ഞു. മൂന്നുമത്സരങ്ങള്‍ ഉള്‍പ്പെടുന്ന പാക്കേജിന്റെ ടെലിവിഷന്‍ സംപ്രേഷണാവകാശത്തിലൂടെയും സ്പോണ്‍സര്‍ഷിപ്പിലൂടെയും തുക കണ്ടെത്തും. ഒപ്പം ടിക്കറ്റ് വില്‍പ്പനയിലൂടെയും പ്രാദേശിക സ്പോണ്‍സര്‍ഷിപ്പിലൂടെയും ഫണ്ട് കണ്ടെത്തും.
[🥇] The Kerala government is projecting a budget of 100 crores to host Argentina friendlies in Kerala in October 2025. They aim to secure funds through sponsorship deals, broadcasting agreements, and ticket sales. 🇦🇷💰 @mathrubhumi #IndianFootball #SFtbl pic.twitter.com/7LGqvTyxUU
— Sevens Football (@sevensftbl) January 20, 2024
അർജന്റീന ഫുട്ബോൾ അസോസിയേഷൻ അംഗങ്ങളുമായുള്ള ചർച്ചയിൽ ഇവന്റ് വിശദാംശങ്ങൾക്ക് അന്തിമരൂപം ലഭിക്കുമെന്ന് പ്രതീക്ഷിക്കുന്നു. അർജന്റീനയിൽ നിന്നുള്ള ഫുട്ബോൾ വിദഗ്ധർ കേരള സർക്കാരിന്റെ ‘ഗോൾ പദ്ധതി’യിൽ സഹായിക്കും.കിഫ്ബി ഫണ്ടിൽ നിന്ന് 75 കോടി രൂപ ഉപയോഗിച്ച് പയ്യനാട്ടിൽ ഫിഫ നിലവാരത്തിലുള്ള സ്റ്റേഡിയം നിർമിക്കാനാണ് കേരള സർക്കാർ ലക്ഷ്യമിടുന്നത്.