2021-2022 സീസണിലെ യുവേഫ അവാർഡുകൾ ലീക്കായിയിരിക്കുകയാണ്.കഴിഞ്ഞ സീസണിൽ കിരീടം നേടിയ ടീമായ റയൽ മാഡ്രിഡിന്റെ ആധിപത്യമാണ് അവാർഡുകളിൽ കാണാൻ സാധിക്കുന്നത്.കഴിഞ്ഞ സീസണിലെ ചാമ്പ്യൻസ് ലീഗ് ഫൈനൽ കളിച്ച ലിവർപൂളിൽ നിന്നും റയൽ മാഡ്രിഡിൽ നിന്നും നാല് വീതം താരങ്ങൾ യുവേഫയുടെ ബേസ്ഡ് ഇലവനിൽ സ്ഥാനം പിടിച്ചു.
കരിം ബെൻസിമ, വിനീഷ്യസ് ജൂനിയർ, തിബോ ക്വാർട്ടുവ എന്നീ താരങ്ങളാണ് യുവേഫ അവാർഡുകൾ നേടിയത്. ഏവരും പ്രതീക്ഷിച്ചതു പോലെ തന്നെ 15 ഗോളുകളോടെ ടോപ് സ്കോററായി മാറിയ കരിം ബെൻസിമയാണ് യുവേഫയുടെ ഏറ്റവും മികച്ച താരത്തിനുള്ള പുരസ്‌കാരത്തിന് അർഹനായിരിക്കുന്നത്. അതിനു പുറമെ വിനീഷ്യസ് ജൂനിയർ യുവേഫയുടെ മികച്ച യുവതാരത്തിനുള്ള പുരസ്‌കാരവും തിബോ ക്വാർട്ടുവ മികച്ച ഗോൾകീപ്പർക്കുള്ള പുരസ്‌കാരവും നേടിയിട്ടുണ്ട്. മെയ് ഫൈനലിൽ ലിവർപൂളിനെ തോൽപ്പിച്ച് റയൽ മാഡ്രിഡ് 14-ാം തവണയും ചാമ്പ്യൻസ് ലീഗ് ജേതാക്കളായിരുന്നു, ഈ താരങ്ങളുടെ മികവിലാണ് റയൽ കിരീടം നേടിയത് .
മൂവരും സീസണിലെ മികച്ച ഇലവനിൽ ഇടംനേടി, മധ്യനിര താരം ലൂക്കാ മോഡ്രിച്ച് റയൽ മാഡ്രിഡിന്റെ പ്രാതിനിധ്യം പൂർത്തിയാക്കി. യുവേഫ ഇലവനിൽ നാല് ഡിഫൻഡർമാരിൽ മൂന്ന് പേരും പരാജയപ്പെട്ട ഫൈനലിസ്റ്റുകളായ ലിവർപൂളിൽ നിന്നുള്ളവരാണ് – ട്രെന്റ് അലക്സാണ്ടർ-അർനോൾഡ്, വിർജിൽ വാൻ ഡിക്ക്, ആൻഡ്രൂ റോബർട്ട്‌സൺ – ഫാബിഞ്ഞോയാണ് മറ്റ് റെഡ്സ് കളിക്കാരൻ.
UEFA's Champions League best XI is LEAKED early with Liverpool matching Real Madrid for players included https://t.co/NzZDkcpMTl
— MailOnline Sport (@MailSport) August 24, 2022
റയൽ മാഡ്രിഡ് ഡിഫൻഡർ അന്റോണിയോ റൂഡിഗർ മാഞ്ചസ്റ്റർ സിറ്റിയുടെ മധ്യനിര താരം കെവിൻ ഡി ബ്രൂയ്ൻ, ഫ്രഞ്ച് ടീം 16-ാം റൗണ്ടിൽ ഫിനിഷ് ചെയ്തിട്ടും ആറ് ഗോളുകൾ നേടിയ പിഎസ്ജി ഫോർവേഡ് കൈലിയൻ എംബാപ്പെയും ബേസ്ഡ് ഇലവനിൽ സ്ഥാനം പിടിച്ചു. ഗാരെത് സൗത്ത്ഗേറ്റ്, ഡേവിഡ് ജെയിംസ്, റോബർട്ടോ മാർട്ടിനെസ്, ടിം കാഹിൽ എന്നിവരുൾപ്പെടെ ഫുട്ബോൾ ലോകത്തെ 23 പേരുകൾ ഉൾപ്പെട്ട യുവേഫയുടെ സാങ്കേതിക സമിതിയാണ് ടീമിനെ നിശ്ചയിച്ചത്.നാലാം തവണയും ട്രോഫി സ്വന്തമാക്കിയ കാർലോ ആൻസലോട്ടി മികച്ച മാനേജരായി തിരഞ്ഞെടുക്കപ്പെട്ടു