ഇന്ത്യൻ സൂപ്പർ ലീഗിലെ ആദ്യ മത്സരത്തിൽ ഈസ്റ്റ് ബംഗാളിനെതിരെ കേരള ബ്ലാസ്റ്റേഴ്‌സ് തകർപ്പ ജയം സ്വന്തമാക്കിയിരുന്നു. ഒന്നിനെതിരെ മൂന്നു ഗോളുകൾക്കായിരുന്നു ബ്ലാസ്റ്റേഴ്സിന്റെ ജയം.ബ്ലാസ്റ്റേഴ്‌സ് ആരാധകരെ വലിയ പിന്തുണക്ക് കേരള ബ്ലാസ്റ്റേഴ്‌സ് എഫ്‌സി ഹെഡ് കോച്ച് ഇവാൻ വുകോമാനോവിച്ച് നന്ദി പറയുകയും തങ്ങളുടെ ടീമിലെ 12-ാമത്തെ ആളായിമാറിയ അവരെ അഭിനന്ദിക്കുകയും ചെയ്തു.അഡ്രിയാൻ ലൂണ അരങ്ങേറ്റക്കാരൻ ഇവാൻ കലിയൂസ്നി എന്നിവരാണ് ഇന്നലെ ബ്ലാസ്റ്റേഴ്സിന്റെ ഗോളുകൾ നേടിയത്.
“ഇത്തരത്തിലുള്ള പിന്തുണ ലഭിക്കുന്നത് വളരെ വലിയ കാര്യമാണ്.അത് വിലമതിക്കാനാവാത്തതായിരുന്നു, പ്രത്യേകിച്ചും കളിക്കാർ പിച്ചിൽ ല്ലാം നൽകുമ്പോൾ.വാസ്തവത്തിൽ ഈ ആരാധകർ ഞങ്ങളെ കൂടുതൽ നന്നായി ചെയ്യാൻ പ്രേരിപ്പിക്കുന്നു. അവർക്കായി എല്ലാം നൽകണം നിങ്ങളുടെ വിയർപ്പിന്റെ അവസാന തുള്ളി പോലും.ആദ്യ ഗോളിന് ശേഷം മികച്ച പ്രകടനം നടത്താൻ ആരാധകർ ഞങ്ങളെ എങ്ങനെ പ്രേരിപ്പിച്ചുവെന്ന് ഇന്നലത്തെ മത്സരത്തിൽ നിന്നും കാണാൻ സാധിച്ചു.എവേ ടീമിന് ഇത് ശരിക്കും ഭയപ്പെടുത്താൻ ഈ ആരാധകരെ കൊണ്ട് കഴിയും.ഇത്തരത്തിലുള്ള ഗെയിമുകൾ നിയന്ത്രിക്കാൻ കഴിയുമെങ്കിൽ, പ്രതിസന്ധി ഘട്ടങ്ങളിലും നമുക്ക് എതിരാളികളെ തോൽപ്പിക്കാൻ കഴിയും” ബ്ലാസ്റ്റേഴ്സിന്റെ ആരാധകരെക്കുറിച്ച് ഇവാൻ പറഞ്ഞു.
“ഈ സീസണിൽ ഞങ്ങൾക്ക് ചില മികച്ച പുതിയ താരങ്ങളുണ്ട്. കഴിഞ്ഞ സീസണിൽ ടീമിൽ ഇല്ലാതിരുന്നൊരു സാഹചര്യമാണത്. ഈ താരങ്ങളെ പല വശങ്ങളിലും സാഹചര്യങ്ങളിലും ഉപയോഗിക്കാൻ സാധിക്കും. ഇവാൻ കലിയുഴ്നിയെപ്പോലുള്ള താരങ്ങളെക്കുറിച്ച് പറയുകയാണെങ്കിൽ, അദ്ദേഹം ഒരു നല്ല മനുഷ്യനാണ്, മികച്ച കളിക്കാരനാണ്. അദ്ദേഹം പലതരം ഉള്ള കഴിവുകളുള്ള താരമാണ്. അദ്ദേഹത്തെപ്പോലൊരു താരം ടീമിന്റെ ഭാഗമായതിൽ ഞാൻ സന്തോഷിക്കുന്നു” അദ്ദേഹം കൂട്ടിച്ചേർത്തു.
Here's a glimpse into Ivan Vukomanovic's boys warming up for the opener!#HeroISL #KeralaBlasters #KBFCEBFC pic.twitter.com/FSRoguWlJi
— The Bridge Football (@bridge_football) October 7, 2022
“ഹീറോ ഐ‌എസ്‌എല്ലിൽ ഇത്തരമൊരു അന്തരീക്ഷത്തിൽ അവരുടെ ആദ്യ അനുഭവമായിരുന്നു അത്, അവർ നന്നായി പൊരുത്തപ്പെട്ടു.വലിയ ടീമിൽ കളിക്കുന്ന നിരവധി വിദേശ കളിക്കാർ ഇന്ത്യയിലേക്ക് വന്നിണ്ടുണ്ടെങ്കിലും ഇത്തരത്തിലുള്ള അന്തരീക്ഷം പല വിദേശ കളിക്കാർക്കും അവരുടെ ജീവിതത്തിൽ ഒരിക്കലും അനുഭവിച്ചിട്ടില്ല. ഞങ്ങളുടെ ടീമിൽ ഞങ്ങൾ ആഗ്രഹിച്ച കൃത്യമായ പ്രൊഫൈലുകൾ ആയതിനാൽ അവരുടെ ഗുണനിലവാരത്തിൽ ഞങ്ങൾ സന്തുഷ്ടരാണ്.ഇത്തരത്തിലുള്ള അന്തരീക്ഷത്തിൽ, അവർ സ്വയം വികസിക്കുകയും ശക്തരാകുകയും ചെയ്യുമെന്ന് ഉറപ്പാണ്, അത് അവരെ കൂടുതൽ വിശ്വസിക്കാൻ ഇടയാക്കും, ഈ കളിക്കാരിൽ നിന്ന് ഞങ്ങൾക്ക് വേണ്ടത് ഇതാണ് ” ബ്ലാസ്റ്റേഴ്സിലെ പുതിയ രണ്ടു ഫോർവേഡുകൾക്കുറിച്ച് ഇവാൻ പറഞ്ഞു.