ലുസൈൽ സ്റ്റേഡിയത്തിൽ നടക്കുന്ന 2022 ഫിഫ ലോകകപ്പിന്റെ ക്വാർട്ടർ ഫൈനലിൽ അർജന്റീന നെതർലാൻഡിനെ നേരിടും.സൗദി അറേബ്യയോട് 1-0 ന് ഞെട്ടിക്കുന്ന തോൽവിയോടെയാണ് ലാ ആൽബിസെലെസ്റ്റെ തങ്ങളുടെ കാമ്പയിൻ ആരംഭിച്ചത്. അതിനുശേഷം തുടർച്ചയായി മൂന്ന് മത്സരങ്ങൾ ജയിച്ച അവർ മികച്ച ഫോമിലാണ്.മറുവശത്ത് ലൂയിസ് വാൻ ഗാലിന്റെ ടീം 2021 സെപ്തംബർ മുതൽ തോൽവിയറിയാതെ നിൽക്കുന്നു. 2022 ഫിഫ ലോകകപ്പിൽ തോൽക്കാത്ത ചുരുക്കം ചില ടീമുകളിലൊന്നാണ് ഓറഞ്ച്. ഈ മൂന്നു കാരണങ്ങൾകൊണ്ട് അർജന്റീനക്ക് ഇന്നത്തെ മത്സരം കടുപ്പമേറിയതാവും.
ലയണൽ മെസ്സിയെ അമിതമായി ആശ്രയിക്കുന്നു : അര്ജന്റീന ഖത്തറിൽ നേടിയ ഏഴു ഗോളിൽ മൂന്നും നേടിയത് ലയണൽ മെസിയാണ്. അർജന്റീനയുടെ ഇതുവരെയുള്ള മുന്നേറ്റത്തിൽ 35 കാരന്റെ പങ്ക് നിർണായകമാണ്.കൂടാതെ ഡേഞ്ചറസ് ഏരിയയിൽ നിന്നും പന്ത് വിതരണം ചെയ്യാനുള്ള അദ്ദേഹത്തിന്റെ സാന്നിധ്യവും കഴിവും അര്ജന്റീനക് നിർണായകമാണ്.മെസ്സിയെ മാൻ മാർക്ക് ചെയ്യുന്നതിൽ മാത്രം ശ്രദ്ധ കേന്ദ്രീകരിക്കുന്നതിനുപകരം നെതർലൻഡ്‌സിന് പൊസഷൻ നഷ്ടപ്പെടുത്താൻ കഴിയുമെങ്കിൽ അത് ലയണൽ സ്‌കലോനിയുടെ ടീമിനെ അസ്ഥിരപ്പെടുത്തും.ദുഷ്‌കരമായ സാഹചര്യങ്ങളിൽ മുന്നേറി ടീമിന്റെ ഫലത്തിൽ മാറ്റം വരുത്താൻ കഴിവുള്ള മുന്നേറ്റനിര താരങ്ങളുടെ അഭാവം അര്ജന്റീനക്കെതിരെ ഡച്ച് ടീമിന് മുൻ‌തൂക്കം നൽകും.മെസിയെ കൂടുതൽ ആശ്രയിക്കേണ്ടി വരുന്നതും അർജന്റീനക്ക് തിരിച്ചടി നൽകിയേക്കാം.
പരീക്ഷിക്കപെടാത്ത അർജന്റീനയുടെ പ്രതിരോധം : ലോകകപ്പിൽ നാല് മത്സരങ്ങളിൽ നിന്ന് എട്ട് ഗോളുകൾ നേടി നെതർലൻഡ്‌സ് മുന്നേറ്റനിര മികച്ച ഫോമിലാണ്.അതേസമയം അർജന്റീനയുടെ പ്രതിരോധം ഇതുവരെ മൂന്ന് ഗോളുകൾ മാത്രമാണ് വഴങ്ങിയത്. ഒരു ആക്രമണ ബ്രാൻഡ് ഫുട്ബോൾ കളിക്കുന്നതിനുപകരം തങ്ങളുടെ ബാക്ക്‌ലൈൻ സംരക്ഷിക്കുന്നതിൽ സന്തോഷമുള്ള ടീമുകളായ പോളണ്ട്, മെക്സിക്കോ, ഓസ്‌ട്രേലിയ തുടങ്ങിയവെയെയാണ് അര്ജന്റീന ഇതുവരെ നേരിട്ടത്. അത്കൊണ്ട് തന്നെ മെംഫിസ് ഡിപേയും കോഡി ഗാക്‌പോയും ഉൾപ്പെടുന്ന മുന്നേറ്റനിരയെ തടയുക എന്നത് അര്ജന്റീന ഡിഫെൻസിനു തലവേദന നൽകുന്ന ഒന്നായിരിക്കും.ലോകകപ്പിൽ ഇതുവരെ നേരിട്ടിട്ടില്ലാത്ത ഒരു ആക്രണമണം ആയിരിക്കും ഇന്ന് അർജന്റീനക്ക് നേരിടേണ്ടി വരിക .
നെതർലാൻഡസിന്റെ ശക്തമായ പ്രതിരോധം : നാല് കളികളിൽ രണ്ട് ക്ലീൻഷീറ്റുകൾ കൈകാര്യം ചെയ്ത നെതർലൻഡ്‌സ് പ്രതിരോധത്തിലും മികച്ച ടീമാണെന്ന് തെളിയിച്ചു.2022 ഫിഫ ലോകകപ്പിൽ ഇതുവരെ രണ്ട് ഗോളുകൾ മാത്രമാണ് ഓറഞ്ച് വഴങ്ങിയത്.വിർജിൽ വാൻ ഡിക്ക്, നഥാൻ എകെ,ടിംബർ ,ബ്ലൈൻഡ് ,ഡി ലൈറ്റ് എന്നിവർ അണിനിരക്കുന്ന പ്രതിരോധ നിർ ലയണൽ മെസിക്കും അര്ജന്റീനക്കും വലിയ്യ്‌ വെല്ലുവിളി തന്നെയാവും ഉയർത്തുക.